म. टा. प्रतिनिधी, नगर
पतंगासाठी चीनी मांजाचा वापर करण्यावर राज्यात बंदी आहे. त्यामुळे चीनी मांजा विक्री व वापर यावर कारवाई करण्यात यावी, असा आदेश जिल्हाधिकारी अभय महाजन यांनी सर्व तहसिलदारांना दिला आहे. पोलिसांनी काही ठिकाणी यावर कारवाईही सुरू केली असली तरी त्याचा त्रास खरेदी करणाऱ्यांना अधिक झाल्याच्याही तक्रारी आहेत.
संक्रातीच्या पार्श्वभूमीवर तरुणाईसह बच्चे कंपनीची पतंग व मांजा खरेदीसाठी शनिवारी बाजारपेठेत गर्दी उसळली होती. नगरमध्ये संक्रांतीला गल्लोगल्ली पतंगोत्सव रंगतो. घराच्या छतावर जाऊन पतंग उडवले जातात. काटाकाटी खेळण्यासाठी चिनी मांजा वापरण्यास अनेकजण प्राधान्य देतात. मात्र, हा मांजा पायात, पंखात अडकल्यामुळे पक्षी मरतात किंवा जखमी होतात. एवढेच नव्हे तर दुचाकीस्वारांनाही याचा फटका बसतो. त्यामुळे या मांजाच्या विक्रीवर बंदी घालण्यात आली आहे. तरी त्याची छुप्या पद्धतीने विक्री होत आहे. मांजा विक्री करणारे तसेच वापरणाऱ्यांवर कारवाई करण्याचे आदेशही जिल्हा प्रशासनाने संबंधित अधिकाऱ्यांना दिले आहेत. शहरात पतंग आणि मांजा विक्री सुरू असलेल्या ठिकाणी काही दुकानदारांकडे असा मांजा असल्याचे सांगण्यात येते. तपासणी करण्यासाठी साध्या वेषात येणारे पोलिस, अधिकारी यांच्याकडून ग्राहकांचीही चौकशी केली जात आहे. झेंडीगेटला जुन्या तालुका पोलिस ठाण्यासमोरील पतंग स्टॉलवर शनिवारी दुपारी अशी तपासणी सुरू होती, मात्र याप्रकरणी प्रत्यक्षात गुन्हे दाखल झाले किंवा दंडात्मक कारवाई झाली का, याची माहिती मिळू शकली नाही. दुकानदारांना सोडून ग्राहकांचीच कडक तपासणी करण्याच्या प्रकारबद्दल नाराजी व्यक्त झाली.
पतंगासाठी चीनी मांजाचा वापर करण्यावर राज्यात बंदी आहे. त्यामुळे चीनी मांजा विक्री व वापर यावर कारवाई करण्यात यावी, असा आदेश जिल्हाधिकारी अभय महाजन यांनी सर्व तहसिलदारांना दिला आहे. पोलिसांनी काही ठिकाणी यावर कारवाईही सुरू केली असली तरी त्याचा त्रास खरेदी करणाऱ्यांना अधिक झाल्याच्याही तक्रारी आहेत.
संक्रातीच्या पार्श्वभूमीवर तरुणाईसह बच्चे कंपनीची पतंग व मांजा खरेदीसाठी शनिवारी बाजारपेठेत गर्दी उसळली होती. नगरमध्ये संक्रांतीला गल्लोगल्ली पतंगोत्सव रंगतो. घराच्या छतावर जाऊन पतंग उडवले जातात. काटाकाटी खेळण्यासाठी चिनी मांजा वापरण्यास अनेकजण प्राधान्य देतात. मात्र, हा मांजा पायात, पंखात अडकल्यामुळे पक्षी मरतात किंवा जखमी होतात. एवढेच नव्हे तर दुचाकीस्वारांनाही याचा फटका बसतो. त्यामुळे या मांजाच्या विक्रीवर बंदी घालण्यात आली आहे. तरी त्याची छुप्या पद्धतीने विक्री होत आहे. मांजा विक्री करणारे तसेच वापरणाऱ्यांवर कारवाई करण्याचे आदेशही जिल्हा प्रशासनाने संबंधित अधिकाऱ्यांना दिले आहेत. शहरात पतंग आणि मांजा विक्री सुरू असलेल्या ठिकाणी काही दुकानदारांकडे असा मांजा असल्याचे सांगण्यात येते. तपासणी करण्यासाठी साध्या वेषात येणारे पोलिस, अधिकारी यांच्याकडून ग्राहकांचीही चौकशी केली जात आहे. झेंडीगेटला जुन्या तालुका पोलिस ठाण्यासमोरील पतंग स्टॉलवर शनिवारी दुपारी अशी तपासणी सुरू होती, मात्र याप्रकरणी प्रत्यक्षात गुन्हे दाखल झाले किंवा दंडात्मक कारवाई झाली का, याची माहिती मिळू शकली नाही. दुकानदारांना सोडून ग्राहकांचीच कडक तपासणी करण्याच्या प्रकारबद्दल नाराजी व्यक्त झाली.