म. टा. प्रतिनिधी, नगर
शहरामध्ये लावण्यात आलेले चायना मोबाइलच्या जाहिरातींचे फलक फाडून मनसेने सोमवारी आंदोलन केले. चायना कंपनीचे मोबाइल हद्दपार करा, अशी मागणी कार्यकर्त्यांनी केली आहे. दरम्यान, ‘मनसे स्टाइल’या आंदोलनाचा मोबाइल दुकानदारांनी धसका घेत आपल्या दुकानासमोर असणारे मोबाइलचे फलकच झाकून टाकले आहेत.
भारत-चीन सीमेवर चीनच्या सैनिकांकडून केल्या जाणाऱ्या कृत्याच्या विरोधात महाराष्ट्र नवनिर्माण सेनेने चायना मोबाइल बंद करण्याची मोहीम हाती घेतली आहे. यापार्श्वभूमीवर मनसेने शहर व उपनगरातील मोबाइल विक्रेत्यांना आपल्या दुकानातील चायना मोबाइलची विक्री बंद करून दुकानासमोरील बोर्ड हटवण्याची मागणी केली होती. त्यासाठी विक्रेत्यांना १७ जुलैपर्यंत मुदत देण्यात आली होती. अखेर सोमवारी मनसेच्या कार्यकर्त्यांनी रस्त्यावर उतरत शहरामध्ये बसस्थानकासह विविध भागांमध्ये लावलेले चायना मोबाइलचे जाहिरात फलक फाडून टाकण्यास सुरुवात केली. त्यानंतर मोबाइल विक्रेत्यांनी सावध भूमिका घेत आपल्या दुकानांसमोर लावण्यात आलेले चायना मोबाइलचे फलक झाकून घेतले. आंदोलनामध्ये मनसेचे जिल्हाध्यक्ष सचिन डफळ, नितीन भुतारे, पोपट पाथरे, अभिषेक मोरे, देवा ढगे, दीपक दांगट, पोपट कुलट, अशोक दातरंगे, मनोज राऊत, गिरीश जाधव यांच्यासह कार्यकर्ते उपस्थित होते.
मोबाइल असोसिएशनचे समर्थन
मनसेच्या आंदोलनाला मोबाइल असोसिएशनच्या वतीने समर्थन देण्यात आले असून त्याबाबतचे पत्र मनसेच्या पदाधिकाऱ्यांना देण्यात आले आहे. भारत-चीन सीमेवर चीनकडून जो त्रास होत आहे, त्याचा संघटना निषेध करीत असल्याचे पत्रात स्पष्ट करण्यात आले आहे. तसेच यापुढे देशामध्ये चिनी मालाची आयात होणार नाही, यासाठी आपण सरकारला धारेवर धरावे व जनतेला स्वदेशीसाठी जागरूक करावे, असे आवाहनही संघटनेने मनसेच्या कार्यकर्त्यांना केले आहे.
शहरामध्ये लावण्यात आलेले चायना मोबाइलच्या जाहिरातींचे फलक फाडून मनसेने सोमवारी आंदोलन केले. चायना कंपनीचे मोबाइल हद्दपार करा, अशी मागणी कार्यकर्त्यांनी केली आहे. दरम्यान, ‘मनसे स्टाइल’या आंदोलनाचा मोबाइल दुकानदारांनी धसका घेत आपल्या दुकानासमोर असणारे मोबाइलचे फलकच झाकून टाकले आहेत.
भारत-चीन सीमेवर चीनच्या सैनिकांकडून केल्या जाणाऱ्या कृत्याच्या विरोधात महाराष्ट्र नवनिर्माण सेनेने चायना मोबाइल बंद करण्याची मोहीम हाती घेतली आहे. यापार्श्वभूमीवर मनसेने शहर व उपनगरातील मोबाइल विक्रेत्यांना आपल्या दुकानातील चायना मोबाइलची विक्री बंद करून दुकानासमोरील बोर्ड हटवण्याची मागणी केली होती. त्यासाठी विक्रेत्यांना १७ जुलैपर्यंत मुदत देण्यात आली होती. अखेर सोमवारी मनसेच्या कार्यकर्त्यांनी रस्त्यावर उतरत शहरामध्ये बसस्थानकासह विविध भागांमध्ये लावलेले चायना मोबाइलचे जाहिरात फलक फाडून टाकण्यास सुरुवात केली. त्यानंतर मोबाइल विक्रेत्यांनी सावध भूमिका घेत आपल्या दुकानांसमोर लावण्यात आलेले चायना मोबाइलचे फलक झाकून घेतले. आंदोलनामध्ये मनसेचे जिल्हाध्यक्ष सचिन डफळ, नितीन भुतारे, पोपट पाथरे, अभिषेक मोरे, देवा ढगे, दीपक दांगट, पोपट कुलट, अशोक दातरंगे, मनोज राऊत, गिरीश जाधव यांच्यासह कार्यकर्ते उपस्थित होते.
मोबाइल असोसिएशनचे समर्थन
मनसेच्या आंदोलनाला मोबाइल असोसिएशनच्या वतीने समर्थन देण्यात आले असून त्याबाबतचे पत्र मनसेच्या पदाधिकाऱ्यांना देण्यात आले आहे. भारत-चीन सीमेवर चीनकडून जो त्रास होत आहे, त्याचा संघटना निषेध करीत असल्याचे पत्रात स्पष्ट करण्यात आले आहे. तसेच यापुढे देशामध्ये चिनी मालाची आयात होणार नाही, यासाठी आपण सरकारला धारेवर धरावे व जनतेला स्वदेशीसाठी जागरूक करावे, असे आवाहनही संघटनेने मनसेच्या कार्यकर्त्यांना केले आहे.