म.टा.प्रतिनिधी,नगर
‘आमच्या उच्च शिक्षणाच्या स्वप्नपूर्तीसाठी ‘मटा हेल्पलाइन’च्या माध्यमातून पुढे आलेले दानशूर हे आमचे आता पालक झाले आहेत. आमच्या पालकांप्रमाणेच या पालकांनीही ज्या विश्वासाने आम्हाला पाठबळ दिले, त्याला तडा जाऊ देणार नाही. डॉक्टर व इंजिनीअरिंगची स्वप्नपूर्ती आम्ही साध्य करूच’, असा स्पष्ट विश्वास दीप्ती शिंदे व सौरभ राऊत या गुणवंत विद्यार्थ्यांनी मंगळवारी दिला. यानिमित्ताने ‘मटा हेल्पलाइन’ उपक्रमाचे मान्यवरांनी कौतुक केले. ही हेल्पलाइन गरीब गुणवंतांचा आधार ठरल्याची भावनाही व्यक्त केली गेली.
कर्जत येथील दीप्ती शिंदे व नगरमधील सौरभ राऊत या दहावीतील गुणवंतांना कौटुंबिक आर्थिक हलाखीच्या स्थितीमुळे उच्च शिक्षणाचे ध्येय साध्य करण्यास अडचण होती. ‘मटा हेल्पलाइन’द्वारे या दोघांना मदतीचे आवाहन केल्यानंतर त्याला नगर शहर व जिल्ह्यातून भरभरून प्रतिसाद मिळाला. या दोघांच्या नावाने दानशुरांनी दिलेल्या धनादेशांचे वितरण आज ‘झेडपी’चे सीईओ रवींद्र बिनवडे व युवा आयटी उद्योजक आशुतोष लांडगे यांच्या हस्ते करण्यात आले. ‘सीएसआरडी’ शिक्षण संस्थेच्या सभागृहात झालेल्या या सोहळ्यास उपस्थित सर्वांनाच या हृद्य सोहळ्याने गलबलून आले. वेळीच उपचार न मिळाल्याने वडिलांचे निधन झाल्याची सल मनात साठवून स्वतः डॉक्टर होऊन गरीबांवर उपचार करण्याची उर्मी बाळगणारी दीप्ती शिंदे तसेच रुग्णालयात अल्प पगाराची नोकरी करून आईने केलेल्या संगोपनाचे पांग फेडण्यासाठी इंजिनीअर होण्याचे ध्येय समोर असलेल्या सौरभ राऊतची कहाणी सर्वांनाच अस्वस्थ करून गेली. उपस्थित दानशुरांनी या दोघांच्याही जिद्दीचे कौतुक करताना स्वप्नपूर्तीसाठी भरभरून आशीर्वाद दिले. वाचक, दानशुरांच्यावतीने छत्रपती शिवाजी महाराज इंजिनीअरिंग कॉलेजचे प्राचार्य डॉ. राजकुमार देशपांडे, निवृत्त शिक्षण विस्तार अधिकारी बी. एम. बांदल, निवृत्त प्राचार्य विश्वासराव काळे, डॉ. संजय गीते यांनी मनोगत व्यक्त केले.
‘मटा हेल्पलाइन’चे कौतुक
सजग पत्रकारितेसह सामाजिक बांधिलकी जपण्याचा ‘मटा हेल्पलाइन’च्या माध्यमातून नवा आदर्श ‘मटा’ने निर्माण केल्याचे गौरवोद्गार झेडपी सीईओ बिनवडे यांनी व्यक्त केले. ‘गरिबीमुळे गुणवंतांचे उच्च शिक्षणाचे स्वप्न अपुरे राहू नये म्हणून समाजाच्या मदतीने त्यांना पाठबळ देण्याची ‘मटा हेल्पलाइन’ची संकल्पना नाविन्यपूर्ण असून, ती सर्व समाजाला आपलीशी वाटते’, अशी भावना लांडगे यांनी व्यक्त केली. अन्य वक्त्यांनीही ‘मटा हेल्पलाइन’चे कौतुक करताना भविष्यातही ‘मटा’ला साथ देण्याची ग्वाही दिली.
‘आमच्या उच्च शिक्षणाच्या स्वप्नपूर्तीसाठी ‘मटा हेल्पलाइन’च्या माध्यमातून पुढे आलेले दानशूर हे आमचे आता पालक झाले आहेत. आमच्या पालकांप्रमाणेच या पालकांनीही ज्या विश्वासाने आम्हाला पाठबळ दिले, त्याला तडा जाऊ देणार नाही. डॉक्टर व इंजिनीअरिंगची स्वप्नपूर्ती आम्ही साध्य करूच’, असा स्पष्ट विश्वास दीप्ती शिंदे व सौरभ राऊत या गुणवंत विद्यार्थ्यांनी मंगळवारी दिला. यानिमित्ताने ‘मटा हेल्पलाइन’ उपक्रमाचे मान्यवरांनी कौतुक केले. ही हेल्पलाइन गरीब गुणवंतांचा आधार ठरल्याची भावनाही व्यक्त केली गेली.
कर्जत येथील दीप्ती शिंदे व नगरमधील सौरभ राऊत या दहावीतील गुणवंतांना कौटुंबिक आर्थिक हलाखीच्या स्थितीमुळे उच्च शिक्षणाचे ध्येय साध्य करण्यास अडचण होती. ‘मटा हेल्पलाइन’द्वारे या दोघांना मदतीचे आवाहन केल्यानंतर त्याला नगर शहर व जिल्ह्यातून भरभरून प्रतिसाद मिळाला. या दोघांच्या नावाने दानशुरांनी दिलेल्या धनादेशांचे वितरण आज ‘झेडपी’चे सीईओ रवींद्र बिनवडे व युवा आयटी उद्योजक आशुतोष लांडगे यांच्या हस्ते करण्यात आले. ‘सीएसआरडी’ शिक्षण संस्थेच्या सभागृहात झालेल्या या सोहळ्यास उपस्थित सर्वांनाच या हृद्य सोहळ्याने गलबलून आले. वेळीच उपचार न मिळाल्याने वडिलांचे निधन झाल्याची सल मनात साठवून स्वतः डॉक्टर होऊन गरीबांवर उपचार करण्याची उर्मी बाळगणारी दीप्ती शिंदे तसेच रुग्णालयात अल्प पगाराची नोकरी करून आईने केलेल्या संगोपनाचे पांग फेडण्यासाठी इंजिनीअर होण्याचे ध्येय समोर असलेल्या सौरभ राऊतची कहाणी सर्वांनाच अस्वस्थ करून गेली. उपस्थित दानशुरांनी या दोघांच्याही जिद्दीचे कौतुक करताना स्वप्नपूर्तीसाठी भरभरून आशीर्वाद दिले. वाचक, दानशुरांच्यावतीने छत्रपती शिवाजी महाराज इंजिनीअरिंग कॉलेजचे प्राचार्य डॉ. राजकुमार देशपांडे, निवृत्त शिक्षण विस्तार अधिकारी बी. एम. बांदल, निवृत्त प्राचार्य विश्वासराव काळे, डॉ. संजय गीते यांनी मनोगत व्यक्त केले.
‘मटा हेल्पलाइन’चे कौतुक
सजग पत्रकारितेसह सामाजिक बांधिलकी जपण्याचा ‘मटा हेल्पलाइन’च्या माध्यमातून नवा आदर्श ‘मटा’ने निर्माण केल्याचे गौरवोद्गार झेडपी सीईओ बिनवडे यांनी व्यक्त केले. ‘गरिबीमुळे गुणवंतांचे उच्च शिक्षणाचे स्वप्न अपुरे राहू नये म्हणून समाजाच्या मदतीने त्यांना पाठबळ देण्याची ‘मटा हेल्पलाइन’ची संकल्पना नाविन्यपूर्ण असून, ती सर्व समाजाला आपलीशी वाटते’, अशी भावना लांडगे यांनी व्यक्त केली. अन्य वक्त्यांनीही ‘मटा हेल्पलाइन’चे कौतुक करताना भविष्यातही ‘मटा’ला साथ देण्याची ग्वाही दिली.