नगर: जामखेडमध्ये क्रुझर गाडी उलटली; एक ठार

अहमदनगर:

अहमदनगरमधील जामखेडमध्ये क्रुझर गाडी उलटून झालेल्या अपघातात एक जण ठार, तर ८ जण जखमी झाल्याची घटना घडली आहे.

या अपघातात धर्मेंद्र उर्फ बबलू कोंडाजी कसबे (वय ३५) जागीच ठार झाले. तर, मंगलबाई कचरू बारवे (वय ६०), गिताबाई खंडू कडणे (वय ५५), मच्छिंद्र गेणाभाऊ कदम (वय ४५), आरती मच्छिंद्र कदम (वय १६), ओंकार मच्छिंद्र कदम (वय २०), हौसाबाई झांबड नवले (वय ५५), वैशाली मच्छिंद्र कदम (वय ३५), शंकर दत्तात्रय कदम (वय २६) असे आठ जण जखमी झाले आहेत. तुळजापूर येथे दर्शनासाठी जात असताना गाडी उलटून अपघात झाला.