म.टा.प्रतिनिधी,नगर
राज्यातील कोणत्याही महापालिकेकडे नसेल, एवढी तब्बल ७०० एकर जमीन पिंपळगाव माळवी तलावाच्या रुपाने नगर महापालिकेच्या मालकीची असून, पर्यटन स्थळाच्या रुपाने तिचा विकास करण्यासाठी नगर महापालिका इच्छुकांना निमंत्रण देणार आहे. एस्सेल वर्ल्ड, रामोजी फिल्म सिटी, स्नो वर्ल्डसारख्या नामवंत कंपन्यांना साकडे घातले जाणार असून, ‘एक्सप्रेशन ऑफ इंटरेस्ट’ (ईओआय)ची प्रक्रियाही सुरू केली गेली आहे.
नगर-औरंगाबाद रोडवर नगरपासून सुमारे १६ किलोमीटर अंतरावर व या महामार्गावरील शेंडी गावापासून ५-६ किलोमीटर अंतरावर पिंपळगाव माळवी तलाव आहे. ब्रिटीश काळापासून तत्कालीन नगरपालिकेच्या मालकीच्या असलेल्या या तलावाच्या जमिनीच्या मालकीबाबतचे सर्व वाद मिटून ही जमीन महापालिकेच्या ताब्यात आली आहे. जमिनीच्या ‘सात-बारा’वर मनपाचे नावही लागले आहे. तलाव व जमीन अशा ७०० एकरच्या या परिसरात अतिक्रमणे असल्याने जमिनीच्या हद्द मोजणीसाठी भूमिअभिलेख खात्याकडे साडेचार लाखाची रक्कमही महापालिकेने जमा केली असून, तेही काम सुरू झाले आहे. येत्या दीड-दोन महिन्यांच्या या कामानंतर जमिनीची हद्द निश्चित होणार असल्याने तिचा पर्यटन स्थळाच्या रुपाने सर्वांगीण विकास करण्याचे नियोजन महापौर सुरेखा कदम व सहकाऱ्यांनी केले आहे. यासाठी स्वतःचे हजारो कोटी रुपये खर्च करून येथे पर्यटन प्रकल्प विकसित करू शकणाऱ्या व त्याच्या उत्पन्नातील काही भाग महापालिकेला देऊ शकणाऱ्या नामवंत खासगी विकसकांची मनपाला प्रतीक्षा आहे. त्यामुळेच त्यांना देशस्तरावर आवाहन करण्यासाठी ‘एक्सप्रेशन ऑफ इंटरेस्ट’ ची प्रक्रिया सुरू केली गेली आहे.
माहितीपत्रकही केले जाणार
पिंपळगाव माळवीच्या जमिनीची मोजणी पूर्ण झाल्यावर ड्रोन कॅमेऱ्याद्वारे तिचे चित्रीकरण तसेच छायाचित्रे काढून या परिसराच्या रम्य नैसर्गिक वैविध्याची व अन्य अनुषंगिक परिपूर्ण माहिती असलेली सप्तरंगी माहिती पत्रिकाही तयार केली जाणार आहे. या जागेचा स्वखर्चाने विकास करू इच्छिणाऱ्या नामवंत कंपन्यांना हे माहितीपत्रक पाठवून त्यांनाही साकडे घातले जाणार आहे. शिर्डीचे साई समाधी मंदिर तसेच शनि शिंगणापूरला शनी दर्शनासाठी येणाऱ्या भाविकांनी पिंपळगाव माळवी पर्यटन स्थळी यावे व यानिमित्ताने नगरचा पर्यटन विकास होऊन येथे रोजगार निर्मिती व व्यवसायवृद्धी व्हावी या उद्देशाने हा प्रकल्प राबविला जाणार असल्याचे सत्ताधारी शिवसेनेकडून सांगितले जात आहे.
राज्यातील कोणत्याही महापालिकेकडे नसेल, एवढी तब्बल ७०० एकर जमीन पिंपळगाव माळवी तलावाच्या रुपाने नगर महापालिकेच्या मालकीची असून, पर्यटन स्थळाच्या रुपाने तिचा विकास करण्यासाठी नगर महापालिका इच्छुकांना निमंत्रण देणार आहे. एस्सेल वर्ल्ड, रामोजी फिल्म सिटी, स्नो वर्ल्डसारख्या नामवंत कंपन्यांना साकडे घातले जाणार असून, ‘एक्सप्रेशन ऑफ इंटरेस्ट’ (ईओआय)ची प्रक्रियाही सुरू केली गेली आहे.
नगर-औरंगाबाद रोडवर नगरपासून सुमारे १६ किलोमीटर अंतरावर व या महामार्गावरील शेंडी गावापासून ५-६ किलोमीटर अंतरावर पिंपळगाव माळवी तलाव आहे. ब्रिटीश काळापासून तत्कालीन नगरपालिकेच्या मालकीच्या असलेल्या या तलावाच्या जमिनीच्या मालकीबाबतचे सर्व वाद मिटून ही जमीन महापालिकेच्या ताब्यात आली आहे. जमिनीच्या ‘सात-बारा’वर मनपाचे नावही लागले आहे. तलाव व जमीन अशा ७०० एकरच्या या परिसरात अतिक्रमणे असल्याने जमिनीच्या हद्द मोजणीसाठी भूमिअभिलेख खात्याकडे साडेचार लाखाची रक्कमही महापालिकेने जमा केली असून, तेही काम सुरू झाले आहे. येत्या दीड-दोन महिन्यांच्या या कामानंतर जमिनीची हद्द निश्चित होणार असल्याने तिचा पर्यटन स्थळाच्या रुपाने सर्वांगीण विकास करण्याचे नियोजन महापौर सुरेखा कदम व सहकाऱ्यांनी केले आहे. यासाठी स्वतःचे हजारो कोटी रुपये खर्च करून येथे पर्यटन प्रकल्प विकसित करू शकणाऱ्या व त्याच्या उत्पन्नातील काही भाग महापालिकेला देऊ शकणाऱ्या नामवंत खासगी विकसकांची मनपाला प्रतीक्षा आहे. त्यामुळेच त्यांना देशस्तरावर आवाहन करण्यासाठी ‘एक्सप्रेशन ऑफ इंटरेस्ट’ ची प्रक्रिया सुरू केली गेली आहे.
माहितीपत्रकही केले जाणार
पिंपळगाव माळवीच्या जमिनीची मोजणी पूर्ण झाल्यावर ड्रोन कॅमेऱ्याद्वारे तिचे चित्रीकरण तसेच छायाचित्रे काढून या परिसराच्या रम्य नैसर्गिक वैविध्याची व अन्य अनुषंगिक परिपूर्ण माहिती असलेली सप्तरंगी माहिती पत्रिकाही तयार केली जाणार आहे. या जागेचा स्वखर्चाने विकास करू इच्छिणाऱ्या नामवंत कंपन्यांना हे माहितीपत्रक पाठवून त्यांनाही साकडे घातले जाणार आहे. शिर्डीचे साई समाधी मंदिर तसेच शनि शिंगणापूरला शनी दर्शनासाठी येणाऱ्या भाविकांनी पिंपळगाव माळवी पर्यटन स्थळी यावे व यानिमित्ताने नगरचा पर्यटन विकास होऊन येथे रोजगार निर्मिती व व्यवसायवृद्धी व्हावी या उद्देशाने हा प्रकल्प राबविला जाणार असल्याचे सत्ताधारी शिवसेनेकडून सांगितले जात आहे.