नगर : नगरमधील नीळकंठ मुरलीधर विधाते यांनी आपली उच्चशिक्षित मुलगी अमृता हिच्या लग्नामध्ये बडेजाव व पाहुण्यांचा सत्काराला फाटा देत एक लाख रुपयांची मदत माउली सेवा प्रतिष्ठानच्या मनगाव प्रकल्पासाठी देत सामाजिक संदेश दिला आहे. निवृत्त सरकारी अधिकारी नीळकंठ विधाते यांच्या मुलीचा विवाह नुकताच बँक अधिकारी असलेले विठ्ठल रांधवन यांच्याबरोबर पार पडला. हा विवाह करताना विधाते कुटुंबाने समंजसपणा दाखवत समाजापुढे एक आदर्श निर्माण केला. विवाहामध्ये होणारा अवाढव्य खर्च वाचवून समाजातील उपेक्षित घटकांना मदत करण्याचा निर्णय कुटुंबीयांनी एकमताने घेतला. कोणताही बडेजाव न करता सत्कार समारंभ न करता एक लाख रुपये वाचविण्यात आले. वाचलेली ही रक्कम माउली सेवा प्रतिष्ठानच्या प्रकल्पासाठी देण्यात आली. या वेळी प्रतिष्ठाणच्या सुचेता धाणणे, डॉ. राजेंद्र धामणे, मोनिका साळवी, निलम लोखंडे हे उपस्थित होते. त्याचबरोबर मुलगाी व मुलगा एकसमान असल्याचा संदेश देण्याचा प्रयत्न विधाते कुटुंबाने केला. विधाते यांना दोन मुली आहेत. त्यांना मुलगा नाही. लग्नात नवरदेवाचा कानपिळा हा एक विधी असतो. या लग्नात नवरीच्या लहान बहिणीने कानपिळ्याचा विधी पार पाडला.
माउली संस्थेला एक लाखाची मदत
नगरमधील नीळकंठ मुरलीधर विधाते यांनी आपली उच्चशिक्षित मुलगी अमृता हिच्या लग्नामध्ये बडेजाव व पाहुण्यांचा सत्काराला फाटा देत एक लाख रुपयांची मदत माउली ...
MT 21 Mar 2019, 4:00 am