शहापूर ग्रामपंचायत पोट निवडणूक
नेवासे तालुक्यातील शहापूर ग्रामपंचायतीसह अन्य ग्रामपंचायतींच्या चार प्रभागांच्या होणाऱ्या पोटनिवडणुकीसाठी २४ उमेदवार रिंगणात आहेत. मंगळवारी (२७ फेब्रुवारी) मतदान होणार असून बुधवारी मतमोजणी होणार आहे.
Maharashtra Times 22 Feb 2018, 4:12 pm
म. टा. वृत्तसेवा, नेवासे
नेवासे तालुक्यातील शहापूर ग्रामपंचायतीसह अन्य ग्रामपंचायतींच्या चार प्रभागांच्या होणाऱ्या पोटनिवडणुकीसाठी २४ उमेदवार रिंगणात आहेत. मंगळवारी (२७ फेब्रुवारी) मतदान होणार असून बुधवारी मतमोजणी होणार आहे.
नेवासे तालुक्यातील ७ पोटनिवडणुकांपैकी ३ ग्रामपंचायतींचे सदस्य बिनविरोध निवडून गेले आहेत. यामध्ये चिलेखनवाडी येथील सचिन फुलचंद वाघमोडे, वाटापूरचे भाऊसाहेब कल्याण जाधव व शिरेगावच्या कलाबाई रामदास बर्डे यांचा समावेश आहे. उर्वरित ग्रामपंचायतींच्या प्रभागांच्या पोटनिवडणुकांमध्ये सरळ लढत होत आहे. त्यामध्ये अनुसूचित जाती महिला सदस्यांच्या राजीनाम्यामुळे रिक्त झालेल्या सोनईतील पोटनिवडणुकीसाठी सनी पीटर साळवे व अनिता भाऊसाहेब तेलोरे यांच्यात सरळ लढत होत आहे. नेवासे बुद्रुक येथे अनुसूचित जाती महिला सदस्याने राजीनामा दिल्याने रिक्त झालेल्या प्रभाग क्रमांक ४ मध्ये सदस्यपदासाठी लिलाबाई रमेश जाधव व इंदूबाई भाऊसाहेब गायकवाड यांच्यात तर गोमळवाडी येथे नागरिकांच्या मागास प्रवर्गाचे सदस्यपद अतिक्रमणाच्या कारणावरून रद्द झाल्याने पोटनिवडणूक होत आहे. गणेश शिवाजी अडसूळ व संजय काशिनाथ गाडेकर यांच्यात या प्रभागात सरळ लढत होत आहे. चांदा येथे तिसऱ्या अपत्यामुळे सदस्य अपात्र ठरल्याने नागरिकांच्या मागास प्रवर्गाच्या जागेसाठी पोटनिवडणूक होत आहे. सुनील दहातोंडे व देवीदास पासलकर यांच्यात या प्रभागात सरळ लढत होत आहे.
शहापूर ग्रामपंचायतीच्या सरपंचपदासाठी नारायण कोलते व बाळासाहेब मुंढे यांच्यात लढत होत आहे. चार प्रभागांसाठी एकूण २४ उमेदवार रिंगणात आहेत.
नेवासे तालुक्यातील शहापूर ग्रामपंचायतीसह अन्य ग्रामपंचायतींच्या चार प्रभागांच्या होणाऱ्या पोटनिवडणुकीसाठी २४ उमेदवार रिंगणात आहेत. मंगळवारी (२७ फेब्रुवारी) मतदान होणार असून बुधवारी मतमोजणी होणार आहे.
नेवासे तालुक्यातील ७ पोटनिवडणुकांपैकी ३ ग्रामपंचायतींचे सदस्य बिनविरोध निवडून गेले आहेत. यामध्ये चिलेखनवाडी येथील सचिन फुलचंद वाघमोडे, वाटापूरचे भाऊसाहेब कल्याण जाधव व शिरेगावच्या कलाबाई रामदास बर्डे यांचा समावेश आहे. उर्वरित ग्रामपंचायतींच्या प्रभागांच्या पोटनिवडणुकांमध्ये सरळ लढत होत आहे. त्यामध्ये अनुसूचित जाती महिला सदस्यांच्या राजीनाम्यामुळे रिक्त झालेल्या सोनईतील पोटनिवडणुकीसाठी सनी पीटर साळवे व अनिता भाऊसाहेब तेलोरे यांच्यात सरळ लढत होत आहे. नेवासे बुद्रुक येथे अनुसूचित जाती महिला सदस्याने राजीनामा दिल्याने रिक्त झालेल्या प्रभाग क्रमांक ४ मध्ये सदस्यपदासाठी लिलाबाई रमेश जाधव व इंदूबाई भाऊसाहेब गायकवाड यांच्यात तर गोमळवाडी येथे नागरिकांच्या मागास प्रवर्गाचे सदस्यपद अतिक्रमणाच्या कारणावरून रद्द झाल्याने पोटनिवडणूक होत आहे. गणेश शिवाजी अडसूळ व संजय काशिनाथ गाडेकर यांच्यात या प्रभागात सरळ लढत होत आहे. चांदा येथे तिसऱ्या अपत्यामुळे सदस्य अपात्र ठरल्याने नागरिकांच्या मागास प्रवर्गाच्या जागेसाठी पोटनिवडणूक होत आहे. सुनील दहातोंडे व देवीदास पासलकर यांच्यात या प्रभागात सरळ लढत होत आहे.
शहापूर ग्रामपंचायतीच्या सरपंचपदासाठी नारायण कोलते व बाळासाहेब मुंढे यांच्यात लढत होत आहे. चार प्रभागांसाठी एकूण २४ उमेदवार रिंगणात आहेत.