अहमदनगर : एकनाथ शिंदे यांनी आमदार आणि खासदारांना सोबत घेत केलेल्या बंडखोरीमुळे शिवसेनेत संघर्ष पेटला आहे. या संघर्षाची धग गाव-खेड्यातही पोहोचली असून शिवसेना पक्षप्रमुख उद्धव ठाकरे आणि मुख्यमंत्री एकनाथ शिंदे यांचे समर्थक एकमेकांना भिडत आहे. तसंच 'मातोश्री'वर निष्ठा असणारे शिवसेना पदाधिकारी बंडखोरांविरोधात आक्रमक होताना पाहायला मिळत आहेत. अहमदनगर जिल्ह्यातील महिला शिवसैनिक स्मिता अष्टेकर यांनी थेट एकनाथ शिंदे यांना काळे फासण्याचा इशारा दिला होता. या पार्श्वभूमीवर पोलिसांनी अष्टेकर यांना ताब्यात घेतलं आहे.
शिवसेनेच्या जिल्हा पातळीवरील माजी पदाधिकारी असलेल्या स्मिता अष्टेकर यांनी मुख्यमंत्र्यांसह जिल्ह्यातील शिवसेनेच्या बंडखोर नगरसेवकांना काळे फासण्याचा इशारा दिल्यानंतर शहरात राजकीय वातावरण तापलं होतं. या पार्श्वभूमीवर कोणतीची अनुचित घटना घडू नये म्हणून पोलिसांनी अष्टेकर यांना ताब्यात घेतलं आहे.
शिवसेना जिल्हाध्यक्ष शशिकांत गाडे यांचा मुलगा नगरसेवक योगीराज गाडे आणि इतर सात ते आठ नगरसेवकांनी एकनाथ शिंदे यांना पाठिंबा दिला आहे. त्यानंतर स्मिता अष्टेकर यांनी जो कोणी शिंदे यांच्या गटात जाईल त्याच्या तोंडाला काळे फासणार, असा इशारा दिला होता.
मुलाच्या बंडखोरीनंतर जिल्हाध्यक्षांनी काय स्पष्टीकरण दिलं?
शिवसेना जिल्हाध्यक्षांच्या मुलानेच बंडखोरी केल्याने जिल्ह्यात चांगलीच चर्चा रंगत होती. यावरून टीका सुरू झाल्यानंतर जिल्हाध्यक्ष शशिकांत गाडे यांनी खळबळजनक खुलासा केला. माझा भाऊ आणि मुलाला इतरांनी फसवून नेल्याचा दावा गाडे यांनी केला आहे. गाडे म्हणाले, माझे बंधू रमाकांत गाडे यांचा राजकारणाशी काहीही संबंध नाही. अन्नधान्य वितरण निविदा कामाच्या निमित्ताने बंधू रमाकांत व मुलगा नगरसेवक योगीराज गाडे मुंबईला गेले होते. तेथे त्यांना नगरसेवक अनिल शिंदे यांनी फसवून मुख्यमंत्री एकनाथ शिंदेंकडे नेले व छायाचित्रासाठी उभे केले, असा दावा शशिकांत गाडे यांनी केला आहे.
शिवसेनेच्या जिल्हा पातळीवरील माजी पदाधिकारी असलेल्या स्मिता अष्टेकर यांनी मुख्यमंत्र्यांसह जिल्ह्यातील शिवसेनेच्या बंडखोर नगरसेवकांना काळे फासण्याचा इशारा दिल्यानंतर शहरात राजकीय वातावरण तापलं होतं. या पार्श्वभूमीवर कोणतीची अनुचित घटना घडू नये म्हणून पोलिसांनी अष्टेकर यांना ताब्यात घेतलं आहे.
शिवसेना जिल्हाध्यक्ष शशिकांत गाडे यांचा मुलगा नगरसेवक योगीराज गाडे आणि इतर सात ते आठ नगरसेवकांनी एकनाथ शिंदे यांना पाठिंबा दिला आहे. त्यानंतर स्मिता अष्टेकर यांनी जो कोणी शिंदे यांच्या गटात जाईल त्याच्या तोंडाला काळे फासणार, असा इशारा दिला होता.
मुलाच्या बंडखोरीनंतर जिल्हाध्यक्षांनी काय स्पष्टीकरण दिलं?
शिवसेना जिल्हाध्यक्षांच्या मुलानेच बंडखोरी केल्याने जिल्ह्यात चांगलीच चर्चा रंगत होती. यावरून टीका सुरू झाल्यानंतर जिल्हाध्यक्ष शशिकांत गाडे यांनी खळबळजनक खुलासा केला. माझा भाऊ आणि मुलाला इतरांनी फसवून नेल्याचा दावा गाडे यांनी केला आहे. गाडे म्हणाले, माझे बंधू रमाकांत गाडे यांचा राजकारणाशी काहीही संबंध नाही. अन्नधान्य वितरण निविदा कामाच्या निमित्ताने बंधू रमाकांत व मुलगा नगरसेवक योगीराज गाडे मुंबईला गेले होते. तेथे त्यांना नगरसेवक अनिल शिंदे यांनी फसवून मुख्यमंत्री एकनाथ शिंदेंकडे नेले व छायाचित्रासाठी उभे केले, असा दावा शशिकांत गाडे यांनी केला आहे.