शिर्डी रेल्वेस्थानक बनले ‘कॅशलेस’

म. टा. प्रतिनिधी, नगर

रेल्वेच्या सोलापूर विभागाअंतर्गत येणाऱ्या रेल्वे स्थानकांमध्ये शिर्डीचे स्थानक हे डिजिटल व्यवहार करण्यासाठी पूर्णपणे सक्षम बनले आहे. सोलापूर विभागातील कॅशलेस सुविधांनी युक्त बनलेले हे पहिले स्थानक असल्याची माहिती देण्यात आली. शिर्डी रेल्वे स्थानकावर विनाआरक्षित तिकीट, आरक्षित तिकीट, उपहारगृह व पार्सल कार्यालय यासर्व ठिकाणी पीओएस (point of sale machine) मशीन उपलब्ध करून देण्यात आली आहेत. त्यामुळे प्रवाशांना येथे कॅशलेस पद्धतीने व्यवहार करणे सहज शक्य होणार असून प्रवाशांनी या सुविधांचा लाभ घ्यावा, असे आवाहन करण्यात आले आहे.