‘शाहू मोडक’मध्येही ‘माईक’चा आवाज

म. टा. प्रतिनिधी, नगर
मानाच्या समजल्या जाणाऱ्या पुरुषोत्तम करंडक एकांकिका स्पर्धेचे विजेतेपद पटकावणाऱ्या नगरच्या न्यू आर्टस कॉलेजच्या ‘माईक’ एकांकिकेने नटश्रेष्ठ शाहू मोडक करंडक आंतरमहाविद्यालयीन एकांकिका स्पर्धेतही बाजी मारली आहे. या स्पर्धेच्या विजेतेपदासोबतच अभिनयाची दोन पारितोषिक या एकांकिकेने मिळवली आहेत. संगमनेर महाविद्यालयाच्या ‘अतिक्रमण व डील’ या एकांकिकेला दुसरा व नगरच्या पेमराज सारडा कॉलेजच्या ‘ट्रॅफिक’ एकांकिकेला तिसरा क्रमांक मिळाला आहे.
महाविद्यालयीन विद्यार्थ्यांतील नाट्यकलेला प्रोत्साहन देण्यासाठी आयोजित करण्यात येणाऱ्या नटश्रेष्ठ शाहू मोडक करंडक आंतरमहाविद्यालयीन एकांकिका स्पर्धा माऊली सभागृहात उत्साहात पार पडली. या स्पर्धेचे पारितोषिक वितरण ज्येष्ठ अभिनेत्री आशा काळे यांच्या हस्ते करण्यात आले. यावेळी गौरव फिरोदिया, स्पर्धेचे परीक्षक संकेत पावसे, राहुल बेलापूरकर उपस्थित होते. पारितोषिक वितरण कार्यक्रमाचे प्रास्ताविक अमोल खोले यांनी तर स्वागत अमित खताळ यांनी केले. प्रवीण कुलकर्णी यांनी आभार मानले. कार्यक्रमाचे सूत्रसंचालन प्रसाद बेडेकर व सौरभ कुलकर्णी यांनी केले.
स्पर्धेचा सविस्तर निकाल (एकांकिकेचे नाव) ः
दिग्दर्शनः
प्रथम - प्रशांत त्रिभूवन (अतिक्रमण व डील)
व्दितीय - मोनिका बनकर (ट्रॅफीक)
अभिनय (पुरुष)ः
प्रथम - तुषार गायकवाड (अतिक्रमण व डील)
व्दितीय - संकेत जगदाळे (माईक)
उत्तेजनार्थ - शुभम गाडे (दिमडी), विशाल साठे (ट्रॅफीक) व प्रतिक तांबे (मजहबी)
अभिनय (स्त्री)ः
प्रथम - स्नेहा पटेल (लागण)
व्दितीय - प्रियंका काळापहाड (ट्रॅफीक)
उत्तेजनार्थ - श्वेता पारखी (दिमडी), दिपाली येणारे व शर्वरी अवचट (शब्द-निशब्द)
सर्वोत्कृष्ट वाचिक अभिनय ः समा देशपांडे (लागण)
सर्वोत्कृष्ट लक्षवेधी अभिनय ः विराज अवचिते (माईक)
सर्वोत्कृष्ट विद्यार्थी लेखकः तुषार गायकवाड (अतिक्रमण व डील)
सर्वोत्कृष्ट प्रकाश योजनाः गणेश ससाणे
सर्वोत्कृष्ट नेपथ्यः हरीश भस्मे (दिमडी)
सर्वोत्कृष्ट संगीतः सिद्धांत खंडागळे (दिमडी)
सर्वोत्कृष्ट रंगभूषा व वेशभूषाः सोनल उदावंत (मजहबी)