राहुरी : ग्लोबल इकॉनॉमिक प्रोग्रेस आणि रिसर्च असोसिएशन नवी दिल्ली यांच्या वतीने महात्मा फुले कृषी विद्यापीठातील कडधान्य सुधार प्रकल्पातील संशोधक प्रा. लक्ष्मण बापुराव म्हसे यांना नुकतेच बंगलोर येथील कार्यक्रमात डॉ. राधाकृष्णन सुवर्णपदक देवून गौरविण्यात आले. बंगलोर येथे झालेल्या ५२व्या नॅशनल युनिटी कॉन्सफरन्समध्ये प्रा. म्हसे यांना त्यांनी केलेल्या उल्लेखनीय संशोधनाबद्दल गौरविण्यात आले. शैक्षणिक, वैद्यकीय, कृषी संशोधन आणि सामाजिक क्षेत्रात विशेषकार्य करणाऱ्यांचा संस्थेमार्फत सन्मान करण्यात आला. लक्ष्मण म्हसे हे हरभरा संशोधक म्हणून महात्मा फुले कृषी विद्यापीठाच्या कडधान्य सुधार प्रकल्पामध्ये कार्यरत आहेत. हरभरा पिकाचे वाण विकसित करुन प्रसारीत करण्यामध्ये त्यांचे मोठे योगदान आहे. विजय, विशाल, दिग्विजय हे वाण शेतकऱ्यांमध्ये विशेष लोकप्रिय आहे. हरभरा पिकाचे आत्तापर्यंत अकरा वाण संशोधीत करुन विकसित करण्यात त्यांचा मोलाचा सहभाग आहे. त्यामध्ये फुले विक्रम, विराट आणि कृपा या वाणांचाही समावेश आहे. विविध मासिके, वृत्तपत्रे यातुन मराठी कडधान्यावरील लेख आणि विविध जनरल मधून कडधान्यावरील संशोधनात्मक विविध लेखन प्रसिद्ध झाले आहे. कुलगुरु डॉ. के. पी. विश्वनाथा, संशोधन संचालक डॉ. शरद गडाख यांनी अभिनंदन केले आहे.
विशेष संशोधनाबद्दल प्रा. म्हसे यांना सुवर्णपदक
ग्लोबल इकॉनॉमिक प्रोग्रेस आणि रिसर्च असोसिएशन नवी दिल्ली यांच्या वतीने महात्मा फुले कृषी विद्यापीठातील कडधान्य सुधार प्रकल्पातील संशोधक प्रा...
Maharashtra Times 12 Nov 2018, 4:00 am