म. टा. वृत्तसेवा, पाथर्डी
खेळाडू आपला खेळ करत असताना त्याला विजयाचे शिखर पार करण्यासाठी स्वतःमध्ये जिद्द व आपल्या चाहत्यांच्या पाठबळाची नितांत गरज लागते. चाहत्यांच्या पाठबळावरच ध्येय गाठण्याचे बळ मिळते, असे प्रतिपादन प्रो कबड्डी लीग सिझन ५ मधील यु मुंबा टीमचा स्टार खेळाडू श्रीकांत जाधव याने केले.
प्रो कबड्डी लीग सिझन ५ मध्ये यु मुंबा टीमकडून खेळताना उत्कृष्ट कामगिरी करून टीमला विजय मिळवून देणारा यु मुंबाचा स्टार खेळाडू व पाथर्डी तालुक्यातील दहीगाव ने गावचा सुपुत्र श्रीकांत जाधव याचा दहीगाव ने ग्रामस्थांच्या वतीने नुकताच नागरी सत्कार करण्यात आला. त्या वेळी सत्काराला उत्तर देताना श्रीकांत बोलत होता. कृष्णदेव महाराज काळे अध्यक्षस्थानी होते. प्रमुख पाहुण्या नगर जिल्हा परिषदेच्या उपाध्यक्षा राजश्री घुले यांच्या हस्ते श्रीकांत जाधवचा सन्मानपत्र व स्मृतीचिन्ह व दहीगाव ने भूषण पुरस्कार देऊन सहकुटुंब सन्मान करण्यात आला. आपल्या खेळाप्रती एकनिष्ट राहून ध्येय डोळ्यासमोर ठेवून चिकाटीने खेळ करत ध्येय गाठावे व आपल्या खेळात प्रगती करत स्वतः बरोबर आपल्या गावाचा नावलौकिक वाढवावा, अशा शुभेच्छा राजश्री घुले यांनी दिल्या.
मातीतल्या या हिऱ्याला ओळखत त्याला पैलू पडण्याचे काम विद्यार्थी दशेतील त्याचे शिक्षक शिवाजी वाबळे यांनी केले. तर श्रीकांतची कबड्डी खेळातील आवड ओळखत त्याला प्रोत्साहन देणारे वडील दत्तात्रय यांनी वडिलकीच्या नात्याने त्यांचे कर्त्यव्य पार पाडले आहे. आज ग्रामीण भागातील हा खेळाडू देशात नावलौकिक मिळवत असल्याने तो गावाचे भूषण असल्याचे मत राष्ट्रवादी डॉक्टर सेलचे जिल्हाध्यक्ष डॉ. अरुण पवार यांनी व्यक्त केले. परिसरातील गावामधील स्पोर्ट क्लब, ग्रामपंचायत व मित्रपरिवाराकडून या वेळी श्रीकांतचा सन्मान करण्यात आला.
चौकट ः
जुबेर शेख आणि श्रीकांत जाधव
या पूर्वी दहीगाव नेचा सुपुत्र जुबेर शेख याने शरीरसौष्ठवमध्ये देश पातळीवर नाव लौकिक मिळवत अनेक पुरस्कार प्राप्त केले. त्यानंतर आता श्रीकांत जाधव हा प्रो कबड्डीमध्ये चमकदार कामगिरी करून आपल्या यु मुंबा टीमबरोबर महाराष्ट्रासह दहीगाव ने गावाचा नावलौकिक राष्ट्रीय पातळीवर वाढवणारा दुसरा खेळाडू ठरला आहे.
खेळाडू आपला खेळ करत असताना त्याला विजयाचे शिखर पार करण्यासाठी स्वतःमध्ये जिद्द व आपल्या चाहत्यांच्या पाठबळाची नितांत गरज लागते. चाहत्यांच्या पाठबळावरच ध्येय गाठण्याचे बळ मिळते, असे प्रतिपादन प्रो कबड्डी लीग सिझन ५ मधील यु मुंबा टीमचा स्टार खेळाडू श्रीकांत जाधव याने केले.
प्रो कबड्डी लीग सिझन ५ मध्ये यु मुंबा टीमकडून खेळताना उत्कृष्ट कामगिरी करून टीमला विजय मिळवून देणारा यु मुंबाचा स्टार खेळाडू व पाथर्डी तालुक्यातील दहीगाव ने गावचा सुपुत्र श्रीकांत जाधव याचा दहीगाव ने ग्रामस्थांच्या वतीने नुकताच नागरी सत्कार करण्यात आला. त्या वेळी सत्काराला उत्तर देताना श्रीकांत बोलत होता. कृष्णदेव महाराज काळे अध्यक्षस्थानी होते. प्रमुख पाहुण्या नगर जिल्हा परिषदेच्या उपाध्यक्षा राजश्री घुले यांच्या हस्ते श्रीकांत जाधवचा सन्मानपत्र व स्मृतीचिन्ह व दहीगाव ने भूषण पुरस्कार देऊन सहकुटुंब सन्मान करण्यात आला. आपल्या खेळाप्रती एकनिष्ट राहून ध्येय डोळ्यासमोर ठेवून चिकाटीने खेळ करत ध्येय गाठावे व आपल्या खेळात प्रगती करत स्वतः बरोबर आपल्या गावाचा नावलौकिक वाढवावा, अशा शुभेच्छा राजश्री घुले यांनी दिल्या.
मातीतल्या या हिऱ्याला ओळखत त्याला पैलू पडण्याचे काम विद्यार्थी दशेतील त्याचे शिक्षक शिवाजी वाबळे यांनी केले. तर श्रीकांतची कबड्डी खेळातील आवड ओळखत त्याला प्रोत्साहन देणारे वडील दत्तात्रय यांनी वडिलकीच्या नात्याने त्यांचे कर्त्यव्य पार पाडले आहे. आज ग्रामीण भागातील हा खेळाडू देशात नावलौकिक मिळवत असल्याने तो गावाचे भूषण असल्याचे मत राष्ट्रवादी डॉक्टर सेलचे जिल्हाध्यक्ष डॉ. अरुण पवार यांनी व्यक्त केले. परिसरातील गावामधील स्पोर्ट क्लब, ग्रामपंचायत व मित्रपरिवाराकडून या वेळी श्रीकांतचा सन्मान करण्यात आला.
चौकट ः
जुबेर शेख आणि श्रीकांत जाधव
या पूर्वी दहीगाव नेचा सुपुत्र जुबेर शेख याने शरीरसौष्ठवमध्ये देश पातळीवर नाव लौकिक मिळवत अनेक पुरस्कार प्राप्त केले. त्यानंतर आता श्रीकांत जाधव हा प्रो कबड्डीमध्ये चमकदार कामगिरी करून आपल्या यु मुंबा टीमबरोबर महाराष्ट्रासह दहीगाव ने गावाचा नावलौकिक राष्ट्रीय पातळीवर वाढवणारा दुसरा खेळाडू ठरला आहे.