म. टा. वृत्तसेवा, नेवासे
पोलिस असल्याचे भासवून चोरट्याने व्यापाऱ्याची ९ लाख रुपये किमतीची गाडी व चार लाख रुपये रोख असा एकूण तेरा लाख रुपयांचा ऐवज चोरून नेला. ही घटना रविवारी सायंकाळी नेवासे फाटा परिसरात घडली. या घटनेने परिसरात खळबळ उडाली आहे. या प्रकरणी व्यापारी युनूस बुगण शेख (रा. वळण, ता. राहुरी) यांनी दिलेल्या फिर्यादीवरून नेवासा पोलिसांनी गुन्हा दाखल केला आहे.
रविवारी नेवासा भागातील कापूस व्यापाऱ्यांना देण्यासाठी शेख कारमधून पाच लाख रुपये घेऊन आले होते. नेवासा खुर्द भागातील व्यापाऱ्यांकडे कापसाची गाडी भरत होती; मात्र, कापूस कमी पडल्याने उस्थळदुमाला येथील व्यापाऱ्यांकडे कापसाची बोलणी करून कापसापोटी त्यांना १ लाख रुपये दिले व पुन्हा नेवासे फाटा येथून नेवाशाकडे येण्यासाठी शेख निघाले असता रस्त्याच्या कडेला हेल्मेट घालून मोटारसायकलवर बसलेल्या एक इसमाने गाडीला हात करून बाजूला लावण्याचा इशारा करून थांबण्यास सांगितले. त्यांच्या अंगातील कपड्यावरून वाहतूक पोलिस असल्याचे वाटल्याने शेख यांनी गाडीचा वेग कमी केला; मात्र, त्याच्याजवळ जात असताना हा पोलिस नसावा, असा संशय आल्याने गाडीचा वेग पुन्हा वाढविला. त्यानंतर संबंधित व्यक्तीने मोटारसायकलवरून शेख यांचा पाठलाग करून गाडी बाजूला लावायला सांगितले. गाडी चालवताना फोनवर बोलतो, असे म्हणत गाडीच्या मागे दुचाकी लावून लायसन्स व कागदपत्रांची मागणी शेख यांच्याकडे केली. लायसन्स नाही, असे सांगताच गाडी पोलिस ठाण्यात न्यावी लागेल, असे म्हणत त्या व्यक्तीने वाहनाचा ताबा घेतला. त्यानंतर गाडी घेऊन भरधाव नेवाशाच्या दिशेने निघून गेल्याचे शेख यांनी फिर्यादीत म्हटले आहे. पोलिस उपनिरीक्षक प्रमोद भिंगारे तपास करीत आहेत.
पोलिस असल्याचे भासवून चोरट्याने व्यापाऱ्याची ९ लाख रुपये किमतीची गाडी व चार लाख रुपये रोख असा एकूण तेरा लाख रुपयांचा ऐवज चोरून नेला. ही घटना रविवारी सायंकाळी नेवासे फाटा परिसरात घडली. या घटनेने परिसरात खळबळ उडाली आहे. या प्रकरणी व्यापारी युनूस बुगण शेख (रा. वळण, ता. राहुरी) यांनी दिलेल्या फिर्यादीवरून नेवासा पोलिसांनी गुन्हा दाखल केला आहे.
रविवारी नेवासा भागातील कापूस व्यापाऱ्यांना देण्यासाठी शेख कारमधून पाच लाख रुपये घेऊन आले होते. नेवासा खुर्द भागातील व्यापाऱ्यांकडे कापसाची गाडी भरत होती; मात्र, कापूस कमी पडल्याने उस्थळदुमाला येथील व्यापाऱ्यांकडे कापसाची बोलणी करून कापसापोटी त्यांना १ लाख रुपये दिले व पुन्हा नेवासे फाटा येथून नेवाशाकडे येण्यासाठी शेख निघाले असता रस्त्याच्या कडेला हेल्मेट घालून मोटारसायकलवर बसलेल्या एक इसमाने गाडीला हात करून बाजूला लावण्याचा इशारा करून थांबण्यास सांगितले. त्यांच्या अंगातील कपड्यावरून वाहतूक पोलिस असल्याचे वाटल्याने शेख यांनी गाडीचा वेग कमी केला; मात्र, त्याच्याजवळ जात असताना हा पोलिस नसावा, असा संशय आल्याने गाडीचा वेग पुन्हा वाढविला. त्यानंतर संबंधित व्यक्तीने मोटारसायकलवरून शेख यांचा पाठलाग करून गाडी बाजूला लावायला सांगितले. गाडी चालवताना फोनवर बोलतो, असे म्हणत गाडीच्या मागे दुचाकी लावून लायसन्स व कागदपत्रांची मागणी शेख यांच्याकडे केली. लायसन्स नाही, असे सांगताच गाडी पोलिस ठाण्यात न्यावी लागेल, असे म्हणत त्या व्यक्तीने वाहनाचा ताबा घेतला. त्यानंतर गाडी घेऊन भरधाव नेवाशाच्या दिशेने निघून गेल्याचे शेख यांनी फिर्यादीत म्हटले आहे. पोलिस उपनिरीक्षक प्रमोद भिंगारे तपास करीत आहेत.