अ‍ॅपशहर

‘पांगरमल’प्रकरणी चौघे निलंबित

पांगरमल विषारी दारूप्रकरण सिव्हिल हॉस्पिटलचे तत्कालीन जिल्हा शल्यचिकित्सक (सिव्हिल सर्जन), डॉक्टर, सिव्हिलचे दोन प्रशासकीय अधिकारी अशा चौघांना भोवले असून, या चौघांना सेवेतून निलंबित करण्यात आले आहे.

Maharashtra Times 7 Dec 2017, 3:00 am
नगर : पांगरमल विषारी दारूप्रकरण सिव्हिल हॉस्पिटलचे तत्कालीन जिल्हा शल्यचिकित्सक (सिव्हिल सर्जन), डॉक्टर, सिव्हिलचे दोन प्रशासकीय अधिकारी अशा चौघांना भोवले असून, या चौघांना सेवेतून निलंबित करण्यात आले आहे. आरोग्य उपसंचालकांना केलेल्या चौकशीत हे सर्व दोषी आढळल्यानंतर मंगळवारी रात्री त्यांच्या आरोग्य विभागाने कारवाई केली आहे.
महाराष्ट्र टाइम्स.कॉम pangrammal case four suspended
‘पांगरमल’प्रकरणी चौघे निलंबित

तत्कालीन जिल्हा शल्यचिकित्सक डॉ. एस. एम. सोनवणे, तत्कालीन सर्जन डॉ. पी. एस. कांबळे, तत्कालीन प्रशासन अधिकारी डॉ. संजय राठोड, प्रशासन अधिकारी डा. रमेश माने या चौघांना सेवेतून निलंबित करण्यात आले आहे. पांगरमल दारूकांडनंतर सोनवणे यांना सक्तीचे रजेवर पाठविण्यात आले होते. तर राठोड, कांबळे यांची पुणे येथे बदल्या झाल्या होत्या. या सर्वांना निलंबित करण्याचे आदेश मिळाले असल्याची माहिती सध्याचे सिव्हिल सर्जन डॉ. पाडुरंग बुरुटे यांनी दिली आहे. जिल्हा परिषद व पंचायत समिती निवडणुकीत नगर तालुक्यातील पांगरमल येथे विषारी दारूमुळे नऊ ग्रामस्थांचा मृत्यू झाला होता.
तपासात ही विषारी दारू सिव्हिल हॉस्पिटलच्या कॅन्टिनमध्ये तयार झाल्याचे उघडकीस आले होते. कागदपत्रांची तपासणी न करता मुदत संपल्यानंतर हॉस्पिटलच्या कॅन्टिन चालविण्यास दिली होती. सोनवणे यांना सक्तीच्या रजेवर पाठविल्यानंतर आरोग्य विभागाच्या सहसंचालकाच्या अध्यक्षतेखाळी त्रिस्तरीय चौकशी समिती नेमण्यात आली होती. या समितीने चौकशी करून आरोग्यमंत्र्यांना अहवाल सादर केला होता. या अहवालानंतर या सर्वांवर निलंबनाची कारवाई करण्यात आली आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज