युद्धामुळे पेट्रोल महागणार? नगरच्या वकिलांनी केली 'ही' तयारी

अहमदनगर: रशिया आणि युक्रेनच्या युद्धामुळे भारतात पेट्रोलचे भाव लवकरच दीडशे रुपयापर्यंत जाण्याची शक्यता आहे. त्यातून महागाईचा भडका होणार आहे. तसेच वाहनांमुळे होणाऱ्या प्रदुषणामुळे ग्लोबल वार्मिंगचे दुष्परिणाम भोगावे लागत आहे. त्यामुळे नगरच्या वकील संघाने पुढाकार घेत वकील सभासदांना बँकेच्या अर्थसहाय्यातून इलेक्ट्रिक स्कूटर उपलब्ध करून देण्याची योजना आखली आहे, अशी माहिती वकील संघाचे अध्यक्ष अ‍ॅड. अनिल सरोदे यांनी दिली.

वाचा: नवाब मलिक यांना मंत्रिमंडळातून काढा म्हणता, मग राणेंचं काय?; पवारांचा रोकडा सवाल

वकील पर्यावरणाचा खरा मित्र या उपक्रमांतर्गत न्यायालयाच्या आवारात इलेक्ट्रिक स्कूटरची वकिलांनी पाहणी केली. लवकरच किमान दोनशे वकिलांना ही ई स्कूटर उपलब्ध करून देणार असल्याचे सांगण्यात आले. यासंबंधी अॅड. सरोदे यांनी सांगितले, दिवसंदिवस पेट्रोल, डिझेलची दरवाढ होत आहे. वाहनांमुळे प्रदूषणही वाढत आहे. रशिया आणि युक्रेनच्या युद्धामुळे भारतात पेट्रोलचे भाव लवकरच दीडशे रुपयापर्यंत जाण्याची शक्यता आहे. त्यातून महागाईचा भडका होणार आहे. वाहनांच्या प्रदुषणामुळे ग्लोबल वार्मिंगचे दुष्परिणाम भोगावे लागत आहे. वकील संघाने पुढाकार घेऊन किमान दोनशे वकील सभासदांना बँकेच्या अर्थसहाय्यातून इलेक्ट्रिक स्कूटर उपलब्ध करून देण्याची योजना आखली आहे.
अ‍ॅड. कारभारी गवळी यांनी सांगितले की, शहरात ई स्कूटरचा वापर वाढल्यास प्रदुषणमुक्त शहर होण्यास मदत होणार आहे. यामध्ये वकिलांचे मोठे योगदान राहणार आहे.यासाठी ई स्कूटरच्या कंपन्यांशी चर्चा सुरु आहे. लवकरच ही योजना कार्यान्वीत केली जाणार आहे. पर्यावरणाचे प्रश्‍न गांभीर्य जनतेला समजण्यासाठी वकील मंडळी समाजासमोर एक नवीन आदर्श निर्माण करणार असल्याचे त्यांनी सांगितले.

वाचा: पुणे दौऱ्यावरून शरद पवारांचा मोदींना टोला; म्हणाले, अर्धवट कामाच्या...

वकील पर्यावरणाचा खरा मित्र व दिवंगत वकिलांच्या स्मरणिकेसाठी वकील संघाचे अध्यक्ष अ‍ॅड. अनिल सरोदे, अ‍ॅड. किशोर देशपांडे, अ‍ॅड. नरेश गुगळे, अ‍ॅड. कारभारी गवळी, अ‍ॅड. बाळासाहेब पवार, अ‍ॅड. अशोक कोठारी, उपाध्यक्ष अ‍ॅड. संदीप वांढेकर, अ‍ॅड. भाऊ औसारकर, अ‍ॅड. सुभाष काकडे, अ‍ॅड. कृष्णा झावरे, अ‍ॅड. बाळासाहेब घुले, अ‍ॅड. सुजाता गुंदेचा, अ‍ॅड. संजय जव्हेरी प्रयत्नशील आहेत.