म. टा. प्रतिनिधी, नगर
लोकसभा, विधानसभा निवडणुकांसाठी वापरण्यात येणाऱ्या मतदान यंत्रांची (ईव्हीएम) तपासणी केडगाव येथील धान्य गोदामामध्ये सुरू आहे. या तपासणीसाठी उपस्थित राहण्याचे आवाहन जिल्हा निवडणूक विभागाने विविध राजकीय पक्षांना केले आहे. पक्षांच्या जिल्हाध्यक्षांना तसे पत्रदेखील देण्यात आले आहे; मात्र, या तपासणीसाठी उपस्थित राहण्यास राजकीय पक्षांचा थंड प्रतिसाद मिळत आहे.
लोकसभा, विधानसभा निवडणुकांसाठी वेगवेगळी वैशिष्ट्ये असलेली नवीन एम-३ श्रेणीची मतदान यंत्रे (ईव्हीएम) वापरण्यात येणार आहेत. नगर जिल्ह्यासाठी एम-३ प्रकारचे ८ हजार २० बॅलेट युनिट (बीयू) व ४ हजार ६६३ कंट्रोल युनिट (सीयू) ऑगस्ट महिन्यात मिळाली आहेत. ही सर्व यंत्रे केडगाव येथील गोदामामध्ये ठेवण्यात आली असून त्यांच्या प्रथमस्तरीय चाचणीचे कामकाज ११ सप्टेंबरपासून सुरू करण्यात आले. ही तपासणी करण्यासाठी भारत इलेक्ट्रॉनिक्स लिमिटेड बेंगळुरु येथील वीस तज्ज्ञ अभियंते नगरमध्ये आले आहेत. 'ईव्हीएम'बाबत आपल्या असणाऱ्या शंका दूर करण्यासाठी यंत्रांची तपासणी करण्यासाठी उपस्थित राहण्याचे आवाहन जिल्हा निवडणूक शाखेने केले होते. मात्र, या विभागातून मिळालेल्या माहितीनुसार यंत्राची तपासणी सुरू असताना राजकीय पक्षांतील लोकांची उपस्थिती ही खूपच अल्प असते. राजकीय लोकांना आणण्यासाठी गाडी पाठवण्याची व्यवस्थासुद्धा निवडणूक विभागाने केली आहे. परंतु, त्यानंतरही पक्षांकडून फारसा प्रतिसाद मिळत नसल्याचे चित्र आहे. आतापर्यंत एकाही राजकीय पक्षाचा जिल्हाध्यक्ष या तपासणीसाठी उपस्थित राहिला नसल्याचीही माहिती मिळाली आहे. दरम्यान, आतापर्यंत एकूण ३ हजार ८४० बॅलेट युनिटची तपासणी पूर्ण झाली असल्याचे सांगण्यात आले.
लोकसभा, विधानसभा निवडणुकांसाठी वापरण्यात येणाऱ्या मतदान यंत्रांची (ईव्हीएम) तपासणी केडगाव येथील धान्य गोदामामध्ये सुरू आहे. या तपासणीसाठी उपस्थित राहण्याचे आवाहन जिल्हा निवडणूक विभागाने विविध राजकीय पक्षांना केले आहे. पक्षांच्या जिल्हाध्यक्षांना तसे पत्रदेखील देण्यात आले आहे; मात्र, या तपासणीसाठी उपस्थित राहण्यास राजकीय पक्षांचा थंड प्रतिसाद मिळत आहे.
लोकसभा, विधानसभा निवडणुकांसाठी वेगवेगळी वैशिष्ट्ये असलेली नवीन एम-३ श्रेणीची मतदान यंत्रे (ईव्हीएम) वापरण्यात येणार आहेत. नगर जिल्ह्यासाठी एम-३ प्रकारचे ८ हजार २० बॅलेट युनिट (बीयू) व ४ हजार ६६३ कंट्रोल युनिट (सीयू) ऑगस्ट महिन्यात मिळाली आहेत. ही सर्व यंत्रे केडगाव येथील गोदामामध्ये ठेवण्यात आली असून त्यांच्या प्रथमस्तरीय चाचणीचे कामकाज ११ सप्टेंबरपासून सुरू करण्यात आले. ही तपासणी करण्यासाठी भारत इलेक्ट्रॉनिक्स लिमिटेड बेंगळुरु येथील वीस तज्ज्ञ अभियंते नगरमध्ये आले आहेत. 'ईव्हीएम'बाबत आपल्या असणाऱ्या शंका दूर करण्यासाठी यंत्रांची तपासणी करण्यासाठी उपस्थित राहण्याचे आवाहन जिल्हा निवडणूक शाखेने केले होते. मात्र, या विभागातून मिळालेल्या माहितीनुसार यंत्राची तपासणी सुरू असताना राजकीय पक्षांतील लोकांची उपस्थिती ही खूपच अल्प असते. राजकीय लोकांना आणण्यासाठी गाडी पाठवण्याची व्यवस्थासुद्धा निवडणूक विभागाने केली आहे. परंतु, त्यानंतरही पक्षांकडून फारसा प्रतिसाद मिळत नसल्याचे चित्र आहे. आतापर्यंत एकाही राजकीय पक्षाचा जिल्हाध्यक्ष या तपासणीसाठी उपस्थित राहिला नसल्याचीही माहिती मिळाली आहे. दरम्यान, आतापर्यंत एकूण ३ हजार ८४० बॅलेट युनिटची तपासणी पूर्ण झाली असल्याचे सांगण्यात आले.