येत्या ३ मे रोजी आयोजन
म. टा. प्रतिनिधी, नगर
ऑल इंडिया फेडरेशन ऑफ मास्टर प्रिंटर्स आणि अहमदनगर प्रेस अँड अलाईड ओनर्स असोसिएशनतर्फे येत्या ३ मो रोजी नगरला प्रिंटिंग व्यावसायिकांचा मेळावा येथील नगर-मनमाड रस्त्यावरील हॉटेल संजोगमध्ये दुपारी २ ते रात्री १० या वेळेत होणार आहे.
मुद्रण व्यवसायातील सद्यस्थितीतील विविध घडामोडींचा आढावा घेण्यासाठी या मेळाव्याचे आयोजन करण्यात आले आहे. मुद्रण व्यवसायाचे भवितव्य, सद्यस्थिती, भविष्यात होणारे बदल व अन्य अनुषंगिक विषयांवर मुद्रण व्यवसायातील तज्ज्ञांची व्याख्याने या वेळी होणार असून, मुद्रण व्यवसायातील अत्याधुनिक तंत्रज्ञान, मार्केटिंग, व्यवस्थापन आणि इतर अनेक विषयांवर अनुभव कथनही होणार आहे.
महाराष्ट्र मुद्रण परिषद, दि पूना प्रेस ओनर्स असोसिएशन, सोलापूर मुद्रक संघ, औरंगाबाद मुद्रक संघ, मुंबई मुद्रक संघ तसेच बुलडाणा, लातूर, शिरुर, फलटण, पंढरपूर, अकोला, इचलकरंजी, नाशिक, सातारा, सांगली, कोल्हापूर, ठाणे, पनवेल, डोंबीवली, श्रीगोंदा, श्रीरामपूर आदी ठिकाणच्या मुद्रण संघटनांचे सदस्य या मेळाव्यात सहभागी होणार आहेत. 'महाराष्ट्राची लोककला' हा सांस्कृतिक कार्यक्रमही या वेळी होणार आहे. अध्यक्ष गिरीश बच्चा यांच्यासह विनय छाजेड, मनोज बनकर, मुकुंद दळवी, पोपट शेळके व अन्य सदस्यांनी नियोजन केले आहे.