म. टा. प्रतिनिधी, नगर
कार्यालयीन कामकाजात शंभर टक्के मराठी भाषेचा वापर करण्याचे आदेश एसटी महामंडळाने दिले आहेत. त्यानुसार सर्व कामकाज मराठीतूनच करण्यासाठी अधिकारी वर्गाने प्रयत्न सुरू केले आहेत. कामकाजात मराठी भाषेचा वापर केला जात असल्याचा अहवाल एप्रिल महिन्यात महामंडळाच्या मुख्य कार्यालयास नगर कार्यालयाकडून पाठवला जाणार आहे. त्यामुळे ३१ मार्चपर्यंत कामकाजात शंभर टक्के मराठीचा वापर करण्याच्या सूचना देण्याबरोबरच जिल्ह्यातील आगार प्रमुखांकडून याबाबत लेखी घेण्यात आले आहे.
राज्य सरकारने मराठी भाषेतून कारभार करण्याचे धोरण जाहीर केले आहे. महामंडळानेही राज्यातील विभागीय कार्यालयांना कामकाजात शंभर टक्के मराठी भाषेचा वापर करण्याच्या सूचना दिल्या होत्या. कार्यालयांनी मात्र या आदेशाकडे साफ दुर्लक्ष केले. महामंडळाच्या अंतर्गत कामकाजात इंग्रजी भाषेचा वापर होत आहे. अधिकारी कर्मचाऱ्यांची नावे इंग्लिश भाषेतूनच लिहिली जातात. तसेच इतर प्रकारची पत्रे यामध्येही इंग्लिश भाषेचा वापर होत असल्याचे निदर्शनास आले आहे. त्यामुळे महामंडळाने २७ फेब्रुवारीच्या मराठी राजभाषा दिनानिमित्त पुन्हा विभागीय कार्यालयांना सूचना देण्यात आल्या. तसेच याबाबत टाळाटाळ करणाऱ्या अधिकारी कर्मचाऱ्यांवर कारवाई करण्याचीही तंबी देण्यात आली. त्यानंतर कामकाजास सुरुवात झाली आहे. कार्यालयातील कामकाजासह इतर कामकाज मराठीतून करण्याचे आदेश आगारप्रमुखांना दिले आहेत. तसेच ३१ मार्चपूर्वी सर्व कामकाज मराठीतूनच होईल, असे लेखी जबाब त्यांच्याकडून लिहून घेण्यात आल्याची माहिती आहे. कामकाज मराठीतून होत आहे याची खात्री करुन ७ एप्रिलला अहवाल महामंडळाला पाठवला जाणार आहे.
येथे मात्र इंग्रजीच
न्यायालयात शपथपत्र इंग्लिश भाषेत दाखल करावे लागले तरी त्याबाबतचा पत्रव्यवहार, कार्यालयीन टिपण्या मराठीत सादर करण्याच्या सूचना आहेत. केंद्र व राज्य सरकारांशी करावा लागणारा पत्रव्यवहारही इंग्रजीतूनच करावा लागणार असला तरी टिपण्या मात्र मराठीतच ठेवाव्या लागणार आहेत. तसेच ज्या ठिकाणी इंग्रजी भाषेचा वापर करणे अनिवार्य असेल तेथे इंग्रजी भाषेचा वापर करावा पण त्यासंबंधीच्या कार्यालयातील टिपण्या मराठीत तयार करण्याच्या सूचना देण्यात आल्या आहेत.
सहीची होतेय अडचण
एसटीतील सर्वच कामकाज मराठीत करण्याचे आदेश आहेत. अधिकारी कर्मचाऱ्यांची नावे मराठीत लिहीणे सोपे असले तरी बऱ्याच जणांची सही इंग्रजीतच आहे. या नव्या आदेशामुळे आता त्यांना सहीत बदल करावा लागणार आहे. अगोदरच्या सह्या कागदोपत्री चालणार नसल्याने कर्मचाऱ्यांत गोंधळ निर्माण झाला आहे. यापूर्वी केलेल्या कामांसाठी इंग्रजीतून सही केली त्यानंतर आता मराठीतून सही करावी लागणार आहे. त्यामुळे यासाठी काही वेगळी प्रक्रिया करावी लागणार का याबाबत शंका उपस्थित केल्या जात आहेत. सही कशा पद्धतीने करायची याबाबतही अडचणी येत असल्याचे दिसून येत आहे.
कार्यालयीन कामकाजात शंभर टक्के मराठी भाषेचा वापर करण्याचे आदेश एसटी महामंडळाने दिले आहेत. त्यानुसार सर्व कामकाज मराठीतूनच करण्यासाठी अधिकारी वर्गाने प्रयत्न सुरू केले आहेत. कामकाजात मराठी भाषेचा वापर केला जात असल्याचा अहवाल एप्रिल महिन्यात महामंडळाच्या मुख्य कार्यालयास नगर कार्यालयाकडून पाठवला जाणार आहे. त्यामुळे ३१ मार्चपर्यंत कामकाजात शंभर टक्के मराठीचा वापर करण्याच्या सूचना देण्याबरोबरच जिल्ह्यातील आगार प्रमुखांकडून याबाबत लेखी घेण्यात आले आहे.
राज्य सरकारने मराठी भाषेतून कारभार करण्याचे धोरण जाहीर केले आहे. महामंडळानेही राज्यातील विभागीय कार्यालयांना कामकाजात शंभर टक्के मराठी भाषेचा वापर करण्याच्या सूचना दिल्या होत्या. कार्यालयांनी मात्र या आदेशाकडे साफ दुर्लक्ष केले. महामंडळाच्या अंतर्गत कामकाजात इंग्रजी भाषेचा वापर होत आहे. अधिकारी कर्मचाऱ्यांची नावे इंग्लिश भाषेतूनच लिहिली जातात. तसेच इतर प्रकारची पत्रे यामध्येही इंग्लिश भाषेचा वापर होत असल्याचे निदर्शनास आले आहे. त्यामुळे महामंडळाने २७ फेब्रुवारीच्या मराठी राजभाषा दिनानिमित्त पुन्हा विभागीय कार्यालयांना सूचना देण्यात आल्या. तसेच याबाबत टाळाटाळ करणाऱ्या अधिकारी कर्मचाऱ्यांवर कारवाई करण्याचीही तंबी देण्यात आली. त्यानंतर कामकाजास सुरुवात झाली आहे. कार्यालयातील कामकाजासह इतर कामकाज मराठीतून करण्याचे आदेश आगारप्रमुखांना दिले आहेत. तसेच ३१ मार्चपूर्वी सर्व कामकाज मराठीतूनच होईल, असे लेखी जबाब त्यांच्याकडून लिहून घेण्यात आल्याची माहिती आहे. कामकाज मराठीतून होत आहे याची खात्री करुन ७ एप्रिलला अहवाल महामंडळाला पाठवला जाणार आहे.
येथे मात्र इंग्रजीच
न्यायालयात शपथपत्र इंग्लिश भाषेत दाखल करावे लागले तरी त्याबाबतचा पत्रव्यवहार, कार्यालयीन टिपण्या मराठीत सादर करण्याच्या सूचना आहेत. केंद्र व राज्य सरकारांशी करावा लागणारा पत्रव्यवहारही इंग्रजीतूनच करावा लागणार असला तरी टिपण्या मात्र मराठीतच ठेवाव्या लागणार आहेत. तसेच ज्या ठिकाणी इंग्रजी भाषेचा वापर करणे अनिवार्य असेल तेथे इंग्रजी भाषेचा वापर करावा पण त्यासंबंधीच्या कार्यालयातील टिपण्या मराठीत तयार करण्याच्या सूचना देण्यात आल्या आहेत.
सहीची होतेय अडचण
एसटीतील सर्वच कामकाज मराठीत करण्याचे आदेश आहेत. अधिकारी कर्मचाऱ्यांची नावे मराठीत लिहीणे सोपे असले तरी बऱ्याच जणांची सही इंग्रजीतच आहे. या नव्या आदेशामुळे आता त्यांना सहीत बदल करावा लागणार आहे. अगोदरच्या सह्या कागदोपत्री चालणार नसल्याने कर्मचाऱ्यांत गोंधळ निर्माण झाला आहे. यापूर्वी केलेल्या कामांसाठी इंग्रजीतून सही केली त्यानंतर आता मराठीतून सही करावी लागणार आहे. त्यामुळे यासाठी काही वेगळी प्रक्रिया करावी लागणार का याबाबत शंका उपस्थित केल्या जात आहेत. सही कशा पद्धतीने करायची याबाबतही अडचणी येत असल्याचे दिसून येत आहे.