म. टा. वृत्तसेवा, संगमनेर
तालुक्यात काही गावांमध्ये स्वाइन फ्लूचे रुग्ण आढळल्याने माजी महसूलमंत्री आमदार बाळासाहेब थोरात यांनी तातडीने प्रशासनाला प्रभावी उपाययोजना करण्याच्या सूचना दिल्या आहेत. याबाबत संगमनेर नगरपालिकेच्या वतीने शहरात विविध उपाययोजना करण्यात आल्या असल्याची माहिती नगराध्यक्षा दुर्गा तांबे यांनी दिली.
तालुक्यात काही गावांमध्ये स्वाइन फ्लूचे रुग्ण आढळले आहेत. यामुळे नागरिकांमध्ये भीतीचे वातावरण निर्माण झाले आहे. स्वाइन फ्लू रोखण्याबाबत आवश्यक त्या सर्व उपाययोजना तातडीने करण्याच्या सूचना आमदार थोरात यांनी प्रशासनाला दिल्या आहेत. याची दखल घेत नगरपालिकेनेही आरोग्य अधिकारी, कॉटेज हॉस्पिटल, ग्रामीण आरोग्य केंद्रांचे डॉक्टर यांनी तातडीने आवश्यक खबरदारी घेण्यासाठी सूचना दिल्या आहेत.
स्वाइन फ्लूबाबत उपाययोजनांसाठी तालुक्यातील सर्व शासकीय रुग्णालये सज्ज असून त्यासाठी लागणारा औषधसाठा, व्हेंटिलेटर आदी सामग्री रुग्णालयात उपलब्ध असून संगमनेर तालुक्यात ग्रामीण रुग्णालय, घुलेवाडी व साकूर तसेच १० प्राथमिक आरोग्य केंद्रांसह ६६ उपकेंद्रांमध्ये औषधसाठा सामग्री उपलब्ध ठेवण्यात आली आहे. संबंधीत रुग्ण आढळून आल्यास त्यास त्वरित जिल्हा रुग्णालयात दाखल करण्याच्या सूचना देण्यात आल्या आहेत. नागरिकांनी घाबरू नये, शिंकताना, खोकताना चेहरा व नाक हातरुमालाने झाकून घ्यावा. उघड्यावर शौचास बसू नका.पाणी साचणारी ठिकाणे स्वच्छ करा. झोपताना मच्छरदाणीचा वापर करा. पिण्याचे पाणी उकळून व गाळून प्या. नागरिकांनी गर्दीच्या ठिकाणी जाणे टाळा. साधा खोकला, ताप, सर्दी असला तरी शासकीय रुग्णालयात उपचार करून घ्यावेत, असे आवाहन नगरपालिकेच्या वतीने करण्यात आले आहे.
तालुक्यात काही गावांमध्ये स्वाइन फ्लूचे रुग्ण आढळल्याने माजी महसूलमंत्री आमदार बाळासाहेब थोरात यांनी तातडीने प्रशासनाला प्रभावी उपाययोजना करण्याच्या सूचना दिल्या आहेत. याबाबत संगमनेर नगरपालिकेच्या वतीने शहरात विविध उपाययोजना करण्यात आल्या असल्याची माहिती नगराध्यक्षा दुर्गा तांबे यांनी दिली.
तालुक्यात काही गावांमध्ये स्वाइन फ्लूचे रुग्ण आढळले आहेत. यामुळे नागरिकांमध्ये भीतीचे वातावरण निर्माण झाले आहे. स्वाइन फ्लू रोखण्याबाबत आवश्यक त्या सर्व उपाययोजना तातडीने करण्याच्या सूचना आमदार थोरात यांनी प्रशासनाला दिल्या आहेत. याची दखल घेत नगरपालिकेनेही आरोग्य अधिकारी, कॉटेज हॉस्पिटल, ग्रामीण आरोग्य केंद्रांचे डॉक्टर यांनी तातडीने आवश्यक खबरदारी घेण्यासाठी सूचना दिल्या आहेत.
स्वाइन फ्लूबाबत उपाययोजनांसाठी तालुक्यातील सर्व शासकीय रुग्णालये सज्ज असून त्यासाठी लागणारा औषधसाठा, व्हेंटिलेटर आदी सामग्री रुग्णालयात उपलब्ध असून संगमनेर तालुक्यात ग्रामीण रुग्णालय, घुलेवाडी व साकूर तसेच १० प्राथमिक आरोग्य केंद्रांसह ६६ उपकेंद्रांमध्ये औषधसाठा सामग्री उपलब्ध ठेवण्यात आली आहे. संबंधीत रुग्ण आढळून आल्यास त्यास त्वरित जिल्हा रुग्णालयात दाखल करण्याच्या सूचना देण्यात आल्या आहेत. नागरिकांनी घाबरू नये, शिंकताना, खोकताना चेहरा व नाक हातरुमालाने झाकून घ्यावा. उघड्यावर शौचास बसू नका.पाणी साचणारी ठिकाणे स्वच्छ करा. झोपताना मच्छरदाणीचा वापर करा. पिण्याचे पाणी उकळून व गाळून प्या. नागरिकांनी गर्दीच्या ठिकाणी जाणे टाळा. साधा खोकला, ताप, सर्दी असला तरी शासकीय रुग्णालयात उपचार करून घ्यावेत, असे आवाहन नगरपालिकेच्या वतीने करण्यात आले आहे.