श्रीगोंदा नगराध्यक्षपदी पोटे

म. टा. वृत्तसेवा, श्रीगोंदा श्रीगोंदाच्या नगराध्यक्षपदी मनोहर पोटे व उपनगराध्यक्षपदी अर्चना राजेंद्र गोरे यांची बिनविरोध निवड झाली. पोटे यांनी जगताप गटाचे फक्कड मोटे यांचा ५ मतांनी पराभव केला. प्रांताधिकारी संजय भोर यांच्या अध्यक्षेतेखाली व मुख्याधिकारी धनंजय कोळेकर यांच्या उपस्थितीत शनिवारी दुपारी नगराध्यक्ष निवडीची प्रक्रिया सुरू झाली. नगराध्यक्षपदाचे उमेदवार मनोहर पोटे यांच्या बाजूने १८ पैकी ११ तर फक्कड मोटे यांच्या बाजूने ७ नगरसेवकांनी हात वरती करून कौल दिला. मोटे यांचेपेक्षा पोटे यांना ५ मते अधिक मिळाल्याने पोटे यांची नगराध्यक्षपदी निवड झाल्याचे जाहीर केले. या निवडणुकीत नागवडे गटातील ३ मते फुटल्याने मोटे यांना सात मते मिळाली. नगराध्यक्ष निवडीनंतर लगेच उपनगराध्यक्ष पदासाठी निवडणूक प्रक्रिया सुरू केली. उपनगराध्यक्ष पदासाठी संगीता खेतमाळीस, अर्चना गोरे व मावळते उपनगराध्यक्ष अख्तर शेख यांनी उमेदवारी अर्ज दाखल केले होते. मात्र शेख व खेतमाळीस यांनी उमेदवारी अर्ज मागे घेतल्यामुळे अर्चना गोरे यांची उपनगराध्यक्षपदी बिनविरोध निवड झाल्याचे भोर यांनी जाहीर केले.

पालिकेची सत्ता पाचपुते गटाकडे

माजी मंत्री पाचपुते गटाचे ताब्यात असलेली नगरपालिकेची सत्ता हस्तगत करण्यासाठी जगताप गटाने कंबर कसली होती. नागवडे गटातील ३ नगरसेवक फोडण्यामध्ये जगताप गटाला यशही आले. मात्र, नागवडे गटातील २ नगरसेवकांनी शहर विकास आघाडीत राहून पोटे यांच्या बाजूने कौल दिल्यामुळे जगताप गटाच्या हातून पालिकेची सत्ता गेली व नागवडे गटाच्या दोन नगरसेवकांच्या बळावर पाचपुते गटाला पालिकेची सत्ता ताब्यात ठेवण्यास मदत झाली.