म. टा. प्रतिनिधी, नगर
बंद असलेली आवर्ती खाते (आर.डी.) व सॉफ्टवेअरमध्ये हेराफेरी करून वेगवेगळ्या खातेदारांच्या खात्यातून ५ लाख ९ हजार रुपयांच्या अपहाराचा प्रकार नगर शहरातील पोस्ट कार्यालयात घडला आहे. हा अपहार उघडकीस आल्यानंतर अपहाराची रक्कम पुन्हा पोस्ट कार्यालयात भरण्या आली आहे. या प्रकरणी एका कर्मचाऱ्याला अटक करण्यात आली असून, त्याला २४ एप्रिलपर्यंत पोलिस कोठडी देण्यात आली आहे.
सचिन सुरेश कर्डिले (रा. जखणगाव, ता. नगर) असे आरोपीचे नाव आहे. या प्रकरणी पोस्ट कार्यालयातील बाळासाहेब अर्जून बनकर यांनी फिर्याद दिली आहे. अपहराचा प्रकार २९ जून २०१५ ते १ मे २०१६ या दरम्यान घडला असून, मंगळवारी रात्री गुन्हा दाखल झाला आहे. आरोपी सचिन कर्डिले हा नगर शहरातील एमजी रोड येथील पोस्ट कार्यालयात पोस्ट असिस्टंट या पदावर कार्यरत आहे. या अपहारासाठी आरोपीने बंद पडलेल्या आरडी खात्यांचा वापर केला आहे. बंद पडलेली खाते त्याने पुन्हा संचय पोस्ट सॉफ्टवेअरमध्ये सुरू केली. त्यात डेटा एंट्रीद्वारे खात्यामध्ये प्रत्यक्ष पैसे जमा केले नाहीत. खात्यामध्ये पैसे जमा केल्याचे भासवून, फॉर्म भरून त्यावर खातेदाराच्या बनावट सह्या केल्या. व्हॉउचरद्वारे खाते बंद करून विविध खात्यांवरून ५ लाख ९ हजार ८४९ रुपयांची रक्कम काढून घेऊन फसवणूक केली. पोस्टाच्या २४ खातेदारांची फसवणूक झाली आहे. पोस्ट कार्यालयातील अधिकाऱ्यांकडून फसवणूक झाल्याचे उघडकीस आल्यानंतर अपहार करणाऱ्याकडून व्याजासह ५ लाख २५ हजार ४२३ रुपये वसूल केले आहेत. ती रक्कम सरकारी खात्यात जमा करण्यात आली आहे. अपहाराची रक्कम वसूल झाल्यानंतर या कर्मचाऱ्याविरुद्ध अपहार केल्याचा गुन्हा दाखल केला आहे.
कोतवाली पोलिस स्टेशनचे सहायक पोलिस निरीक्षक राहुल पाटील यांनी आरोपी कर्डिले याला अटक करून बुधवारी न्यायालयात हजर केले. आरोपीला कार्यालयातील आणखी व्यक्तींनी मदत केल्याचा संशय असून, त्याबाबत चौकशी करायची असल्याने आरोपीला पोलिस कोठडी द्यावी, अशी मागणी पोलिसांनी केली. त्यानुसार आरोपीला २४ मेपर्यंत पोलिस कोठडी देण्यात आली आहे.
बंद असलेली आवर्ती खाते (आर.डी.) व सॉफ्टवेअरमध्ये हेराफेरी करून वेगवेगळ्या खातेदारांच्या खात्यातून ५ लाख ९ हजार रुपयांच्या अपहाराचा प्रकार नगर शहरातील पोस्ट कार्यालयात घडला आहे. हा अपहार उघडकीस आल्यानंतर अपहाराची रक्कम पुन्हा पोस्ट कार्यालयात भरण्या आली आहे. या प्रकरणी एका कर्मचाऱ्याला अटक करण्यात आली असून, त्याला २४ एप्रिलपर्यंत पोलिस कोठडी देण्यात आली आहे.
सचिन सुरेश कर्डिले (रा. जखणगाव, ता. नगर) असे आरोपीचे नाव आहे. या प्रकरणी पोस्ट कार्यालयातील बाळासाहेब अर्जून बनकर यांनी फिर्याद दिली आहे. अपहराचा प्रकार २९ जून २०१५ ते १ मे २०१६ या दरम्यान घडला असून, मंगळवारी रात्री गुन्हा दाखल झाला आहे. आरोपी सचिन कर्डिले हा नगर शहरातील एमजी रोड येथील पोस्ट कार्यालयात पोस्ट असिस्टंट या पदावर कार्यरत आहे. या अपहारासाठी आरोपीने बंद पडलेल्या आरडी खात्यांचा वापर केला आहे. बंद पडलेली खाते त्याने पुन्हा संचय पोस्ट सॉफ्टवेअरमध्ये सुरू केली. त्यात डेटा एंट्रीद्वारे खात्यामध्ये प्रत्यक्ष पैसे जमा केले नाहीत. खात्यामध्ये पैसे जमा केल्याचे भासवून, फॉर्म भरून त्यावर खातेदाराच्या बनावट सह्या केल्या. व्हॉउचरद्वारे खाते बंद करून विविध खात्यांवरून ५ लाख ९ हजार ८४९ रुपयांची रक्कम काढून घेऊन फसवणूक केली. पोस्टाच्या २४ खातेदारांची फसवणूक झाली आहे. पोस्ट कार्यालयातील अधिकाऱ्यांकडून फसवणूक झाल्याचे उघडकीस आल्यानंतर अपहार करणाऱ्याकडून व्याजासह ५ लाख २५ हजार ४२३ रुपये वसूल केले आहेत. ती रक्कम सरकारी खात्यात जमा करण्यात आली आहे. अपहाराची रक्कम वसूल झाल्यानंतर या कर्मचाऱ्याविरुद्ध अपहार केल्याचा गुन्हा दाखल केला आहे.
कोतवाली पोलिस स्टेशनचे सहायक पोलिस निरीक्षक राहुल पाटील यांनी आरोपी कर्डिले याला अटक करून बुधवारी न्यायालयात हजर केले. आरोपीला कार्यालयातील आणखी व्यक्तींनी मदत केल्याचा संशय असून, त्याबाबत चौकशी करायची असल्याने आरोपीला पोलिस कोठडी द्यावी, अशी मागणी पोलिसांनी केली. त्यानुसार आरोपीला २४ मेपर्यंत पोलिस कोठडी देण्यात आली आहे.