म. टा. प्रतिनिधी, नगर
गणेश विसर्जन मिरवणुकीच्या दृष्टीने पोलिस प्रशासन व स्थानिक प्रशासन यांची तयारी अंतिम टप्प्यात आली आहे. संवेदनशील पोलिस स्टेशनच्या हद्दीतील विसर्जन मिरवणुकीवर नजर ठेवण्यासाठी सीसीटीव्ही कॅमरे लावण्यात येत असून, शहरासह जिल्ह्यातील दहा पोलिस स्टेशनच्या हद्दीत तात्पुरते २६८ कॅमेरे बसविण्यात आले आहेत. पहिल्यांचा मिरवणुकीसाठी ही उपाययोजना करण्यात आली आहे.
नगर शहरातील कोतवाली, भिंगार या पोलिस स्टेशनबरोबरच ग्रामीण भागातील श्रीरामपूर, संगमनेर, जामखेड, कोपरगाव शहर, नेवासा हे पोलिस स्टेशन संवेदनशील आहे. या ठिकाणी उत्साहामध्ये वादावादी होऊन कायदा सुव्यवस्थेचा प्रश्न अनेक वेळा निर्माण झाला आहे. तर काही ठिकाणी जातीय दंगलीचा इतिहास आहे. या सर्व पोलिस स्टेशनच्या हद्दीत गणेश विसर्जन मिरवणुकीचा मार्ग, संवेदनशील ठिकाणे, विसर्जन ठिकाणे सीसीटीव्ही कॅमेऱे लावण्याचा निर्णय पोलिस अधीक्षक डॉ. सौरभ त्रिपाठी यांनी घेतला आहे. त्यानुसार नगर महानगरपालिका, नगरपालिका यांच्या मदतीने कॅमरे बसविण्यात येत आहे. विसर्जन मार्गावरील हालचाली पाहण्यासाठी ठिकठिकाणी स्क्रीन ही लावण्यात येणार असल्याने पोलिसांना सर्व हालचालीवर लक्ष ठेवता येणार आहे. कोतवाली पोलिस स्टेशनच्या हद्दीत ६०, तोफखाना हद्दीत २३, भिंगारला वीस कॅमरे, तर श्रीरामपूरला बारा, संगमनेरला २५, कोपरगाव शहरात तीन कॅमेरे बसविण्यात आले आहेत. ग्रामीण भागातील इतर पोलिस स्टेशनच्या हद्दीत तात्पुरते कॅमरे बसविण्यात आले आहे.
शहरातील तीन पोलिस स्टेशन व्यतिरिक्त कोपरगाव, श्रीरामपूर, संगमनेर, कोपरगाव शहर या पोलिस स्टेशनच्या वाहनांवर सीसीटीव्ही कॅमेरे बसविण्यात आले आहे. जिल्ह्यात पहिल्यांदाच गणेशोत्सवासाठी अशा उपाययोजना करण्यात आल्या आहेत. अतिरिक्त बंदोबस्तही देण्यात आला आहे.
गणेश विसर्जन मिरवणुकीच्या दृष्टीने पोलिस प्रशासन व स्थानिक प्रशासन यांची तयारी अंतिम टप्प्यात आली आहे. संवेदनशील पोलिस स्टेशनच्या हद्दीतील विसर्जन मिरवणुकीवर नजर ठेवण्यासाठी सीसीटीव्ही कॅमरे लावण्यात येत असून, शहरासह जिल्ह्यातील दहा पोलिस स्टेशनच्या हद्दीत तात्पुरते २६८ कॅमेरे बसविण्यात आले आहेत. पहिल्यांचा मिरवणुकीसाठी ही उपाययोजना करण्यात आली आहे.
नगर शहरातील कोतवाली, भिंगार या पोलिस स्टेशनबरोबरच ग्रामीण भागातील श्रीरामपूर, संगमनेर, जामखेड, कोपरगाव शहर, नेवासा हे पोलिस स्टेशन संवेदनशील आहे. या ठिकाणी उत्साहामध्ये वादावादी होऊन कायदा सुव्यवस्थेचा प्रश्न अनेक वेळा निर्माण झाला आहे. तर काही ठिकाणी जातीय दंगलीचा इतिहास आहे. या सर्व पोलिस स्टेशनच्या हद्दीत गणेश विसर्जन मिरवणुकीचा मार्ग, संवेदनशील ठिकाणे, विसर्जन ठिकाणे सीसीटीव्ही कॅमेऱे लावण्याचा निर्णय पोलिस अधीक्षक डॉ. सौरभ त्रिपाठी यांनी घेतला आहे. त्यानुसार नगर महानगरपालिका, नगरपालिका यांच्या मदतीने कॅमरे बसविण्यात येत आहे. विसर्जन मार्गावरील हालचाली पाहण्यासाठी ठिकठिकाणी स्क्रीन ही लावण्यात येणार असल्याने पोलिसांना सर्व हालचालीवर लक्ष ठेवता येणार आहे. कोतवाली पोलिस स्टेशनच्या हद्दीत ६०, तोफखाना हद्दीत २३, भिंगारला वीस कॅमरे, तर श्रीरामपूरला बारा, संगमनेरला २५, कोपरगाव शहरात तीन कॅमेरे बसविण्यात आले आहेत. ग्रामीण भागातील इतर पोलिस स्टेशनच्या हद्दीत तात्पुरते कॅमरे बसविण्यात आले आहे.
शहरातील तीन पोलिस स्टेशन व्यतिरिक्त कोपरगाव, श्रीरामपूर, संगमनेर, कोपरगाव शहर या पोलिस स्टेशनच्या वाहनांवर सीसीटीव्ही कॅमेरे बसविण्यात आले आहे. जिल्ह्यात पहिल्यांदाच गणेशोत्सवासाठी अशा उपाययोजना करण्यात आल्या आहेत. अतिरिक्त बंदोबस्तही देण्यात आला आहे.