म. टा. वृत्तसेवा, नेवासे
प्राथमिक शिक्षकांना दिल्या गेलेल्या मतदार नोंदणीच्या कामास शिक्षकांनी विरोध केला आहे. मतदार नोंदणीचे काम शिक्षकांना देऊ नये, अशी मागणी करत तालुक्यातील शिक्षकांनी तहसीलदार उमेश पाटील यांना निवेदन दिले.
जिल्हा परिषद शाळेतील विद्यार्थ्यांच्या सध्या परीक्षा सुरू आहेत. प्रगत शैक्षणिक महाराष्ट्र अभियानही राबवले जात आहे. यात सर्व मुलांना ७५ टक्के गुण मिळविणे बंधनकारक आहे. ही सर्व कामे सुरू असताना तहसील कार्यालयामार्फत मतदार नोंदणीचे काम प्राथमिक शिक्षकांना दिले आहे. हे काम करत असताना शिक्षकांना वारंवार तहसील कार्यालयामध्ये बोलविले जाते. अभियान सुरू होताना कुठल्याही सूचना व्यवस्थित दिल्या जात नाहीत. फॉर्म जमा करण्याच्या वेळी ऐनवेळी सूचना देऊन शिक्षकांना विनाकारण त्रास दिला जातो. त्यामुळे हे मतदार नोंदणीचे काम शिक्षकांकडून काढून घेण्यात यावे, असे निवेदनात म्हटले आहे.
शिक्षक संघटनेचे एस. डी. जंगले, एस. बी. चव्हाण, रामेश्वर चोपडे, ए. पी. कुटे, एस. एस. गीते, सलीम शेख, पुरुषोत्तम आंधळे, सुभाष चव्हाण, श्याम फंड, एम. आर. ठुबे, के. बी. नेहूल आदी या वेळी उपस्थित होते.
प्राथमिक शिक्षकांना दिल्या गेलेल्या मतदार नोंदणीच्या कामास शिक्षकांनी विरोध केला आहे. मतदार नोंदणीचे काम शिक्षकांना देऊ नये, अशी मागणी करत तालुक्यातील शिक्षकांनी तहसीलदार उमेश पाटील यांना निवेदन दिले.
जिल्हा परिषद शाळेतील विद्यार्थ्यांच्या सध्या परीक्षा सुरू आहेत. प्रगत शैक्षणिक महाराष्ट्र अभियानही राबवले जात आहे. यात सर्व मुलांना ७५ टक्के गुण मिळविणे बंधनकारक आहे. ही सर्व कामे सुरू असताना तहसील कार्यालयामार्फत मतदार नोंदणीचे काम प्राथमिक शिक्षकांना दिले आहे. हे काम करत असताना शिक्षकांना वारंवार तहसील कार्यालयामध्ये बोलविले जाते. अभियान सुरू होताना कुठल्याही सूचना व्यवस्थित दिल्या जात नाहीत. फॉर्म जमा करण्याच्या वेळी ऐनवेळी सूचना देऊन शिक्षकांना विनाकारण त्रास दिला जातो. त्यामुळे हे मतदार नोंदणीचे काम शिक्षकांकडून काढून घेण्यात यावे, असे निवेदनात म्हटले आहे.
शिक्षक संघटनेचे एस. डी. जंगले, एस. बी. चव्हाण, रामेश्वर चोपडे, ए. पी. कुटे, एस. एस. गीते, सलीम शेख, पुरुषोत्तम आंधळे, सुभाष चव्हाण, श्याम फंड, एम. आर. ठुबे, के. बी. नेहूल आदी या वेळी उपस्थित होते.