चांगल्या कामाची होते समाजात कदर

म. टा. प्रतिनिधी, नगर

‘आपण ज्या पदावर काम करतो, त्या पदाला न्याय दिला पाहिजे. कारण चांगल्या कामाची नागरिक नेहमी कदर करतात. आपल्या पदाला न्याय दिला तर समाज आपणास डोक्यावर घेतो,’ असे प्रतिपादन माजी मंत्री जयसिंग गायकवाड यांनी केले.

शिवशंभो प्रतिष्ठान व आष्टी तालुका मित्र मंडळाच्या वतीने माजी मंत्री जयसिंग गायकवाड यांच्या हस्ते विविध राज्यस्तरीय पुरस्कारांचे वितरण करण्यात आले. त्या वेळी ते बोलत होते. याप्रसंगी जिल्हा पोलिस अधीक्षक डॉ. सौरभ त्रिपाठी, उद्योजक बाळासाहेब पवार, अतिरिक्त मुख्य कार्यकारी अधिकारी डॉ. अशोक कोल्हे, पोलिस उपअधीक्षक चिन्मय पंडित, रामेश्वर थोरात, अॅड. शिवाजी कराळे, रामदास मुळीक, भास्कर पालवे, सचिन ठामगे, प्रेस क्लबचे अध्यक्ष मन्सुर शेख, अॅड. लक्ष्मण कचरे उपस्थित होते.

या वेळी शिवशंभो प्रतिष्ठानच्या वतीने देण्यात येणारा दिवंगत मैनाबाई पवार आदर्शमाता पुरस्कार सखुबाई कडलग यांना तर लोकनेते दिवंगत गोपीनाथराव मुंडे जीवनगौरव पुरस्कार हा डॉ. बुधाजीराव मुळीक यांना प्रदान करण्यात आला. याशिवाय दीपक घारु व कोमल सावंत यांना कलारत्न, गणेश मरकड व व्यंकटराव पाटील यांना साहित्यरत्न, रामकृष्ण कर्डिले, अॅड. नामदेव साबळे, प्रा. माणिक विधाते, जालिंदर बोरुडे, अॅड. हरिहर गर्जे यांना समाजरत्न, डॉ. अमरजा रेखी, सुरेश मिरगणे, पोपट बोराडे, संजना चेमटे, विजय कोकाटे यांना शिक्षकरत्न पुरस्कार देण्यात आला. शिवाजी शिर्के, महेश पटारे, सागर शिंदे, नामदेव सानप, श्रीपतीराव माने, बबनराव पगारे यांना पत्ररत्न व बाळासाहेब शेंदूरकर यांना क्रीडा पुरस्कार देण्यात आला. तसेच आष्टी तालुक्यातील जामगाव येथील जिल्हा परिषद प्राथमिक शाळेला आदर्श शाळा पुरस्कार प्रदान करण्यात आला.