नव्या तंत्रज्ञानाने लष्कर सज्ज
ब्रिगेडिअर नायर यांची माहिती
म.टा.प्रतिनिधी, नगर
‘बदलते तंत्रज्ञान अवगत करून, अत्याधुनिक युद्धसामग्रीच्या अधारे भारतीय लष्कर सज्ज आहे. येणाऱ्या काळात युद्धजन्य परिस्थितीचा अभ्यास करून त्यानुसार आवश्यक ते बदलही केले जात आहेत. थर्ड जनरेशन मिसाइलच्या चाचण्या यशस्वी झाल्या असून, त्यांची कामगिरीही उत्तम आहे,’ अशी माहिती स्कूल ऑफ टेक्निकल ट्रेनिंग सेंटरचे ब्रिगेडिअर विक्रांत नायर यांनी दिली.
लष्कराच्या अहमदनगर येथील आर्मड् कोअर सेंटर अँड स्कूल (एसीसीअँडएस) मॅकेनाइज्ड इन्फन्ट्री रेजिमेंटल सेंटरतर्फे (एमआयआरसी) आयोजित प्रात्यक्षिकांनंतर नायर यांनी पत्रकारांशी संवाद साधला. ‘थर्ड जनरेशन मिसाइलची चाचणी झाली असून त्याचे उत्तम निकाल येत आहेत,’ असेही नायर म्हणाले. के. के. रेंजमध्ये होणाऱ्या प्रात्यक्षिकांबाबत त्यांनी सांगितले की, ‘या प्रात्यक्षिकांमध्ये लष्कराचे रणगाडे, अत्याधुनिक युद्ध साहित्य आणि वाहनांची कामगिरी; तसेच क्षमता पाहण्यास मिळाली आहे. युद्धाचे तंत्र दाखवण्यात आले. प्रत्येक वर्षी या प्रात्यक्षिकांचे आयोजन हे आमची क्षमता दाखवण्यासाठी, तसेच प्रशिक्षित झालेल्या जवानांना त्यांची तांत्रिक व प्रात्यक्षिकांतील कामगिरी लक्षात यावी, यासाठी करण्यात येते.’
लष्कराच्या प्रात्यक्षिकांमध्ये अर्जुन’, ‘टी- ९०’, ‘टी- ७२’,‘बीएमपी-२’, ‘कॅरिअल मोटा’, ‘टी- ५५’ अशा विविध रणगाड्यांची, तसेच अत्याधुनिक युद्ध साहित्य आणि वाहनांची माहिती देऊन त्यांची प्रात्यक्षिके सादर करण्यात आली. या वेळी मेजर जनरल नीरज कपूर व ब्रिगेडिअर व्ही. व्ही. सुब्रह्मण्यम यांच्यासह देश-विदेशातील लष्करी अधिकारी उपस्थित होते.
ब्रिगेडिअर नायर यांची माहिती
म.टा.प्रतिनिधी, नगर
‘बदलते तंत्रज्ञान अवगत करून, अत्याधुनिक युद्धसामग्रीच्या अधारे भारतीय लष्कर सज्ज आहे. येणाऱ्या काळात युद्धजन्य परिस्थितीचा अभ्यास करून त्यानुसार आवश्यक ते बदलही केले जात आहेत. थर्ड जनरेशन मिसाइलच्या चाचण्या यशस्वी झाल्या असून, त्यांची कामगिरीही उत्तम आहे,’ अशी माहिती स्कूल ऑफ टेक्निकल ट्रेनिंग सेंटरचे ब्रिगेडिअर विक्रांत नायर यांनी दिली.
लष्कराच्या अहमदनगर येथील आर्मड् कोअर सेंटर अँड स्कूल (एसीसीअँडएस) मॅकेनाइज्ड इन्फन्ट्री रेजिमेंटल सेंटरतर्फे (एमआयआरसी) आयोजित प्रात्यक्षिकांनंतर नायर यांनी पत्रकारांशी संवाद साधला. ‘थर्ड जनरेशन मिसाइलची चाचणी झाली असून त्याचे उत्तम निकाल येत आहेत,’ असेही नायर म्हणाले. के. के. रेंजमध्ये होणाऱ्या प्रात्यक्षिकांबाबत त्यांनी सांगितले की, ‘या प्रात्यक्षिकांमध्ये लष्कराचे रणगाडे, अत्याधुनिक युद्ध साहित्य आणि वाहनांची कामगिरी; तसेच क्षमता पाहण्यास मिळाली आहे. युद्धाचे तंत्र दाखवण्यात आले. प्रत्येक वर्षी या प्रात्यक्षिकांचे आयोजन हे आमची क्षमता दाखवण्यासाठी, तसेच प्रशिक्षित झालेल्या जवानांना त्यांची तांत्रिक व प्रात्यक्षिकांतील कामगिरी लक्षात यावी, यासाठी करण्यात येते.’
लष्कराच्या प्रात्यक्षिकांमध्ये अर्जुन’, ‘टी- ९०’, ‘टी- ७२’,‘बीएमपी-२’, ‘कॅरिअल मोटा’, ‘टी- ५५’ अशा विविध रणगाड्यांची, तसेच अत्याधुनिक युद्ध साहित्य आणि वाहनांची माहिती देऊन त्यांची प्रात्यक्षिके सादर करण्यात आली. या वेळी मेजर जनरल नीरज कपूर व ब्रिगेडिअर व्ही. व्ही. सुब्रह्मण्यम यांच्यासह देश-विदेशातील लष्करी अधिकारी उपस्थित होते.