प्रकाश बर्डे यांचे निधन
नगर : संगमनेरच्या सांस्कृतिक क्षेत्रातील व्यक्तीमत्व प्रकाश बर्डे यांचे सोमवारी सकाळी पुण्यात अल्पशा आजाराने निधन झाले. राज्यात परिचित असलेल्या कवी अनंत फंदी व्याख्यानमालेचे संयोजक म्हणूनही त्यांची ओळख होती. गेली साडेतीन दशके अथक मेहनत करून बर्डे यांनी ही व्याख्यानमला नावारूपाला आणली होती. स्वरसंगम संगीत प्रसारक मंडळ, संगमनेर इतिहास संशोधन मंडळ अशा अनेक संस्थांशी त्यांचा नजीकचा संबंध होता. उत्तम हार्मोनियम वादक, फर्डे वक्ते, निवेदक आणि अनेक कार्यक्रमांचे आयोजक असलेल्या बर्डे यांना मान्यवरांनी श्रद्धांजली अर्पण केली.