अ‍ॅपशहर

पारधी तरुणांना नोकऱ्या

पोलिस कर्मचाऱ्यांच्या बेरोजगार मुलांना, त्याचबरोबर पारधी समाजातील तरुणांना मुख्य प्रवाहात आणण्यासाठी नगरला एक दिवसाचा रोजगार मेळावा आयोजित करण्यात आला आहे.

Maharashtra Times 22 Nov 2017, 3:00 am
म. टा. प्रतिनिधी, नगर
महाराष्ट्र टाइम्स.कॉम sundays employment rally for police children
पारधी तरुणांना नोकऱ्या

पोलिस कर्मचाऱ्यांच्या बेरोजगार मुलांना, त्याचबरोबर पारधी समाजातील तरुणांना मुख्य प्रवाहात आणण्यासाठी नगरला एक दिवसाचा रोजगार मेळावा आयोजित करण्यात आला आहे. न्यू आटर्स कॉलेजच्या मैदानावर रविवारी हा मेळावा होणार असून, या मेळाव्यात पुण्यातील पन्नासहून अधिक कंपन्याही सहभागी होणार असल्याची माहिती पोलिस अधीक्षक रंजनकुमार शर्मा यांनी दिली आहे.
नाशिक पोलिस परिक्षेत्रातील नगरसह नाशिक, जळगाव, धुळे, नंदूरबार या जिल्ह्यातील कार्यरत असलेल्या पोलिस कर्मचाऱ्यांची मुले व पारधी समाजातील मुले या मेळाव्याला येणार आहेत. नगर जिल्ह्यात शेवगाव, श्रीगोंदा येथे पारधी समाजाचा मेळावा घेऊन त्यात रोजगारांसाठी नोंदणी करण्यात आली होती. जिल्ह्यातील सुमारे साडेसातशे पारधी समाजातील मुलांनी नोंदणी केली आहे. तर नाशिक जिल्ह्यातील ९०० मुलांनी रोजगारसाठी नोंदणी केली आहे. या नोंदणीबरोबर मेळाव्याच्या ठिकाणी नोंदणी करून नोकरीसाठी मुलाखती देता येणार आहेत. या मेळाव्यासाठी तीन हजार तरुण-तरुणी येतील या दृष्टीने पोलिस, रोजगार कार्यालय, आदिवासी विकास प्रकल्प यांच्याकडून नियोजन करण्यात येत आहे. या मेळाव्यासाठी पुणे येथील ५० कंपन्यांचे प्रतिनिधी येणार आहे. त्यात चाळीस कंपन्या या बहुराष्ट्रीय आहेत. फ्लिपकार्ट, टाटा मोटर, रिलायन्स, आयसीआयसीआय बँकेचे प्रतिनिधी मेळाव्यात सहभागी होणार आहे. दहावी, बारावी पास, टेक्निकल प्रशिक्षण घेतलेल्या, पदवीधर असलेल्या तरुणांना या मेळाव्यात नोकऱ्या उपलब्ध करून देण्यात येणार आहेत.
या मेळाव्यात नाशिक परिक्षेत्रातील पोलिसांच्या मुलांची नोकरीसाठी नोंदणी केली जाणार आहे. पारधी समाजातील कोणत्याही जिल्ह्यातील मुलांनाही मेळाव्याला येता येणार आहे. त्यासाठी महत्वाची कागदपत्रे घेऊन यावे, असे आवाहन पोलिस अधीक्षक शर्मा यांनी केले आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज