महिलेची बदनामी; वकिलाला अटक

म. टा. प्रतिनिधी, नगर
फेसबूकवर वकील असलेल्या विवाहित महिलेचे बनावट अकाउंट तयार करून तिची बदनामी करणाऱ्या वकिलाला सायबर पोलिसांनी अटक केली. अॅड. अविनाश बाळासाहेब खामकर (वय २८, नगर) असे आरोपीचे नाव आहे.
एका पंचवीस वर्षीय वकील महिलेचे आरोपीने बनावट फेसबूक अकाउंट तयार केले होते. या अकाउंटवर महिलेबाबत आक्षेपार्ह व बदनामीकारक मचकूर आरोपीने टाकला होता. ही बाब महिलेच्या निदर्शनास आल्यानंतर महिलेने बनावट अकाउंट तयार करण्याबरोबरच चॅट करत या बाबत विचारणा केली. आरोपीने चॅट करत फिर्यादीस शिविगाळ करत कुटुंबास जीवे मारण्याची धमकी दिली होती. याबाबत दोन दिवसांपूर्वी सायबर पोलिस स्टेशनला अज्ञात व्यक्तीविरोधात माहिती तंत्रज्ञान कायद्यानुसार गुन्हा दाखल केला होता. त्यानुसार सायबर पोलिस स्टेशनचे पोलिस निरीक्षक सुनील पवार, पोलिस उपनिरीक्षक किर्ती पाटील, प्रतिक कोळी व इतर कर्मचाऱ्यांनी तांत्रिकदृष्टा सखोल तपास करून आरोपीचे ओळख पटवून आरोपी खामकर याला नगरमधून अटक केली आहे. खामकर व फिर्याद देणारी वकील यांची जुनी ओळख आहे. ही महिला विवाहित आहे.