नगर
भिंगार शहरातील विशाखापट्टणम् या राष्ट्रीय महामार्गाचे थांबलेले काम बुधवारपासून सुरू करण्यात आले. राजकीय पक्षाने केलेल्या आंदोलनामुळेच काम सुरू झाल्याचे भासवले जात असले तरी प्रत्यक्षात मात्र या भागातून जाणारी पाइपलाइन स्थलांतरीत करण्यासाठी राष्ट्रीय महामार्ग प्राधिकरणानेच काम थांबवले होते. पाइपलाइनचे काम नुकतेच पूर्ण झाले आहे. त्यामुळे पुढील टप्प्यातील काम लवकरच सुरू होणार होते, याची कुणकुण लागताच आंदोलन करुन कामाचे श्रेय घेण्यासाठी काही जणांनी आटापिटा केल्याचे आता उघड झाले आहे.
भिंगार शहरातून जाणाऱ्या या महामार्गाच्या कामास ऑगस्ट २०१६ मध्येच मंजुरी मिळाली होती. या महामार्गाचे बहुतांश कामही पूर्ण झाले आहे. भिंगार शहरातील मुख्य रस्त्याच्या खालील पाइपलाइनच्या स्थलांतरामुळे पुढील काम रखडले होते. याकडे दुर्लक्ष करुन तसेच काम केले असते तर भविष्यात जुनी झालेली ही पाइपलाइन फुटून रस्ता खराब होण्याचा धोका होता. त्यामुळे ही पाइपलाइन बाहेरुन नेण्याचा निर्णय झाला. त्यानुसार कार्यवाही होऊन काम पूर्ण झाले होते. मंगळवारी (२० फेब्रुवारी) महामार्ग प्राधिकरणाकडून पुढील टप्प्यातील कामास सुरुवातही केली जाणार होती. या प्रकाराची माहिती मिळताच
त्याआधीच आंदोलन करुन श्रेय घेण्याचा प्रयत्न राष्ट्रवादी युवक काँग्रेसने केला. रस्त्याचे काम सुरू करण्यासाठी आंदोलनही केले. या आंदोलनानंतर लगेच तिसऱ्या दिवशी काम सुरू झाले. त्यामुळे आंदोलनाच्या दणक्यानेच काम सुरू झाल्याचे सांगितले गेले. प्रत्यक्षात मात्र, याच काळात पाइपलाइनचे काम पूर्ण झाल्याने पुढील काम सुरू करण्याचे प्राधिकरणाचे नियोजन होते. परंतु, या आंदोलनामुळे नागरिक मात्र या माहितीपासून अनभिज्ञच राहिले.
भाजपचाही पाठपुरावा
कल्याण विशाखापट्टणम महामार्ग भिंगार शहरातून गेला आहे. या रस्त्याचे उर्वरीत काम आता पूर्ण झाले आहे. भिंगारमधील अर्बन बँकेच्या परिसरातीलच काम रखडले होते. या कामासाठी भाजपकडूनही पाठपुरावा केला जात होता. या रस्त्याच्या कामाचे भुमिपूजनही करण्यात आले होते. पाइपलाइनच्या स्थलांतर झाल्यानंतर पुढील काम सुरू केले जाईल असे या पदाधिकाऱ्यांना सांगण्यात आले होते. त्यामुळे त्यांच्याकडून वेट अॅन्ड वॉचची भुमिका घेण्यात आली होती. परंतु, त्याआधीच राष्ट्रवादी युवक काँग्रेसने आंदोलन करुन आमच्यामुळेच काम सुरू झाल्याचे सांगत भाजपवर कडी केली.
रस्त्याचे काम धोकादायक
या भागातील रस्त्याचे काम सुरू झाले असून रस्ता खोदला आहे. काम सुरू असल्याने या भागातील वाहतूक मात्र बंद झालेली नाही. वाहनांना अटकाव करण्यासाठी बॅरीकेट्स लावल्या नसल्याने वाहने आत येत आहेत. नागरिकही येथून ये जा करत असतात. त्यामुळे येथे अपघात होण्याची शक्यता वाढली आहे. काम सुरू असतानाही दक्षता घेण्याकडे मात्र दुर्लक्ष झाले आहे.
भिंगार शहरातील विशाखापट्टणम् या राष्ट्रीय महामार्गाचे थांबलेले काम बुधवारपासून सुरू करण्यात आले. राजकीय पक्षाने केलेल्या आंदोलनामुळेच काम सुरू झाल्याचे भासवले जात असले तरी प्रत्यक्षात मात्र या भागातून जाणारी पाइपलाइन स्थलांतरीत करण्यासाठी राष्ट्रीय महामार्ग प्राधिकरणानेच काम थांबवले होते. पाइपलाइनचे काम नुकतेच पूर्ण झाले आहे. त्यामुळे पुढील टप्प्यातील काम लवकरच सुरू होणार होते, याची कुणकुण लागताच आंदोलन करुन कामाचे श्रेय घेण्यासाठी काही जणांनी आटापिटा केल्याचे आता उघड झाले आहे.
भिंगार शहरातून जाणाऱ्या या महामार्गाच्या कामास ऑगस्ट २०१६ मध्येच मंजुरी मिळाली होती. या महामार्गाचे बहुतांश कामही पूर्ण झाले आहे. भिंगार शहरातील मुख्य रस्त्याच्या खालील पाइपलाइनच्या स्थलांतरामुळे पुढील काम रखडले होते. याकडे दुर्लक्ष करुन तसेच काम केले असते तर भविष्यात जुनी झालेली ही पाइपलाइन फुटून रस्ता खराब होण्याचा धोका होता. त्यामुळे ही पाइपलाइन बाहेरुन नेण्याचा निर्णय झाला. त्यानुसार कार्यवाही होऊन काम पूर्ण झाले होते. मंगळवारी (२० फेब्रुवारी) महामार्ग प्राधिकरणाकडून पुढील टप्प्यातील कामास सुरुवातही केली जाणार होती. या प्रकाराची माहिती मिळताच
त्याआधीच आंदोलन करुन श्रेय घेण्याचा प्रयत्न राष्ट्रवादी युवक काँग्रेसने केला. रस्त्याचे काम सुरू करण्यासाठी आंदोलनही केले. या आंदोलनानंतर लगेच तिसऱ्या दिवशी काम सुरू झाले. त्यामुळे आंदोलनाच्या दणक्यानेच काम सुरू झाल्याचे सांगितले गेले. प्रत्यक्षात मात्र, याच काळात पाइपलाइनचे काम पूर्ण झाल्याने पुढील काम सुरू करण्याचे प्राधिकरणाचे नियोजन होते. परंतु, या आंदोलनामुळे नागरिक मात्र या माहितीपासून अनभिज्ञच राहिले.
भाजपचाही पाठपुरावा
कल्याण विशाखापट्टणम महामार्ग भिंगार शहरातून गेला आहे. या रस्त्याचे उर्वरीत काम आता पूर्ण झाले आहे. भिंगारमधील अर्बन बँकेच्या परिसरातीलच काम रखडले होते. या कामासाठी भाजपकडूनही पाठपुरावा केला जात होता. या रस्त्याच्या कामाचे भुमिपूजनही करण्यात आले होते. पाइपलाइनच्या स्थलांतर झाल्यानंतर पुढील काम सुरू केले जाईल असे या पदाधिकाऱ्यांना सांगण्यात आले होते. त्यामुळे त्यांच्याकडून वेट अॅन्ड वॉचची भुमिका घेण्यात आली होती. परंतु, त्याआधीच राष्ट्रवादी युवक काँग्रेसने आंदोलन करुन आमच्यामुळेच काम सुरू झाल्याचे सांगत भाजपवर कडी केली.
रस्त्याचे काम धोकादायक
या भागातील रस्त्याचे काम सुरू झाले असून रस्ता खोदला आहे. काम सुरू असल्याने या भागातील वाहतूक मात्र बंद झालेली नाही. वाहनांना अटकाव करण्यासाठी बॅरीकेट्स लावल्या नसल्याने वाहने आत येत आहेत. नागरिकही येथून ये जा करत असतात. त्यामुळे येथे अपघात होण्याची शक्यता वाढली आहे. काम सुरू असतानाही दक्षता घेण्याकडे मात्र दुर्लक्ष झाले आहे.