म. टा. वृत्तसेवा, कर्जत
पुणे येथील शेखर लक्ष्मण पाचवे (वय २५) या तरुणाचा निर्घृण खून करून त्याचा मृतदेह नगर जिल्ह्यातील कर्जत तालुक्यातील तुकाईचा डोंगर येथे आणून टाकण्यात आला होता. पुणे येथील पोलिसांनी कर्जत पोलिसांच्या मदतीने दोन आरोपींना पकडून मृतदेह ताब्यात घेतला. हा खून अनैतिक संबंधांच्या कारणावरून करण्यात आल्याचे बोलले जात आहे.
या बाबत समजलेली माहिती अशी की, शेखर लक्ष्मण पाचवे (वय २५, रा. चिंचवडे, ता. मुळशी, जि. पुणे) याचे २२ ऑक्टोबर रोजी अपहरण करण्यात आले होते, तशी तक्रार त्याचा भाऊ बसवराज लक्ष्मण पाचवे यांनी कोथरूड पोलिस स्टेशन येथे दिली होती. त्यांच्या फिर्यादीवरून पोलिसांनी सौरभ कंधारे (वय २४) व प्रमोद दगडू वाघ (वय २६, दोघेही रा. चिंचवडे, ता. मुळशी, जि. पुणे) यांना सोमवारी (२३ ऑक्टोबर) रात्री संशयित म्हणून अटक केली होती. काही साक्षीदारांनीही शेखर पावचे यास संशयित आरोपी सौरभ कंधारे व प्रमोद वाघ यांच्यासोबत चारचाकी गाडीमध्ये पाहिले होते. त्यानंतर मात्र शेखर कोणालाच दिसला नव्हता.
पेलिसांनी संशयित म्हणून अटक केलेल्या सौरभ कंधारे व प्रमोद वाघ यांच्याकडे शेखरची चौकशी केली; मात्र, त्यांनी सुरुवातीला दाद दिली नाही; मात्र, नंतर पोलिसानी खरे काय, याची माहिती त्यांच्याकडून मिळविली. आरोपींनी शेखर पाचवे याचे अपहरण करून त्याचा निर्घृण खून केल्याची कबुली दिली व मृतदेह कर्जत तालुक्यात टाकून दिल्याची माहिती दिली. यावर पोलिस निरीक्षक एस. व्ही. फुगे यांच्या मार्गदर्शनाखाली पोलिस उपनिरीक्षक दिंगाबर जाखडे व अभिजित जोगंदड आणि पोलिस नाईक मिलींद कदम आणि इतर कर्मचाऱ्यांसह मंगळवारी (२४ ऑक्टोबर) सकाळी पावणेआठच्या सुमारास कर्जत येथे आले. त्यानंतर कर्जतचे पोलिस निरीक्षक वंसत भोये यांना भेटून त्यांना माहिती दिली. यांनतर कर्जतचे काही पोलिस कर्मचारी आरोपी सौरभ कंधारे व प्रमोद वाघ यांच्याबरोबर तुकाईचा डोंगर या परिसरात आले आणि तेथून शेखरचा मृतदेह पोलिसांनी ताब्यात घेतला. त्यानंतर कर्जत येथील उपजिल्हा रुग्णालयात मृतदेहाचे शवविच्छेदन करण्यात आले.
शेखर पाचवे याच्यावर डोक्यापासून मानेपर्यंत पाच वार होते व हे सर्व वार ऊस तोडणीसाठी वापरण्यात येणाऱ्या कोयत्याच्या साहाय्याने करण्यात आले होते. याशिवाय खांदा, हात, छाती, पाय असे एकूण १४ वार त्याच्या अंगावर होते. हा खून अनैतिक संबंधांच्या कारणावरून करण्यात आल्याचे बोलले जात आहे.
पुणे येथील शेखर लक्ष्मण पाचवे (वय २५) या तरुणाचा निर्घृण खून करून त्याचा मृतदेह नगर जिल्ह्यातील कर्जत तालुक्यातील तुकाईचा डोंगर येथे आणून टाकण्यात आला होता. पुणे येथील पोलिसांनी कर्जत पोलिसांच्या मदतीने दोन आरोपींना पकडून मृतदेह ताब्यात घेतला. हा खून अनैतिक संबंधांच्या कारणावरून करण्यात आल्याचे बोलले जात आहे.
या बाबत समजलेली माहिती अशी की, शेखर लक्ष्मण पाचवे (वय २५, रा. चिंचवडे, ता. मुळशी, जि. पुणे) याचे २२ ऑक्टोबर रोजी अपहरण करण्यात आले होते, तशी तक्रार त्याचा भाऊ बसवराज लक्ष्मण पाचवे यांनी कोथरूड पोलिस स्टेशन येथे दिली होती. त्यांच्या फिर्यादीवरून पोलिसांनी सौरभ कंधारे (वय २४) व प्रमोद दगडू वाघ (वय २६, दोघेही रा. चिंचवडे, ता. मुळशी, जि. पुणे) यांना सोमवारी (२३ ऑक्टोबर) रात्री संशयित म्हणून अटक केली होती. काही साक्षीदारांनीही शेखर पावचे यास संशयित आरोपी सौरभ कंधारे व प्रमोद वाघ यांच्यासोबत चारचाकी गाडीमध्ये पाहिले होते. त्यानंतर मात्र शेखर कोणालाच दिसला नव्हता.
पेलिसांनी संशयित म्हणून अटक केलेल्या सौरभ कंधारे व प्रमोद वाघ यांच्याकडे शेखरची चौकशी केली; मात्र, त्यांनी सुरुवातीला दाद दिली नाही; मात्र, नंतर पोलिसानी खरे काय, याची माहिती त्यांच्याकडून मिळविली. आरोपींनी शेखर पाचवे याचे अपहरण करून त्याचा निर्घृण खून केल्याची कबुली दिली व मृतदेह कर्जत तालुक्यात टाकून दिल्याची माहिती दिली. यावर पोलिस निरीक्षक एस. व्ही. फुगे यांच्या मार्गदर्शनाखाली पोलिस उपनिरीक्षक दिंगाबर जाखडे व अभिजित जोगंदड आणि पोलिस नाईक मिलींद कदम आणि इतर कर्मचाऱ्यांसह मंगळवारी (२४ ऑक्टोबर) सकाळी पावणेआठच्या सुमारास कर्जत येथे आले. त्यानंतर कर्जतचे पोलिस निरीक्षक वंसत भोये यांना भेटून त्यांना माहिती दिली. यांनतर कर्जतचे काही पोलिस कर्मचारी आरोपी सौरभ कंधारे व प्रमोद वाघ यांच्याबरोबर तुकाईचा डोंगर या परिसरात आले आणि तेथून शेखरचा मृतदेह पोलिसांनी ताब्यात घेतला. त्यानंतर कर्जत येथील उपजिल्हा रुग्णालयात मृतदेहाचे शवविच्छेदन करण्यात आले.
शेखर पाचवे याच्यावर डोक्यापासून मानेपर्यंत पाच वार होते व हे सर्व वार ऊस तोडणीसाठी वापरण्यात येणाऱ्या कोयत्याच्या साहाय्याने करण्यात आले होते. याशिवाय खांदा, हात, छाती, पाय असे एकूण १४ वार त्याच्या अंगावर होते. हा खून अनैतिक संबंधांच्या कारणावरून करण्यात आल्याचे बोलले जात आहे.