श्रीपाद छिंदमच्या निवडीला कोर्टात आव्हान

अहमदनगरः

अहमदनगर महापालिका निवडणुकीत विजय झालेला वादग्रस्त श्रीपाद छिंदम याच्या निवडीला जिल्हा न्यायालयात एका याचिकेद्वारे आव्हान देण्यात आले आहे. प्रतिस्पर्धा उमेदवार नीलेश म्हसे यांनी ही याचिका दाखल केली आहे.

निवडणुकीवेळी छिंदमच्या उमेदवारी अर्जातील ज्ञुटींवर म्हसे यांनी आक्षेप घेतला होता. हा आक्षेप निवडणूक निर्णय अधिकाऱ्यांनी फेटाळून लावला होता. त्याविरोधात आता म्हसे यांनी राज्य निवडणूक आयोगाचे आयुक्त, श्रीपाद छिंदम व इतर सात उमेदवांना प्रतिवादी करून आज याचिका आज दाखल केली आहे. या याचिकेमध्ये छिंदमची अहमदनगर महानगरपालिकेच्या नगरकसेवकपदी झालेली निवड सदोष निवडणूक प्रक्रियेतून झालेली असल्यामुळे छिंदम याची निवड रद्द करण्याची मागणी करण्यात आली आहे.