म. टा. प्रतिनिधी, नगर
स्थापनेच्या हीरक महोत्सवाकडे वाटचाल करीत असलेल्या नगरच्या ऐतिहासिक वस्तू संग्रहालयाच्या नूतनीकरणाचे काम अंतिम टप्प्यात आले आहे. पूर्वीचा कळकट-मळकट व अंधारलेला संग्रहालयाचा अंतर्गत भाग आता विद्युतरोषणाईने उजळला आहे. चॉकलेटी रंगाच्या नव्या शो-केसमध्ये तलवारी-दांडपट्टे व अन्य दुर्मिळ शस्त्रे विराजमान झाली आहेत. अभ्यासिका व ग्रंथालयामध्ये पुस्तके मांडणी सुरू आहे. येत्या दोन महिन्यांत प्रलंबित कामे पूर्ण झाल्यावर संग्रहालयाचे नवे रूप इतिहास प्रेमींना नवे समाधान देणारे ठरणार आहे.
१ मे १९६० रोजी स्थापन झालेल्या नगरच्या ऐतिहासिक वस्तू संग्रहालयाचे सुमारे पावणे तीन कोटी रुपये खर्चून नूतनीकरण करण्यात आले आहे. पहिल्या टप्प्यातील सुमारे सव्वा कोटींचा खर्च असलेले रंगरंगोटी, प्लास्टर वरचा मजला व अन्य सिव्हिल वर्क पूर्ण झाले आहे. तर दुसऱ्या टप्प्यातील सुमारे दीड कोटींच्या खर्चातील विद्युतीकरण, शो-केस, इंटेरियर डेकोरेशन, अभ्यासिका, ग्रंथालय व अन्य कामे ९० टक्के पूर्ण झाली आहेत.
काचेच्या नव्या ६० शो-केस करण्यात आल्या असून, यात दुर्मिळ शस्त्रे लावली गेली आहेत. मराठा-मोगल काळातील तलावारी, ढाली, दांडपट्टे, तोड्याच्या बंदुका (ठासणीच्या), कट्यार व अन्य शस्त्रांचा यात समावेश आहे. ज्येष्ठ इतिहास अभ्यासक व शस्त्रास्त्र संग्राहक गिरीश जाधव यांच्या उपस्थितीत या शस्त्रांना विशिष्ट रसायनांद्वारे स्वच्छ करून त्यांची मांडणी केली गेली आहे. संग्रहालयाचे कार्यकारी विश्वस्त डॉ. रवींद्र साताळकर व अभिरक्षक संतोष यादव यांनी यासाठी पुढाकार घेतला. याशिवाय संग्रहालयाच्या प्रवेशद्वारावर असलेल्या स्वराज्यनिर्माते शहाजीराजे भोसले व राजमाता जिजाऊ माँसाहेब यांच्या अर्धाकृती पुतळ्यांवर छानसे नक्षीकाम असलेली छत्री उभारण्यात आली आहे.
संग्रहालयातील संगणक विभागाची जोडणी अजून बाकी असल्याने दुर्मिळ पुस्तकांचे स्कॅनिंग करण्याचे काम थांबू नये म्हणून हँड स्कॅनरद्वारे हे काम सुरू केले गेले आहे. आतापर्यंत दीड हजारांवर पुस्तकांचे स्कॅनिंग झाले आहे.
स्थापनेच्या हीरक महोत्सवाकडे वाटचाल करीत असलेल्या नगरच्या ऐतिहासिक वस्तू संग्रहालयाच्या नूतनीकरणाचे काम अंतिम टप्प्यात आले आहे. पूर्वीचा कळकट-मळकट व अंधारलेला संग्रहालयाचा अंतर्गत भाग आता विद्युतरोषणाईने उजळला आहे. चॉकलेटी रंगाच्या नव्या शो-केसमध्ये तलवारी-दांडपट्टे व अन्य दुर्मिळ शस्त्रे विराजमान झाली आहेत. अभ्यासिका व ग्रंथालयामध्ये पुस्तके मांडणी सुरू आहे. येत्या दोन महिन्यांत प्रलंबित कामे पूर्ण झाल्यावर संग्रहालयाचे नवे रूप इतिहास प्रेमींना नवे समाधान देणारे ठरणार आहे.
१ मे १९६० रोजी स्थापन झालेल्या नगरच्या ऐतिहासिक वस्तू संग्रहालयाचे सुमारे पावणे तीन कोटी रुपये खर्चून नूतनीकरण करण्यात आले आहे. पहिल्या टप्प्यातील सुमारे सव्वा कोटींचा खर्च असलेले रंगरंगोटी, प्लास्टर वरचा मजला व अन्य सिव्हिल वर्क पूर्ण झाले आहे. तर दुसऱ्या टप्प्यातील सुमारे दीड कोटींच्या खर्चातील विद्युतीकरण, शो-केस, इंटेरियर डेकोरेशन, अभ्यासिका, ग्रंथालय व अन्य कामे ९० टक्के पूर्ण झाली आहेत.
काचेच्या नव्या ६० शो-केस करण्यात आल्या असून, यात दुर्मिळ शस्त्रे लावली गेली आहेत. मराठा-मोगल काळातील तलावारी, ढाली, दांडपट्टे, तोड्याच्या बंदुका (ठासणीच्या), कट्यार व अन्य शस्त्रांचा यात समावेश आहे. ज्येष्ठ इतिहास अभ्यासक व शस्त्रास्त्र संग्राहक गिरीश जाधव यांच्या उपस्थितीत या शस्त्रांना विशिष्ट रसायनांद्वारे स्वच्छ करून त्यांची मांडणी केली गेली आहे. संग्रहालयाचे कार्यकारी विश्वस्त डॉ. रवींद्र साताळकर व अभिरक्षक संतोष यादव यांनी यासाठी पुढाकार घेतला. याशिवाय संग्रहालयाच्या प्रवेशद्वारावर असलेल्या स्वराज्यनिर्माते शहाजीराजे भोसले व राजमाता जिजाऊ माँसाहेब यांच्या अर्धाकृती पुतळ्यांवर छानसे नक्षीकाम असलेली छत्री उभारण्यात आली आहे.
संग्रहालयातील संगणक विभागाची जोडणी अजून बाकी असल्याने दुर्मिळ पुस्तकांचे स्कॅनिंग करण्याचे काम थांबू नये म्हणून हँड स्कॅनरद्वारे हे काम सुरू केले गेले आहे. आतापर्यंत दीड हजारांवर पुस्तकांचे स्कॅनिंग झाले आहे.