विजयसिंह होलम । अहमदनगर पारनेर नगरपंचायतीच्या निवडणुकीत (Parner Nagar Panchayat Election) शिवसेनेने राष्ट्रवादी काँग्रेसला लढत देत थोपविण्याचा प्रयत्न केला. मात्र, शिवसेनेचे नेते माजी आमदार विजय औटी यांच्या पत्नी जयश्री यांचा थोडक्यात पराभव झाला. राष्ट्रवादीने खेळी करीत नवख्या उमेदवाराला औटी यांच्या विरोधात उभे केले होते. अवघ्या बारा मतांनी झालेला हा पराभव शिवसेनेच्या जिव्हारी लागला आहे.
नगरपंचायतीच्या प्रभाग क्रमांक नऊमध्ये पारनेरच्या माजी सभापती आणि औटी यांच्या पत्नी जयश्री यांना शिवसेनेने उमेदवारी दिली होती. त्यांच्याविरोधात राष्ट्रवादी काँग्रेसने हिमानी बाळासाहेब नगरे यांना उमेदवारी दिली होती. नगरे यांना ३७५ तर औटी यांना ३६३ मते मिळाली. १३ मते नोटाला मिळाली. थोडक्यात झालेला हा पराभव शिवसेनेच्या जिव्हारी लागला आहे.
वाचा: नगरपंचायत निकाल: नाशिक जिल्ह्यात मंत्री, आमदारांच्या वर्चस्वाला मोठा धक्का
या प्रभागात राष्ट्रवादी काँग्रेसने आधीपासूनच लक्ष घातले होते. या प्रभागात दहा जणांचे अर्ज दाखल झाले होते. त्यातील चार जणांचे अर्ज बाद झाले. औटी यांच्या विरोधात राष्ट्रवादीने जाणीवपूर्वक नवखा उमेदवार दिला. पारनेर पंचायत समितीच्या माजी सभापती राहिलेल्या औटी यांच्या प्रभागात नव्याने राजकारणात आलेल्या युवतीविरुद्ध लढत घडविण्यात आली. या प्रभागात भाजपने उमेदवार दिला नाही. इतरही उमेदवार नवखेच होते. त्यामुळे औटी आणि नगरे यांच्यातच लढत झाली. याच औटी यांचा पराभव झाला. दोघींतील फरकापेक्षा जास्त मते नोटाला मिळाली आहेत.
नगरपंचायत त्रिशंकू झाल्याने आता सत्ता कोण काबीज करणार, याकडे लक्ष लागले आहे. राष्ट्रवादीला सात, शिवसेनाला सहा, शहर विकास आघाडीला २, भाजप आणि अपक्षाला प्रत्येकी एक जागा मिळाली आहे. राष्ट्रवादीचे आमदार नीलेश लंके यांनी अध्यक्ष आपलाच होणार असल्याचा दावा केला आहे. अध्यक्षपदाच्या निवडीत शहर विकास आघाडीची भूमिका महत्त्वाची ठरणार आहे. सोबतच भाजप आणि अपक्ष उमेदवार काय करणार, याकडेही लक्ष लागले आहे.
वाचा: रोहित पवारांचा भाजपला 'दे धक्का'! कर्जत नगरपंचायतीवर राष्ट्रवादीचा झेंडा
गेल्या अनेक वर्षांपासून औटी पारनेरचे आमदार आहेत. गेल्या विधानसभा निवडणुकीत शिवसेनेतूनच राष्ट्रवादीत प्रवेश केलेल्या लंके यांनी त्यांच्यासमोर आव्हान उभे केले आणि आमदारकी मिळविली. त्यानंतर त्यांनी औटी यांच्या इतर सत्तास्थानांवर ताबा मिळविण्यासाठी प्रयत्न सुरू केले. पारनेर नगरपंचायतीतही औटी यांची दीर्घकाळ सत्ता आहे. शिवाय ते मूळचे पारनेर शहरातीलच आहेत. त्यामुळे लंके यांच्यासाठीही ते आव्हान होते. लंकेचेही आव्हान थोपविण्यात काही अंश औटी यांना यश आले असले तरी त्यांच्या महत्त्वाच्या उमेदवाराचा मात्र पराभव झाला.
वाचा: करोनाची धास्ती! नाशिक जिल्हा प्रशासनानं घेतला मोठा निर्णय
नगरपंचायतीच्या प्रभाग क्रमांक नऊमध्ये पारनेरच्या माजी सभापती आणि औटी यांच्या पत्नी जयश्री यांना शिवसेनेने उमेदवारी दिली होती. त्यांच्याविरोधात राष्ट्रवादी काँग्रेसने हिमानी बाळासाहेब नगरे यांना उमेदवारी दिली होती. नगरे यांना ३७५ तर औटी यांना ३६३ मते मिळाली. १३ मते नोटाला मिळाली. थोडक्यात झालेला हा पराभव शिवसेनेच्या जिव्हारी लागला आहे.
वाचा: नगरपंचायत निकाल: नाशिक जिल्ह्यात मंत्री, आमदारांच्या वर्चस्वाला मोठा धक्का
या प्रभागात राष्ट्रवादी काँग्रेसने आधीपासूनच लक्ष घातले होते. या प्रभागात दहा जणांचे अर्ज दाखल झाले होते. त्यातील चार जणांचे अर्ज बाद झाले. औटी यांच्या विरोधात राष्ट्रवादीने जाणीवपूर्वक नवखा उमेदवार दिला. पारनेर पंचायत समितीच्या माजी सभापती राहिलेल्या औटी यांच्या प्रभागात नव्याने राजकारणात आलेल्या युवतीविरुद्ध लढत घडविण्यात आली. या प्रभागात भाजपने उमेदवार दिला नाही. इतरही उमेदवार नवखेच होते. त्यामुळे औटी आणि नगरे यांच्यातच लढत झाली. याच औटी यांचा पराभव झाला. दोघींतील फरकापेक्षा जास्त मते नोटाला मिळाली आहेत.
नगरपंचायत त्रिशंकू झाल्याने आता सत्ता कोण काबीज करणार, याकडे लक्ष लागले आहे. राष्ट्रवादीला सात, शिवसेनाला सहा, शहर विकास आघाडीला २, भाजप आणि अपक्षाला प्रत्येकी एक जागा मिळाली आहे. राष्ट्रवादीचे आमदार नीलेश लंके यांनी अध्यक्ष आपलाच होणार असल्याचा दावा केला आहे. अध्यक्षपदाच्या निवडीत शहर विकास आघाडीची भूमिका महत्त्वाची ठरणार आहे. सोबतच भाजप आणि अपक्ष उमेदवार काय करणार, याकडेही लक्ष लागले आहे.
वाचा: रोहित पवारांचा भाजपला 'दे धक्का'! कर्जत नगरपंचायतीवर राष्ट्रवादीचा झेंडा
गेल्या अनेक वर्षांपासून औटी पारनेरचे आमदार आहेत. गेल्या विधानसभा निवडणुकीत शिवसेनेतूनच राष्ट्रवादीत प्रवेश केलेल्या लंके यांनी त्यांच्यासमोर आव्हान उभे केले आणि आमदारकी मिळविली. त्यानंतर त्यांनी औटी यांच्या इतर सत्तास्थानांवर ताबा मिळविण्यासाठी प्रयत्न सुरू केले. पारनेर नगरपंचायतीतही औटी यांची दीर्घकाळ सत्ता आहे. शिवाय ते मूळचे पारनेर शहरातीलच आहेत. त्यामुळे लंके यांच्यासाठीही ते आव्हान होते. लंकेचेही आव्हान थोपविण्यात काही अंश औटी यांना यश आले असले तरी त्यांच्या महत्त्वाच्या उमेदवाराचा मात्र पराभव झाला.
वाचा: करोनाची धास्ती! नाशिक जिल्हा प्रशासनानं घेतला मोठा निर्णय