नगर : भिंगार कँटोन्मेंट बोर्डच्या नगरसेवकांची मुदत येत्या जानेवारीमध्ये संपुष्टात येत असल्याने प्रशासनाकडून निवडणुकीची तयारी सुरू करण्यात आली आहे. या निवडणुकीची मतदार नोंदणीची प्रक्रियाही पूर्ण झाली असून निवडणुकीसाठी लवकरच आरक्षण सोडत काढण्यात येणार आहे. भिंगार कँटोन्मेंट बोर्डच्या विद्यमान नगरसेवकांची मुदत जानेवारीमध्ये संपत आहे. या निवडणुकीसाठी महिला आरक्षणाची सोडत गुरुवारी (५ डिसेंबरला) काढण्यात येणार होती. परंतु आरक्षण काढण्याची प्रक्रिया काही कारणास्तव पुढे ढकलण्यात आली आहे. आरक्षण काढण्यापूर्वी बोर्डाच्या नगरसेवकांची बैठक घेण्यात येणार असल्याचे समजते. त्यानंतरच महिला राखीवच्या प्रभागासाठी सोडत काढली जाण्याची शक्यता आहे. या निवडणुकीसाठी मतदार नोंदणीची प्रक्रिया पूर्ण झाली आहे.
भिंगार कँटोन्मेंट निवडणुकीची तयारी
भिंगार कँटोन्मेंट बोर्डच्या नगरसेवकांची मुदत येत्या जानेवारीमध्ये संपुष्टात येत असल्याने प्रशासनाकडून निवडणुकीची तयारी सुरू करण्यात आली आहे...
महाराष्ट्र टाइम्स.कॉम 6 Dec 2019, 4:00 am