म.टा.प्रतिनिधी,नगर
‘महाराष्ट्र टाइम्स’च्या ‘मटा हेल्पलाइन’ या उपक्रमांतर्गत वाचकांकडून संकलित झालेल्या या धनादेशांचे वितरण सोमवारी (१४ ऑगस्ट) करण्यात येणार आहे. जिल्हाधिकारी अभय महाजन आणि पोलिस अधीक्षक रंजनकुमार शर्मा यांच्या हस्ते हा कार्यक्रम होणार आहे.
सोमवारी सकाळी ११.३० वाजता गोल्डन ज्युबली हॉल, सीएसआरडी कॉलेज, अहमदनगर कॉलेजसमोर, स्टेशन रोड येथे हा कार्यक्रम होणार आहे. शारदा पवार, सोनाली बनकर व राजेश चौधरी या दहावीतील गुणवंतांना दानशुरांनी दिलेले धनादेश यावेळी प्रदान करण्यात येणार आहेत. या उपक्रमाचे हे चौथे वर्ष आहे. दहावीच्या परीक्षेत सोन्यासारखे यश मिळविणाऱ्या या तिन्ही विद्यार्थ्यांना आर्थिक अडचणींमुळे पुढील उच्च शिक्षणाची समस्या निर्माण होते. अशा विद्यार्थ्यांना दानशूर नागरिकांच्या मदतीने आर्थिक पाठबळ मिळवून देण्यासाठी हा उपक्रम राबविण्यात येतो. यावेळीही नगरकरांनी या उपक्रमास भरभरून साथ दिली. विद्यार्थ्यांच्या नावे संकलित झालेले धनादेश सोमवारी त्यांना वितरित करण्यात येणार आहेत. यावेळी दानशूर वाचक आणि नागरिकांनी उपस्थित राहून विद्यार्थ्यांना प्रोत्साहन द्यावे, असे आवाहन करण्यात आले आहे.
‘महाराष्ट्र टाइम्स’च्या ‘मटा हेल्पलाइन’ या उपक्रमांतर्गत वाचकांकडून संकलित झालेल्या या धनादेशांचे वितरण सोमवारी (१४ ऑगस्ट) करण्यात येणार आहे. जिल्हाधिकारी अभय महाजन आणि पोलिस अधीक्षक रंजनकुमार शर्मा यांच्या हस्ते हा कार्यक्रम होणार आहे.
सोमवारी सकाळी ११.३० वाजता गोल्डन ज्युबली हॉल, सीएसआरडी कॉलेज, अहमदनगर कॉलेजसमोर, स्टेशन रोड येथे हा कार्यक्रम होणार आहे. शारदा पवार, सोनाली बनकर व राजेश चौधरी या दहावीतील गुणवंतांना दानशुरांनी दिलेले धनादेश यावेळी प्रदान करण्यात येणार आहेत. या उपक्रमाचे हे चौथे वर्ष आहे. दहावीच्या परीक्षेत सोन्यासारखे यश मिळविणाऱ्या या तिन्ही विद्यार्थ्यांना आर्थिक अडचणींमुळे पुढील उच्च शिक्षणाची समस्या निर्माण होते. अशा विद्यार्थ्यांना दानशूर नागरिकांच्या मदतीने आर्थिक पाठबळ मिळवून देण्यासाठी हा उपक्रम राबविण्यात येतो. यावेळीही नगरकरांनी या उपक्रमास भरभरून साथ दिली. विद्यार्थ्यांच्या नावे संकलित झालेले धनादेश सोमवारी त्यांना वितरित करण्यात येणार आहेत. यावेळी दानशूर वाचक आणि नागरिकांनी उपस्थित राहून विद्यार्थ्यांना प्रोत्साहन द्यावे, असे आवाहन करण्यात आले आहे.