पारनेर : अहमदनगर जिल्हा मराठा विद्या प्रसारक समाज संस्थेच्या शताब्दी महोत्सवानिमित्त आयोजित देशभक्तीपर समूहगीत गायन व स्वागतगीत स्पर्धत न्यू आर्ट्स कॉमर्स अॅण्ड सायन्स कॉलेज पारनेर महाविद्यालयाच्या 'वंदे मातरम्' या देशभक्तिपर समूहगीतास प्रथम क्रमांक मिळाला. यामध्ये राजेश्वरी देशमुख, प्रियंका औटी, आरती खोमणे, श्वेताली चौधरी, संग्राम मांडगे, कानगुडे स्वप्नील यांनी सुरेख आवाजात उत्कृष्टपणे गीताचे गायन केले. त्यांना तबल्यावर विकास शेलार व हार्मोनियमवर मयुर बुगे, राहुल भुजबळ यांनी साथ दिली.
विद्यार्थ्यांच्या या यशाचे जिल्हा मराठा विद्या प्रसारक समाज संस्थेचे अध्यक्ष नंदकुमार झावरे पाटील, प्राचार्य डॉ. रंगनाथ आहेर, उपप्राचार्य डॉ. तुकाराम थोपटे, आयक्युएसी समन्वयक डॉ. दिलिप ठुबे, परीक्षा अधिकारी डॉ. सुधीर वाघ यांनी अभिनंदन केले.