नगर : सावेडीतील अय्यप्पा मंदिरात सुरू असलेल्या मकर विलक्कु उत्सवानिमित्त अय्यप्पा स्वामी मिरवणूक उत्साहात काढण्यात आली. श्रमिकनगरमधील बालाजी मंदिरापासून निघालेल्या या मिरवणुकीची सांगता अय्यप्पा मंदिरात झाली. यात भाविकांचा लक्षणीय सहभाग होता. रेणावीकरनगरमधील शबरी कॉम्प्लेक्समधील श्रीअय्यप्पा मंदिरात ६० दिवस मकर वीलक्कु उत्सव पार पडला. महिलांनी हातात फुलांनी सजवलेले ताट व त्यामध्ये अर्धा नारळात दिवा ठेवला होता, तर वाद्यांच्या गजरात पुरुष भाविक 'स्वामी शरणम अय्यप्पा'चा जयघोष करीत होते. मंदिराचे अध्यक्ष के. के. शेट्टी यांच्यासह अन्य सदस्यांनी मिरवणुकीचे नियोजन केले होते.
‘स्वामी शरणम अय्यप्पा’
सावेडीतील अय्यप्पा मंदिरात सुरू असलेल्या मकर विलक्कु उत्सवानिमित्त अय्यप्पा स्वामी मिरवणूक उत्साहात काढण्यात आली...
महाराष्ट्र टाइम्स.कॉम 17 Jan 2020, 4:00 am