म.टा. प्रतिनिधी, शिर्डी
शिर्डीपासून २५ कि.मी. अंतरावर असलेल्या लोणी गावात एका सावकाराच्या घरावर दरोडेखोरांच्या टोळीने दरोडा टाकून कोट्यवधी रुपयांचा ऐवज लुटला. दरोडेखोरांनी धारदार हत्याराने डोक्यात घाव घातल्याने ७० वर्षाची वृद्ध महिला ठार झाली आहे. या घटनेने प्रवरा परिसरात मोठी घबराट पसरली आहे.
राजेंद्र पन्हालाल बोरा यांचा सावकारीचा व्यवसाय आहे. तसेच शेअर ब्रोकर म्हणूनही ते काम करतात. सोने तारण घेवून त्याबदल्यात रोखीने कर्ज देतात. बुधवारी सावकार राजेंद्र बोरा हे शेअर ब्रोकिंगच्या कामासाठी गावातील कार्यालयात होते. त्यांची पत्नी भाग्यश्री बोरा या मुलांना भेटण्यासाठी पुणे येथे गेल्याने घरी वृद्ध आई लीलाबाई या एकट्याच होत्या. ते हेरून दरोडेखोरांनी दुपारी ३ वाजेच्या सुमारास दरोडा टाकला. एका तीक्ष्ण हत्याराने लीलाबाई यांच्या डोक्यात घाव घातल्याने त्या जागीच कोसळल्या. त्या बेशुद्ध झाल्यावर दरोडेखोरांनी बंगल्यातील कपाटे उघडली व संपूर्ण ऐवज लुटला.
मिळालेल्या माहितीनुसार, रोख ५० लाख व एक कोटीचे सोने असा मोठा ऐवज लुटून दरोडेखोर पसार झाले आहेत. सावकार राजेंद्र बोरा घरी परतल्यावर बंगल्याचा दरवाजा बाहेरून बंद असल्याचे दिसले. कडी उघडून घरात प्रवेश करताच आई रक्ताच्या थारोळ्यात पडल्याचे त्यांना दिसले. त्यांनी लगेचच शेजारी तसेच नातेवाईकांना कळवून आईला प्रवरा हॉस्पिटलमध्ये नेले पण लीलाबाई यांचा तिथे उपचार घेताना मृत्यू झाला. या घटनेने लोणीसह संपूर्ण प्रवरा परिसरात एकच खळबळ उडाली आहे. घटनास्थळी श्वान पथक दाखल झाले असून श्रीरामपूरचे अप्पर पोलीस अधीक्षक रोहिदास पवार यांनीही घटनास्थळी भेट दिली. दरोडेखोरांच्या तपासासाठी पोलीस पथके विविध ठिकाणी पाठविण्यात आली आहेत.
शिर्डीपासून २५ कि.मी. अंतरावर असलेल्या लोणी गावात एका सावकाराच्या घरावर दरोडेखोरांच्या टोळीने दरोडा टाकून कोट्यवधी रुपयांचा ऐवज लुटला. दरोडेखोरांनी धारदार हत्याराने डोक्यात घाव घातल्याने ७० वर्षाची वृद्ध महिला ठार झाली आहे. या घटनेने प्रवरा परिसरात मोठी घबराट पसरली आहे.
राजेंद्र पन्हालाल बोरा यांचा सावकारीचा व्यवसाय आहे. तसेच शेअर ब्रोकर म्हणूनही ते काम करतात. सोने तारण घेवून त्याबदल्यात रोखीने कर्ज देतात. बुधवारी सावकार राजेंद्र बोरा हे शेअर ब्रोकिंगच्या कामासाठी गावातील कार्यालयात होते. त्यांची पत्नी भाग्यश्री बोरा या मुलांना भेटण्यासाठी पुणे येथे गेल्याने घरी वृद्ध आई लीलाबाई या एकट्याच होत्या. ते हेरून दरोडेखोरांनी दुपारी ३ वाजेच्या सुमारास दरोडा टाकला. एका तीक्ष्ण हत्याराने लीलाबाई यांच्या डोक्यात घाव घातल्याने त्या जागीच कोसळल्या. त्या बेशुद्ध झाल्यावर दरोडेखोरांनी बंगल्यातील कपाटे उघडली व संपूर्ण ऐवज लुटला.
मिळालेल्या माहितीनुसार, रोख ५० लाख व एक कोटीचे सोने असा मोठा ऐवज लुटून दरोडेखोर पसार झाले आहेत. सावकार राजेंद्र बोरा घरी परतल्यावर बंगल्याचा दरवाजा बाहेरून बंद असल्याचे दिसले. कडी उघडून घरात प्रवेश करताच आई रक्ताच्या थारोळ्यात पडल्याचे त्यांना दिसले. त्यांनी लगेचच शेजारी तसेच नातेवाईकांना कळवून आईला प्रवरा हॉस्पिटलमध्ये नेले पण लीलाबाई यांचा तिथे उपचार घेताना मृत्यू झाला. या घटनेने लोणीसह संपूर्ण प्रवरा परिसरात एकच खळबळ उडाली आहे. घटनास्थळी श्वान पथक दाखल झाले असून श्रीरामपूरचे अप्पर पोलीस अधीक्षक रोहिदास पवार यांनीही घटनास्थळी भेट दिली. दरोडेखोरांच्या तपासासाठी पोलीस पथके विविध ठिकाणी पाठविण्यात आली आहेत.