म. टा. विशेष प्रतिनिधी, मुंबई
नगर महानगरपालिकेच्या महापौरपदाच्या निवडणुकीत भाजपच्या उमेदवाराला पाठिंबा देण्याचे आदेश दिलेले नव्हते, असे राष्ट्रवादी काँग्रेसचे अध्यक्ष शरद पवार यांनी स्पष्ट केले असले तरी राष्ट्रवादी काँग्रेसच्याच एका बड्या नेत्याने भाजपला पाठिंबा देण्याचे आदेश दिले होते, असे राष्ट्रवादीच्या गोटातून सांगितले जात आहे. नगर महापालिकेच्या महापौरपदाच्या निवडणुकीत राष्ट्रवादी काँग्रेसच्या सर्व नगरसेवकांनी भाजपला मतदान केले. त्यामुळे तेथे महापौर आणि उपमहापौर भाजपचेच निवडून आले आहेत.
शिवसेनेचे सर्वाधिक नगरसेवक असताना त्यांना डावलून भाजप आणि राष्ट्रवादीची युती झाली. भाजपने शिवसेनेला पाठिंबा देण्याची तयारी दर्शविली होती. परंतु भाजपचे जलसंपदा मंत्री गिरीश महाजन यांना शिवसेनेचे नेते 'तुम्ही आम्हाला फोन करा', असे सांगत होते. महापौर शिवसेनेचा होणार होता, त्यामुळे त्याबाबत साधा प्रस्ताव शिवसेनेच्या नेत्यांनी भाजपला दिला नाही. शेवटी गिरीश महाजन आणि राष्ट्रवादीच्या बड्या नेत्यामध्ये चर्चा झाली. त्यात ही नवी युती ठरली. भाजपला पाठिंबा देण्याचे आदेश दिले नव्हते, असे राष्ट्रवादीचे ज्येष्ठ नेते आता सांगत असले तरी ही युती आधीच ठरली होती. राष्ट्रवादीचे स्थानिक आमदार आणि पक्षाच्या एका बड्या नेत्याच्या आदेशाने ही युती घडली. त्यानुसार राष्ट्रवादीच्या सर्व नगरसेवकांनी भाजपला मतदान केले. मुंबई महापालिकेतून विधान परिषद आमदारपदाच्या निवडणुकीतही राष्ट्रवादीत दोन गट पडले होते. राष्ट्रवादीच्या एका गटाला भाजपशी जवळीक करायची आहे. नगरमधील युतीला ही देखील किनार आहे.
नगर महानगरपालिकेच्या महापौरपदाच्या निवडणुकीत भाजपच्या उमेदवाराला पाठिंबा देण्याचे आदेश दिलेले नव्हते, असे राष्ट्रवादी काँग्रेसचे अध्यक्ष शरद पवार यांनी स्पष्ट केले असले तरी राष्ट्रवादी काँग्रेसच्याच एका बड्या नेत्याने भाजपला पाठिंबा देण्याचे आदेश दिले होते, असे राष्ट्रवादीच्या गोटातून सांगितले जात आहे. नगर महापालिकेच्या महापौरपदाच्या निवडणुकीत राष्ट्रवादी काँग्रेसच्या सर्व नगरसेवकांनी भाजपला मतदान केले. त्यामुळे तेथे महापौर आणि उपमहापौर भाजपचेच निवडून आले आहेत.
शिवसेनेचे सर्वाधिक नगरसेवक असताना त्यांना डावलून भाजप आणि राष्ट्रवादीची युती झाली. भाजपने शिवसेनेला पाठिंबा देण्याची तयारी दर्शविली होती. परंतु भाजपचे जलसंपदा मंत्री गिरीश महाजन यांना शिवसेनेचे नेते 'तुम्ही आम्हाला फोन करा', असे सांगत होते. महापौर शिवसेनेचा होणार होता, त्यामुळे त्याबाबत साधा प्रस्ताव शिवसेनेच्या नेत्यांनी भाजपला दिला नाही. शेवटी गिरीश महाजन आणि राष्ट्रवादीच्या बड्या नेत्यामध्ये चर्चा झाली. त्यात ही नवी युती ठरली. भाजपला पाठिंबा देण्याचे आदेश दिले नव्हते, असे राष्ट्रवादीचे ज्येष्ठ नेते आता सांगत असले तरी ही युती आधीच ठरली होती. राष्ट्रवादीचे स्थानिक आमदार आणि पक्षाच्या एका बड्या नेत्याच्या आदेशाने ही युती घडली. त्यानुसार राष्ट्रवादीच्या सर्व नगरसेवकांनी भाजपला मतदान केले. मुंबई महापालिकेतून विधान परिषद आमदारपदाच्या निवडणुकीतही राष्ट्रवादीत दोन गट पडले होते. राष्ट्रवादीच्या एका गटाला भाजपशी जवळीक करायची आहे. नगरमधील युतीला ही देखील किनार आहे.