नेवासे : माजी मुख्यमंत्री देवेंद्र फडणवीस यांनी शनिवारी रात्री साडेदहा वाजता शनिशिंगणापूर येथे अभिषेक करून दर्शन घेतले.
फडणवीस शनिवारी (११ जानेवारी) दुपारी औरंगाबादला कार्यक्रमासाठी गेले होते. तेथून परतताना त्यांनी शनिशिंगणापूर येथे थांबून दर्शन घेतले. शनिदेवाच्या दर्शनामुळे समाधान झाल्याची भावना त्यांनी या वेळी व्यक्त केली. पंरतु राजकीय भाष्य त्यांनी टाळले. या वेळी शनैश्वर देवस्थानचे विश्वस्त योगेश बनकर, आदिनाथ शेटे यांनी त्यांचे स्वागत करीत त्यांचा सन्मान केला. श्रीरामपूरच्या हनुमान मंदिराचे कोषाध्यक्ष सुनील गुप्ता, शनिशिंगणापूरचे सरपंच बाळासाहेब बानकर, बाळासाहेब कुऱ्हाट, महेश डिके, नामदेव साबळे, दादासाहेब घायाळ आदी उपस्थित होते.