अ‍ॅपशहर

जनावरांची ऑफलाइन नोंदणी

केंद्र सरकारच्या 'नॅशनल मिशन ऑन बोव्हाइन प्रॉडक्टिव्हिटी' (पशुसंजीवनी) अभियानाअंतर्गत जिल्ह्यातील दुधाळ जनावरांची नोंदणी सुरू झाली आहे.

Maharashtra Times 27 Jul 2017, 1:51 am
म. टा. प्रतिनिधी, नगर
महाराष्ट्र टाइम्स.कॉम offline registration of animals
जनावरांची ऑफलाइन नोंदणी

केंद्र सरकारच्या 'नॅशनल मिशन ऑन बोव्हाइन प्रॉडक्टिव्हिटी' (पशुसंजीवनी) अभियानाअंतर्गत जिल्ह्यातील दुधाळ जनावरांची नोंदणी सुरू झाली आहे. या जनावरांच्या कानाला बॅज लावून पशुपालकांकडून लेखी अर्ज भरून घेतले जात आहेत. यामध्ये जनावरांची सर्व माहिती गोळा केली जात आहे. पुढे ही माहिती ऑनलाइन भरली जाणार आहे. जिल्ह्यात आतापर्यंत ८ हजार २४२ जनावरांची नोंदणी पूर्ण झाली असून यामध्ये ७ हजार २७३ गायी आणि ४९१ म्हशींचा समावेश आहे.
या उपक्रमात देशातील पशुधनाची माहिती ऑनलाइन करण्याचा उद्देश असला तरी ऑनलाइन कामकाजास सुरुवात झालेली नाही. ऑनलाइनबाबत कोणत्याही सूचना स्थानिक कार्यालयांना नाहीत. त्यामुळे सध्या जनावरांच्या कानांना बॅज लावून छापिल अर्जावर माहिती भरून घेतली जात आहे. जिल्ह्यासाठी २ लाख ३० हजार टॅगचा पुरवठा झाला आहे. या टॅगवर नंबर आहे. जनावरांच्या कानांना बॅज लावल्यानंतर त्या बॅजच्या नंबरसह जनावरांची सर्व माहिती भरून घेतली जात आहे. पुढे मात्र, या बॅजवरील बारा आकडी क्रमांक सॉफ्टवेअरमध्ये नोंद करून त्या जनावराचे वय, उंची, आहार, वजन, लसीकरण याबाबतची माहिती अपलोड केली जाणार आहे. माहिती भरल्यानंतर संबंधित जनावराची माहिती कोणालाही पाहता येईल.

अडचणी वाढल्या; अधिकारी वैतागले

पशुसंवर्धन विभागाकडून काम सुरू असून तालुका पातळीवरील पशुधन विकास अधिकारी, सहायक पशुधन विकास अधिकारी आणि पशुधन पर्यवेक्षक हे काम करत आहे. विभागाकडे मनुष्यबळ कमी आहे. जनावरांची नोंदणी करायची म्हणजे संबंधित पशुपालकाच्या घरी जावे लागते. त्याला सर्व योजनेची माहिती देऊन त्याची संमती घेऊनच पुढील कार्यवाही करावी लागते. यातही पशुपालकांकडून नकार दिला जात असल्याने अडचणी वाढल्या आहेत. आधीच कामाचा ताण असताना या नव्या कामामुळे अधिकारी वैतागले आहेत.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज