म.टा.प्रतिनिधी,नगर
अपुऱ्या डिलर मार्जिनसह अन्य प्रलंबित मागण्यांबाबत पेट्रोलियम कंपन्यांकडून सकारात्मक प्रतिसाद मिळत नसल्याने जिल्ह्यातील ३०० पेट्रोल पंपांवर उद्या गुरुवारी (३ नोव्हेंबर) व शुक्रवारी (४ नोव्हेंबर) साठा असेपर्यंतच पेट्रोल व डिझेल विक्री केली जाणार आहे. हे दोन्ही दिवस पेट्रोल व डिझेल खरेदी केली जाणार नाही. परिणामी दोन दिवस वाहनधारकांना पुरेसे इंधन मिळण्यास अडचण येण्याची शक्यता आहे.
नगर जिल्ह्यात भारत पेट्रोलियम, इंडियन ऑइल व हिंदुस्थान पेट्रोलियम या तीन सरकारी कंपन्यांचे मिळून तीनशेवर पेट्रोल पंप आहेत. तर काही खासगी कंपन्यांचेही पेट्रोल पंप आहेत. सरकारी कंपन्यांच्या पेट्रोलपंपांना पुरेसे डिलर मार्जिन मिळत नसल्याने या पंपचालकांची आर्थिक स्थिरता धोक्यात आली आहे. त्यामुळे खर्चात कपात करण्यासाठी कामकाजात काही बदल त्यांनी केले असून, याअंतर्गत दोन दिवस नवी पेट्रोल व डिझेल खरेदी बंद करण्याचा निर्णय घेतला आहे. देशभर हा निर्णय अंमलात येणार असून, नगर जिल्ह्यातही जिल्हा पेट्रोलियम डिलर्स असोसिएशनकडून त्याची अंमलबजावणी होणार असल्याचे अध्यक्ष चारुदत्त पवार यांनी सांगितले.
चार टप्प्यांचे आंदोलन
जिल्हा पेट्रोलियम डिलर्स असोसिएशनने चार टप्प्यात आंदोलन हाती घेतले आहे. याआधी १९ व २६ ऑक्टोबरला दोन दिवस ब्लॅक आऊट पाळला गेला. या दोन्ही दिवशी सायंकाळी सात ते सव्वासात या १५ मिनिटांच्या काळासाठी पेट्रोल व डिझेल विक्री बंद ठेवली गेली. आता उद्या गुरुवारी (३ नोव्हेंबर) व शुक्रवारी (४ नोव्हेंबर) नवी खरेदी बंद ठेवून साठा असेपर्यंत पेट्रोल व डिझेल विक्री केली जाणार आहे. शनिवारपासून (५ नोव्हेंबर) सकाळी ९ ते सायंकाळी ६ या वेळेतच (सिंगल शिफ्ट) पेट्रोल पंप चालवले जाणार आहेत तसेच ६ नोव्हेंबरच्या रविवारपासून दर रविवारी व बँक सुट्टीच्या दिवशी सुट्टी घेऊन पंपांवरील पेट्रोल व डिझेल विक्री व्यवहार बंद ठेवले जाणार आहेत.
अपुऱ्या डिलर मार्जिनसह अन्य प्रलंबित मागण्यांबाबत पेट्रोलियम कंपन्यांकडून सकारात्मक प्रतिसाद मिळत नसल्याने जिल्ह्यातील ३०० पेट्रोल पंपांवर उद्या गुरुवारी (३ नोव्हेंबर) व शुक्रवारी (४ नोव्हेंबर) साठा असेपर्यंतच पेट्रोल व डिझेल विक्री केली जाणार आहे. हे दोन्ही दिवस पेट्रोल व डिझेल खरेदी केली जाणार नाही. परिणामी दोन दिवस वाहनधारकांना पुरेसे इंधन मिळण्यास अडचण येण्याची शक्यता आहे.
नगर जिल्ह्यात भारत पेट्रोलियम, इंडियन ऑइल व हिंदुस्थान पेट्रोलियम या तीन सरकारी कंपन्यांचे मिळून तीनशेवर पेट्रोल पंप आहेत. तर काही खासगी कंपन्यांचेही पेट्रोल पंप आहेत. सरकारी कंपन्यांच्या पेट्रोलपंपांना पुरेसे डिलर मार्जिन मिळत नसल्याने या पंपचालकांची आर्थिक स्थिरता धोक्यात आली आहे. त्यामुळे खर्चात कपात करण्यासाठी कामकाजात काही बदल त्यांनी केले असून, याअंतर्गत दोन दिवस नवी पेट्रोल व डिझेल खरेदी बंद करण्याचा निर्णय घेतला आहे. देशभर हा निर्णय अंमलात येणार असून, नगर जिल्ह्यातही जिल्हा पेट्रोलियम डिलर्स असोसिएशनकडून त्याची अंमलबजावणी होणार असल्याचे अध्यक्ष चारुदत्त पवार यांनी सांगितले.
चार टप्प्यांचे आंदोलन
जिल्हा पेट्रोलियम डिलर्स असोसिएशनने चार टप्प्यात आंदोलन हाती घेतले आहे. याआधी १९ व २६ ऑक्टोबरला दोन दिवस ब्लॅक आऊट पाळला गेला. या दोन्ही दिवशी सायंकाळी सात ते सव्वासात या १५ मिनिटांच्या काळासाठी पेट्रोल व डिझेल विक्री बंद ठेवली गेली. आता उद्या गुरुवारी (३ नोव्हेंबर) व शुक्रवारी (४ नोव्हेंबर) नवी खरेदी बंद ठेवून साठा असेपर्यंत पेट्रोल व डिझेल विक्री केली जाणार आहे. शनिवारपासून (५ नोव्हेंबर) सकाळी ९ ते सायंकाळी ६ या वेळेतच (सिंगल शिफ्ट) पेट्रोल पंप चालवले जाणार आहेत तसेच ६ नोव्हेंबरच्या रविवारपासून दर रविवारी व बँक सुट्टीच्या दिवशी सुट्टी घेऊन पंपांवरील पेट्रोल व डिझेल विक्री व्यवहार बंद ठेवले जाणार आहेत.