नगर : शहरातील मुकुंदनगर भागात एका इमारतीमध्ये आणखी नऊ परदेशी व दोन भारतीय नागरिक आढळून आले आहेत. या सर्वांना आता सिव्हिल हास्पिटलमध्ये ठेवण्यात आले आहे. या नऊ जणांना ठेवून घेत प्रशासनाला माहिती न दिल्याप्रकरणी तिघांविरुद्ध गुन्हा नोंदविण्यात आला आहे. यात इंडोनेशियामधील पाच, गुनाई देशातील चार नागरिक आहेत. राजस्थान व मध्य प्रदेशातील दोन नागरिक आहेत. तिघांना विनापरवाना ठेवल्याप्रकरणी प्रशासनाला कोणती माहिती न दिल्याप्रकरणी फिरोजवाले खान पठाण (मुकुंदनगर), शेख सोनू चाँद (रा. अमर कॉम्प्लेक्स दर्गा दायरा रोड नगर), अब्दुल सलाम खोकर (रा. आरटीओ ऑफिस बाजूला) यांच्याविरुद्ध गुन्हा नोंदविण्यात आला आहे. मुकुंदनगरमधील एका धार्मिकस्थळी व एका इमारतीमध्ये या सर्वांना एकत्रित ठेवण्यात आल्याची माहिती पोलिसांना मिळाली होती. त्यानुसार पोलिसांनी या भागात जाऊन कारवाई केली. हे सर्वजण कायदेशीरपणे देशात आले आहेत. या सर्वांना प्रार्थनास्थळी व खासगी जागेत एकत्र करून करोना या रोगाचा फैलाव होईल, हे माहीत असताना, त्यांनी जिल्हाधिकाऱ्यांनी काढलेल्या प्रतिबंधक आदेशाचे उल्लंघन केले आहे, असे फिर्यादीत म्हटले आहे.
मुकुंदनगर भागात आढलले नऊ परदेशी नागरिक
शहरातील मुकुंदनगर भागात एका इमारतीमध्ये आणखी नऊ परदेशी व दोन भारतीय नागरिक आढळून आले आहेत या सर्वांना आता सिव्हिल हास्पिटलमध्ये ठेवण्यात आले आहे...
महाराष्ट्र टाइम्स.कॉम 1 Apr 2020, 4:00 am