म. टा. प्रतिनिधी, नगर
तंबाखू, मावा, असे पदार्थ खाऊन थुंकल्यामुळे सार्वजनिक ठिकाणी अस्वच्छतेची समस्या गंभीर बनत आहे. विशेष म्हणजे शहरातील बहुतांश सरकारी कार्यालयात देखील जिन्याखाली, खिडकीवर, अशा विविध ठिकाणी तंबाखू खाऊन थुंकल्यामुळे परिसर घाण झाला आहे. सार्वजनिक ठिकाणी अस्वच्छता करणाऱ्या अशा नागरिकांवर नियंत्रण ठेवण्यासाठी विविध उपाययोजना करण्याचे आव्हानच या निमित्ताने
उभे राहिले आहे.
३१ मे हा दिवस ‘जागतिक तंबाखू विरोधी दिन’ म्हणून साजरा करण्यात येतो. या निमित्ताने शहरातील सार्वजनिक ठिकाणी तसेच काही सरकारी कार्यालयांच्या आवारात पाहणी केली असता, या परिसरात तंबाखूजन्य पदार्थ खाऊन थुंकत असल्यामुळे सर्रास परिसरात अस्वच्छता होत असल्याचे दिसून आले. शहरातील जिल्हा परिषद इमारतीमध्ये प्रवेश केल्यानंतर पहिल्याच मजल्यावर पाण्याच्या कुलरजवळ तंबाखूजन्य पदार्थ खाऊन थुंकल्यामुळे भिंती लाल झाल्याचे आढळते. तसेच जिल्हा परिषदेच्या जुन्या इमारतीमध्येही ठिकठिकाणी थुंकल्यामुळे घाण झाली आहे. विशेष म्हणजे या इमारतीमध्ये शिक्षण विभाग आहे. येथे ‘स्वच्छता राखा, गुळणा करू नये-थंकू नये,’ असा बोर्ड देखील लावण्यात आला आहे. परंतु त्यानंतरही येथील समस्या सुटली नसल्याचे दिसून आले. महावितरण कार्यालयाच्या जिन्याच्या भिंतीही तंबाखूजन्य पदार्थ खाऊन थुंकल्यामुळे रंगल्या आहेत. जिन्याच्या काही भागामध्ये तर तंबाखूचा खच साचला आहे. त्यामुळे येथील समस्याही सोडण्याचे आव्हान अधिकारी व कर्मचाऱ्यांसमोर आहे.
पोलिसांच्या तोंडात तंबाखूचा ‘बुकणा’
तंबाखू, मावा खाणे शरिराला घातक असले तरी अनेक पोलिस कर्मचाऱ्यांच्या तोंडात तंबाखूचा बुकणा असतो. पोलिस स्टेशनमध्ये काम करत असताना ते तंबाखूचे सेवण करतात. पोलिस स्टेशनच्या आवारात नागरिकांनी तंबाखू खावून थुंकू नये, अशा सूचना लावलेल्या असतात. परंतू खुद्द पोलिस कर्मचारी तंबाखू खाऊन आवारात थुंकतात.
पोलिस कर्मचाऱ्यांमध्ये तंबाखू, मावाचे व्यसन आहे. कामाचे तास निश्चित नसल्याने तास-तास पोलिस स्टेशनला थांबणे, रात्रभर गस्त घालणे, सण उत्सवाच्या काळात गस्तीवर ठिकाणी बारा तास ड्युटी पोलिसांना करावी लागते. त्यात पोलिस तंबाखू सारख्या व्यसनाला जवळ करतात. एकदा सवय लागल्यानंतर ही सवय सुटत नाही. त्याचा आरोग्यावर दुष्पपरिणाम होतो. पोलिस स्टेशनमध्ये असलेल्या ठाणेअंमलदार तंबाखूचा बुकणा तोंडात धरूनच तक्रार देण्यासाठी येणाऱ्याशी संवाद साधतो. हे कर्मचारी पोलिस स्टेशनच्या खिडक्यात, शौचालयाच्या कोपऱ्यात जावून थुंकून परिसर घाण करतात. शहरातील तीन ही पोलिस स्टेशनमध्ये पोलिस स्टेशनच्या आवारात थुंकू नये, अशा सूचना पोलिस अधिकाऱ्यांकडून लावण्यात आलेल्या आहेत. परंतु पोलिस कर्मचारीच या सूचना पाळत नसल्याचे दिसून येत आहे. तर कर्मचाऱ्यांबरोबर काही अधिकाऱ्यांना तंबाखू, मावाचे व्यसन जडलेले आहे.
मध्यतंरी तीन महिन्यांपूर्वी मुख्यालयात पोलिस कुटुंब कल्याण विभागाकडून पोलिस कर्मचाऱ्यांची आरोग्य तपासणी करण्यात आली होती. त्याचबरोबर व्यसनमुक्तीचे शिबिर घेण्यात आले होते. तर काही जणांनी तंबाखू सोडून दिली होती. परंतु काही कर्मचाऱ्यांची तंबाखू सेवण सुरूच आहे. पोलिस सेवेत जुने असलेले पोलिस कर्मचारी तंबाखू खातात. तर काही वर्षांपूर्वीत दाखल झालेले पोलिस कर्मचारी बंदी असलेला मावा सेवन करतात. त्यांच्या खिशात तंबाखू व मावाच्या पुड्या असतात.
तंबाखू, मावा, असे पदार्थ खाऊन थुंकल्यामुळे सार्वजनिक ठिकाणी अस्वच्छतेची समस्या गंभीर बनत आहे. विशेष म्हणजे शहरातील बहुतांश सरकारी कार्यालयात देखील जिन्याखाली, खिडकीवर, अशा विविध ठिकाणी तंबाखू खाऊन थुंकल्यामुळे परिसर घाण झाला आहे. सार्वजनिक ठिकाणी अस्वच्छता करणाऱ्या अशा नागरिकांवर नियंत्रण ठेवण्यासाठी विविध उपाययोजना करण्याचे आव्हानच या निमित्ताने
उभे राहिले आहे.
३१ मे हा दिवस ‘जागतिक तंबाखू विरोधी दिन’ म्हणून साजरा करण्यात येतो. या निमित्ताने शहरातील सार्वजनिक ठिकाणी तसेच काही सरकारी कार्यालयांच्या आवारात पाहणी केली असता, या परिसरात तंबाखूजन्य पदार्थ खाऊन थुंकत असल्यामुळे सर्रास परिसरात अस्वच्छता होत असल्याचे दिसून आले. शहरातील जिल्हा परिषद इमारतीमध्ये प्रवेश केल्यानंतर पहिल्याच मजल्यावर पाण्याच्या कुलरजवळ तंबाखूजन्य पदार्थ खाऊन थुंकल्यामुळे भिंती लाल झाल्याचे आढळते. तसेच जिल्हा परिषदेच्या जुन्या इमारतीमध्येही ठिकठिकाणी थुंकल्यामुळे घाण झाली आहे. विशेष म्हणजे या इमारतीमध्ये शिक्षण विभाग आहे. येथे ‘स्वच्छता राखा, गुळणा करू नये-थंकू नये,’ असा बोर्ड देखील लावण्यात आला आहे. परंतु त्यानंतरही येथील समस्या सुटली नसल्याचे दिसून आले. महावितरण कार्यालयाच्या जिन्याच्या भिंतीही तंबाखूजन्य पदार्थ खाऊन थुंकल्यामुळे रंगल्या आहेत. जिन्याच्या काही भागामध्ये तर तंबाखूचा खच साचला आहे. त्यामुळे येथील समस्याही सोडण्याचे आव्हान अधिकारी व कर्मचाऱ्यांसमोर आहे.
पोलिसांच्या तोंडात तंबाखूचा ‘बुकणा’
तंबाखू, मावा खाणे शरिराला घातक असले तरी अनेक पोलिस कर्मचाऱ्यांच्या तोंडात तंबाखूचा बुकणा असतो. पोलिस स्टेशनमध्ये काम करत असताना ते तंबाखूचे सेवण करतात. पोलिस स्टेशनच्या आवारात नागरिकांनी तंबाखू खावून थुंकू नये, अशा सूचना लावलेल्या असतात. परंतू खुद्द पोलिस कर्मचारी तंबाखू खाऊन आवारात थुंकतात.
पोलिस कर्मचाऱ्यांमध्ये तंबाखू, मावाचे व्यसन आहे. कामाचे तास निश्चित नसल्याने तास-तास पोलिस स्टेशनला थांबणे, रात्रभर गस्त घालणे, सण उत्सवाच्या काळात गस्तीवर ठिकाणी बारा तास ड्युटी पोलिसांना करावी लागते. त्यात पोलिस तंबाखू सारख्या व्यसनाला जवळ करतात. एकदा सवय लागल्यानंतर ही सवय सुटत नाही. त्याचा आरोग्यावर दुष्पपरिणाम होतो. पोलिस स्टेशनमध्ये असलेल्या ठाणेअंमलदार तंबाखूचा बुकणा तोंडात धरूनच तक्रार देण्यासाठी येणाऱ्याशी संवाद साधतो. हे कर्मचारी पोलिस स्टेशनच्या खिडक्यात, शौचालयाच्या कोपऱ्यात जावून थुंकून परिसर घाण करतात. शहरातील तीन ही पोलिस स्टेशनमध्ये पोलिस स्टेशनच्या आवारात थुंकू नये, अशा सूचना पोलिस अधिकाऱ्यांकडून लावण्यात आलेल्या आहेत. परंतु पोलिस कर्मचारीच या सूचना पाळत नसल्याचे दिसून येत आहे. तर कर्मचाऱ्यांबरोबर काही अधिकाऱ्यांना तंबाखू, मावाचे व्यसन जडलेले आहे.
मध्यतंरी तीन महिन्यांपूर्वी मुख्यालयात पोलिस कुटुंब कल्याण विभागाकडून पोलिस कर्मचाऱ्यांची आरोग्य तपासणी करण्यात आली होती. त्याचबरोबर व्यसनमुक्तीचे शिबिर घेण्यात आले होते. तर काही जणांनी तंबाखू सोडून दिली होती. परंतु काही कर्मचाऱ्यांची तंबाखू सेवण सुरूच आहे. पोलिस सेवेत जुने असलेले पोलिस कर्मचारी तंबाखू खातात. तर काही वर्षांपूर्वीत दाखल झालेले पोलिस कर्मचारी बंदी असलेला मावा सेवन करतात. त्यांच्या खिशात तंबाखू व मावाच्या पुड्या असतात.