नगर : समाजात रक्तदान चळवळीला बळकटी आणण्यासाठी जनकल्याण रक्तपेढीतर्फे विविध उपक्रम राबविले जात आहेत. येत्या १ ऑक्टोबरला राष्ट्रीय रक्तदान दिवसाचे निमित्त साधून जिल्हास्तरावर पोस्ट स्पर्धा आयोजित करण्यात आली आहे. प्रत्येक स्पर्धकाने रक्तदान या विषयावर एकच पोस्टर तयार करून रक्तपेढीच्या पत्त्यावर २० सप्टेंबरपर्यंत जमा करायचे आहेत. पोस्टर घोषवाक्यासहीत असावे. स्पर्धेनंतर सर्व पोस्टर हे संस्थेकडे जमा करण्यात येणार आहे. या स्पर्धेतील विजयी स्पर्धकांना योग्य ते बक्षीस, प्रशस्तीपत्रक देण्यात येणार आहे.
अध्यक्षपदी विशाल पवार
नगर : अहमदनगर कडबा ऊस असोसिएशनच्या अध्यक्षपदी विशाल पवार, उपाध्यक्षपदी अप्पासाहेब बारसे यांची निवड झाली आहे. सचिवपदी निजाम सय्यद, खजिनदारपदी सागर औसरकर यांची निवड झाली. या वेळी बाळासाहेब दरेकर, संजय बोठे, सुनील बेरड, राजेंद्र पवार, विनोद पवार, सुधीर खिळे, कांतीलाल दळवी, संदीप धाडगे, शिवाजीराव विधाते, सुनील वरकड, देवा फुलसौंदर, पांडुरंग गाडळकर, संदीप दळवी, सचिन माने आदी उपस्थित होते.
सप्ताहाची सांगता
नगर : नगर तालुक्यातील पोखर्डी येथे अखंड हरिनाम सप्ताह व ज्ञानेश्वरी पारायणाची सांगता झाली. या वेळी दुर्गाप्रसाद तिडके महाराज यांचे कीर्तन झाले. त्यांनी काला म्हणजे काय तो कशासाठी करावा लागतो, त्याचे महत्त्व प्रत्यक्ष भगवंताला, संताना किती होते, याबाबत विवेचन केले. आमदार शिवाजी कर्डिले यांच्या हस्ते दीपप्रज्वलन होऊन ज्ञानेश्वरी पारायण सोहळ्याची सांगता झाली. गोपाळकाल्याला सकाळी ग्रंथ मिरवणूक काढण्यात आली. या वेळी महादेव मोटे, अनंत म्हस्के, जनार्धन पोकळे उपस्थित होते.