अहमदनगर :
कर्जत-जामखेड विधानसभा मतदारसंघातून राष्ट्रवादीचे अध्यक्ष शरद पवार यांचे नातू रोहित पवार यांना उमेदवारी देण्यासंबंधीचा विषय आज थेट पवार यांच्यासमोरच मांडण्यात आला. त्यावर ‘तुझ्या नावाची मागणी झाली बघ’, असे रोहित यांना उद्देशून म्हणत पवारांनी हसून दाद दिली.
मराठवाड्याच्या दुष्काळी दौऱ्यासाठी जाताना शरद पवार काही वेळ जामखेडमध्ये थांबले होते. त्यांच्यासमवेत नातू रोहित, विधान परिषदेतील विरोधी पक्ष नेते धनंजय मुंडे, राष्ट्रवादी काँग्रेसचे जिल्हाध्यक्ष राजेंद्र फाळके, जामखेडमधील राजेंद्र कोठारी, बाळासाहेब आजबे, मधुकर राळेभात, शरद भोरे, विश्वनाथ राऊत, कांतीलाल वाळूंजकर, नगरसेवक पवनराजे राळेभात यांच्यासह अन्य कार्यकर्ते उपस्थित होते.
कोठारी यांच्या घरातून बाहेर पडत असताना कार्यकर्त्यांनी 'या मतदारसंघातून रोहित यांना उमेदवारी द्यावी, अशी मागणी केली. त्यावेळी पवार यांनी रोहित यांच्याकडे पाहिले आणि ‘बघ तुझी मागणी झाली,’ असे म्हणत हसून प्रतिसाद दिला. मात्र, पवार यांनी स्पष्ट नकारही दिला नाही किंवा होकारही दिला नाही. दुष्काळी दौऱ्यावर असतानाही राजकीय मागणीला हसून दाद दिल्याने रोहित यांच्या उमेदवारीचे संकेत मानले जाऊ लागले आहेत. गेल्या काही महिन्यांपासून रोहित यांच्या उमेदवारीची चर्चा आहे. मात्र, पवार आणि रोहित दोघे एकत्र असताना कार्यकर्त्यांनी प्रथमच हा विषय त्यांच्यासमोर मांडला.
कर्जत-जामखेड विधानसभा मतदारसंघातून राष्ट्रवादीचे अध्यक्ष शरद पवार यांचे नातू रोहित पवार यांना उमेदवारी देण्यासंबंधीचा विषय आज थेट पवार यांच्यासमोरच मांडण्यात आला. त्यावर ‘तुझ्या नावाची मागणी झाली बघ’, असे रोहित यांना उद्देशून म्हणत पवारांनी हसून दाद दिली.
मराठवाड्याच्या दुष्काळी दौऱ्यासाठी जाताना शरद पवार काही वेळ जामखेडमध्ये थांबले होते. त्यांच्यासमवेत नातू रोहित, विधान परिषदेतील विरोधी पक्ष नेते धनंजय मुंडे, राष्ट्रवादी काँग्रेसचे जिल्हाध्यक्ष राजेंद्र फाळके, जामखेडमधील राजेंद्र कोठारी, बाळासाहेब आजबे, मधुकर राळेभात, शरद भोरे, विश्वनाथ राऊत, कांतीलाल वाळूंजकर, नगरसेवक पवनराजे राळेभात यांच्यासह अन्य कार्यकर्ते उपस्थित होते.
कोठारी यांच्या घरातून बाहेर पडत असताना कार्यकर्त्यांनी 'या मतदारसंघातून रोहित यांना उमेदवारी द्यावी, अशी मागणी केली. त्यावेळी पवार यांनी रोहित यांच्याकडे पाहिले आणि ‘बघ तुझी मागणी झाली,’ असे म्हणत हसून प्रतिसाद दिला. मात्र, पवार यांनी स्पष्ट नकारही दिला नाही किंवा होकारही दिला नाही. दुष्काळी दौऱ्यावर असतानाही राजकीय मागणीला हसून दाद दिल्याने रोहित यांच्या उमेदवारीचे संकेत मानले जाऊ लागले आहेत. गेल्या काही महिन्यांपासून रोहित यांच्या उमेदवारीची चर्चा आहे. मात्र, पवार आणि रोहित दोघे एकत्र असताना कार्यकर्त्यांनी प्रथमच हा विषय त्यांच्यासमोर मांडला.