नगर : नगर शहरात बंद घरे फोडून चोऱ्या करण्याचे सत्र सुरूच आहे. तोफखाना पोलिस स्टेशनच्या हद्दीतील निर्मलनगर भागात, गुलमोहोर रोड येथे दोन बंद घरे फोडून चोरट्यांनी रोख रक्कम व घरातील साहित्य लंपास केले. या प्रकरणी तोफखाना पोलिस स्टेशनला वेगवेगळे गुन्हे नोंदविण्यात आले आहेत. शहरातील निर्मलनगर भागातील गणेश कॉलनी येथे बाबासाहेब शामराव जगताप यांचे घर १२ ते १३ नोव्हेंबर या कालावधीत बंद होते. चोरट्यांनी बंद घर हेरून घराच्या दरवाजाचे कुलूप तोडून घरात प्रवेश कपाटाची उचकापाचक केली. घरात दागिने नसल्याने चोरट्यांनी घरातील एलईडी टीव्ही चोरून नेला. दुसरी चोरीची घटना गुलमोहोर रोडजवळील मार्कंडेय सोसायटी येथे घडली. मेघनाद शशिकांत वैशंपायन यांचे घर बंद होते. या घराच्या दरवाजाचे कुलूप तोडून चोरट्यांनी घरात प्रवेश करून चार फुटाचे कपाटच चोरून नेले. कपाटात महत्त्वाची कागदपत्रे, सहा हजार पाचशे रुपयांची रोख रक्कम होती.
दोन बंद घरे फोडून चोरी
नगर शहरात बंद घरे फोडून चोऱ्या करण्याचे सत्र सुरूच आहे...
Maharashtra Times 15 Nov 2018, 4:00 am