अकोले, अहमदनगर: भंडारदरा धरण पूर्ण क्षमतेने भरले असून सलग सुट्यांमुळे भंडारदरा परिसरात पर्यटकांची गर्दी होऊ लागली आहे. १४ ऑगस्टपासून तीन दिवस सलग सुट्ट्या आल्याने तसेच १५ ऑगस्टला भंडारदरा, घाटघर परिसरात दर वर्षीप्रमाणे या परिसरात होणारी पर्यटकांची गर्दी त्यामुळे होणारी वाहतुकीची कोंडी लक्षात घेऊन यावर्षीही या भागात एकेरी वाहतूक करण्यात येणार आहे, अशी माहिती राजूर पोलीस स्टेशनचे सहायक पोलीस निरीक्षक नितीन पाटील यांनी दिली.
राजूर पोलीस स्टेशनमार्फत मोठ्या प्रमाणात बंदोबस्त ठेवण्यात येणार आहे. १४ ते १६ ऑगस्ट सलग तीन दिवस एकेरी वाहतूक करण्यात येणार आहे. संगमनेर, अकोले, राजूरकडून येणाऱ्या पर्यटकांना भंडारदरा येथे जाण्यासाठी रंधा फाटा येथून प्रवेश बंद करण्यात आला आहे. त्यांना भंडारदरा, शेंडी येथे जाण्यासाठी वाकी फाटा व वारुंघुशी फाटा येथून प्रवेश करता येईल.
पर्यटकांना वारुंघुशी फाटा, वाकी फाटामार्गे चिचोंडी फाटा-यश रिसॉर्ट- शेंडी वन्यजीव विभाग चेक पॉइंट, मुरशेत-पांजरे-घाटघर-साम्रद-रतनवाडी- मुतखेल वन्यजीव विभाग चेक पॉइंटवरून भंडारदरा येथे येता येईल. तर स्लिपवे गेट-भंडारदरा गाव- गुहिरे-रंधा फाटामार्गे बाहेर जात येईल. पोलिसांकडून घोटीकडून येणाऱ्या पॉइंटवर नाकाबंदी लावण्यात येणार आहे. पर्यटकांकडे तसेच त्यांच्या वाहनात मद्य सापडल्यास किंवा चालक पिलेल्या अवस्थेत सापडल्यास त्याच्यावर कारवाई करण्यात येणार आहे. गाडीत दारू सापडल्यास गाडीतील सर्वांवरच गुन्हे दाखल करण्यात येणार असल्याचे सहाय्यक पोलीस निरीक्षक नितीन पाटील यांनी सांगितले. रस्त्यामध्ये वाहने उभी करून दंगमस्ती करणारे, बाटल्या फोडल्यास, अश्लील हावभाव केल्यास तसेच शिवीगाळ व आरडाओरडा केल्यास तत्काळ कारवाई करण्यात येणार आहे. पोलिसांचे फिरते पथकही ठिकठिकाणी पर्यटकांवर नजर ठेवून असणार आहे. या तीन दिवसांत बंदोबस्तासाठी पोलिस, महिला पोलिसांसह राजूर पाटबंधारेचे कर्मचारी नियंत्रण करणार आहेत. वनखाते त्यांच्या अखत्यारीतील जबाबदारी सांभाळेल, असे वनपरिक्षेत्र अधिकारी वन्य-जीव भंडारदरा अभयारण्य डी.डी पडवळ यांनी सांगितले.
राजूर पोलीस स्टेशनमार्फत मोठ्या प्रमाणात बंदोबस्त ठेवण्यात येणार आहे. १४ ते १६ ऑगस्ट सलग तीन दिवस एकेरी वाहतूक करण्यात येणार आहे. संगमनेर, अकोले, राजूरकडून येणाऱ्या पर्यटकांना भंडारदरा येथे जाण्यासाठी रंधा फाटा येथून प्रवेश बंद करण्यात आला आहे. त्यांना भंडारदरा, शेंडी येथे जाण्यासाठी वाकी फाटा व वारुंघुशी फाटा येथून प्रवेश करता येईल.
पर्यटकांना वारुंघुशी फाटा, वाकी फाटामार्गे चिचोंडी फाटा-यश रिसॉर्ट- शेंडी वन्यजीव विभाग चेक पॉइंट, मुरशेत-पांजरे-घाटघर-साम्रद-रतनवाडी- मुतखेल वन्यजीव विभाग चेक पॉइंटवरून भंडारदरा येथे येता येईल. तर स्लिपवे गेट-भंडारदरा गाव- गुहिरे-रंधा फाटामार्गे बाहेर जात येईल. पोलिसांकडून घोटीकडून येणाऱ्या पॉइंटवर नाकाबंदी लावण्यात येणार आहे. पर्यटकांकडे तसेच त्यांच्या वाहनात मद्य सापडल्यास किंवा चालक पिलेल्या अवस्थेत सापडल्यास त्याच्यावर कारवाई करण्यात येणार आहे. गाडीत दारू सापडल्यास गाडीतील सर्वांवरच गुन्हे दाखल करण्यात येणार असल्याचे सहाय्यक पोलीस निरीक्षक नितीन पाटील यांनी सांगितले. रस्त्यामध्ये वाहने उभी करून दंगमस्ती करणारे, बाटल्या फोडल्यास, अश्लील हावभाव केल्यास तसेच शिवीगाळ व आरडाओरडा केल्यास तत्काळ कारवाई करण्यात येणार आहे. पोलिसांचे फिरते पथकही ठिकठिकाणी पर्यटकांवर नजर ठेवून असणार आहे. या तीन दिवसांत बंदोबस्तासाठी पोलिस, महिला पोलिसांसह राजूर पाटबंधारेचे कर्मचारी नियंत्रण करणार आहेत. वनखाते त्यांच्या अखत्यारीतील जबाबदारी सांभाळेल, असे वनपरिक्षेत्र अधिकारी वन्य-जीव भंडारदरा अभयारण्य डी.डी पडवळ यांनी सांगितले.