प्रवीण सुरवसे, नगर
वडिलांची गावात चहाची टपरी. त्यावर भागत नाही म्हणून शेतमजुरीचे कामही करतात. आईही मिळेल ते काम करून संसार चालविण्यास मदत करते. अशा कौटुंबिक पार्श्वभूमीवर जिद्दीने अभ्यास करून सोनाली बनकर दहावीच्या परीक्षेला बसली. दहावीच्या परीक्षेत ९१.४० टक्के गुण तिने मिळवत श्रीराम विद्यालय राळेगण म्हसोबा येथे द्वितीय क्रमांक मिळवला. परिस्थितीशी झगडणाऱ्या सोनालीला भविष्यात उच्च शिक्षण घ्यायचे आहे. मात्र, तिच्यासमोर मोठा अडसर आहे तो पैशांचा. त्यासाठी तिला साथ हवी आहे ती दानशुरांच्या मदतीची.
नगरपासून २८ किलोमीटर अंतरावर असणारे राळेगण म्हसोबा या गावात सोनाली ही वडिल सोपान बनकर, आई वर्षा व भाऊ ऋषिकेश यांच्यासोबत राहते. सोपान बनकर हे गावामध्येच ग्रामपंचायतीची जागा भाड्याने घेऊन चहाचे हॉटेल चालवतात. मात्र, त्यामधून मिळणारे उत्पन्न हे तुंटपुंजे असल्यामुळे वेळप्रसंगी टपरीवजा हॉटेल बंद करून दुसऱ्याच्या शेतामध्ये मजुरीची कामे करतात. छोट्या गावातील चहाची टपरी किती उत्पन्न देणार? त्यामुळे मुलांच्या शिक्षणाला व संसाराला हातभार लागावा म्हणून सोनालीची आई वर्षा या देखील दुसऱ्याच्या शेतामध्ये मजुरीचे काम करतात. यामधून महिन्याला मिळणाऱ्या उत्पन्नातून घरखर्च भागविण्याची कसरत बनकर कुटुंबीयांना करावी लागते. मात्र, घरची परिस्थिती बिकट असली तरी अभ्यासासह खेळामध्ये सोनालीने आपली चुणूक दाखविली.
अभ्यासासोबतच जिद्द आणि आत्मविश्वास यांच्या बळावर दहावीपर्यंत पोहोचलेल्या सोनालीला अनेक समस्यांचा सामना करावा लागला. कुटुंबाला हातभार लावण्यासाठी तिलाही कामे करावी लागत. सायंकाळी पाच वाजता शाळेतून आल्यानंतर आईला घरकामाला मदत करून सोनाली रात्री सात ते बारापर्यंत अभ्यास करीत होती. बऱ्याचवेळा गावामध्ये रात्रीच्या वेळी वीज नसल्यामुळे रॉकेलच्या चिमणीच्या प्रकाशात, तर कधी मेणबत्तीच्या प्रकाशात तिने अभ्यास केला. जिद्द व अभ्यासाच्या बळावर तिने दहावीच्या परीक्षेत ९१.४० टक्के गुण मिळवत पालकांची मेहनत सार्थ ठरवली. आता तिला उच्च शिक्षण घेण्यासाठी गरज आहे ती समाजाच्या पाठबळाची.
आई-वडिलांच्या स्वप्नासाठी सोनालीचा लढा
सोनाली बनकरच्या आई-वडिलांच्या मेहनतीतून दरमहा सहा ते सात हजार उत्पन्न मिळते. या मधून घरखर्च चालवताना सुद्धा कसरत करावी लागते. गाठिशी आर्थिक पाठबळ नसले तरी सोनाली व तिचा भाऊ ऋषिकेश यांच्या शिक्षणासाठी आतापर्यंत दोघांनी काही कमी पडू दिले नाही. पोटाला चिमटा घेऊन आतापर्यंत त्यांनी मुलांचे शिक्षण सुरू ठेवले. सोनालीने सुद्धा आई-वडिलांची कष्टाची जाणिव ठेवत दहावीच्या परीक्षेत ९१.४० टक्के गुण मिळवत दहावीच्या परीक्षेत राळेगण येथील श्रीराम विद्यालयामध्ये द्वितीय येण्याची किमया केली. कोणताही खासगी क्लास नसताना केवळ शाळेतील शिक्षकांनी केलेल्या मार्गदर्शनामुळे तिने दहावीचा पहिला टप्पा पूर्ण केला असून कष्ट व आत्मविश्वासाच्या बळावर उच्च शिक्षण घेण्याची तयारी तिने सुरू केली आहे.
सोनालीचे वडिल सोपान बनकर यांचे मुख्य रस्त्यावरून आडबाजूला असणाऱ्या ग्रामपंचायतीच्या जागेत चहाची टपरी असून त्याबद्दल्यात त्यांना ग्रामपंचायतीला भाडे द्यावे लागते. दररोज सकाळी सहा वाजताच सोपान बनकर हे कामासाठी घराबाहेर पडतात. सकाळी डेअरीवर जाऊन दूध आणणे व त्यानंतर सकाळी सात ते सायंकाळी सातपर्यंत हॉटेलवर चहा व भेळ विकण्याचे काम करतात. यामधून त्यांना १०० ते १५० रूपये दररोज मिळतात. चहाच्या टपरीसोबतच छोटीशी पिठाची गिरणी चालवण्याचा बनकर कुटुंबियांनी प्रयत्न केला. परंतु गावामध्ये गिरण्यांची संख्या जास्त असल्याने त्यामधूनही फारसे उत्पन्न मिळाले नाही. त्यामुळे संसाराला हातभार लागावा म्हणून सोनालीची आई वर्षा या देखील दुसऱ्याच्या शेतामध्ये मजुरी करण्यासाठी जातात. एवढे कबाडकष्ट करून देखील महिन्याला सहा ते सात हजार रूपये मिळण्याची श्वाश्वती नाही. परंतु त्यानंतरही खचून न जाता वर्षा व सोपान बनकर या दोघांनी सोनाली व मुलगा ऋषिकेश यांचे शिक्षण चालू ठेवले आहे.
‘माझे दहावीपर्यंत शिक्षण झाले. आर्थिक परिस्थिती बिकट असल्याने उच्च शिक्षण घेता न आल्याने चहाचे हॉटेल टाकण्याची वेळ आली. परंतु आमच्या पोरीच्या नशिबी हे काम येऊ नये, त्यासाठी तिला सातत्याने शिकण्यासाठी प्रोत्साहन देतो. दहावीच्या परीक्षेत तिला चांगले गुण मिळतील, असा विश्वास होता. परंतु चांगल्या गुणांबरोबरच उच्च शिक्षणासाठी पैसा लागत असल्यामुळे पोरीच्या शिक्षणाची चिंता आहे,’ असे वडिल सोपान बनकर यांनी सांगितले. तर, आम्हाला जेवढे शक्य आहे तेवढे सोनालीच्या शिक्षणासाठी करीत आहोत. तिला शिक्षणात काही कमी पडू नये म्हणून दुसऱ्याच्या शेतामध्ये मजुरी केली. बांधकामाच्या कामावर जाऊन खड्डे खोदले. पोरीने देखील कष्टाची जाण ठेवत दहावीला चांगले गुण मिळवले. आता तिने उच्च शिक्षण घ्यावे, एवढीच इच्छा असल्याचे आई वर्षा बनकर यांनी सांगितले.
दहावीपर्यंतचे शिक्षण सोनालीने आर्थिक अडचणींचा सामना करीत पूर्ण केले खरे, मात्र आता तिला उच्च शिक्षण घेऊन प्रशासकीय अधिकारी बनण्याचे स्वप्न पूर्ण करायचे आहे. त्यासाठी गरज आहे ती तिच्या पखांना आर्थिक बळ देण्याची.
वडिलांची गावात चहाची टपरी. त्यावर भागत नाही म्हणून शेतमजुरीचे कामही करतात. आईही मिळेल ते काम करून संसार चालविण्यास मदत करते. अशा कौटुंबिक पार्श्वभूमीवर जिद्दीने अभ्यास करून सोनाली बनकर दहावीच्या परीक्षेला बसली. दहावीच्या परीक्षेत ९१.४० टक्के गुण तिने मिळवत श्रीराम विद्यालय राळेगण म्हसोबा येथे द्वितीय क्रमांक मिळवला. परिस्थितीशी झगडणाऱ्या सोनालीला भविष्यात उच्च शिक्षण घ्यायचे आहे. मात्र, तिच्यासमोर मोठा अडसर आहे तो पैशांचा. त्यासाठी तिला साथ हवी आहे ती दानशुरांच्या मदतीची.
नगरपासून २८ किलोमीटर अंतरावर असणारे राळेगण म्हसोबा या गावात सोनाली ही वडिल सोपान बनकर, आई वर्षा व भाऊ ऋषिकेश यांच्यासोबत राहते. सोपान बनकर हे गावामध्येच ग्रामपंचायतीची जागा भाड्याने घेऊन चहाचे हॉटेल चालवतात. मात्र, त्यामधून मिळणारे उत्पन्न हे तुंटपुंजे असल्यामुळे वेळप्रसंगी टपरीवजा हॉटेल बंद करून दुसऱ्याच्या शेतामध्ये मजुरीची कामे करतात. छोट्या गावातील चहाची टपरी किती उत्पन्न देणार? त्यामुळे मुलांच्या शिक्षणाला व संसाराला हातभार लागावा म्हणून सोनालीची आई वर्षा या देखील दुसऱ्याच्या शेतामध्ये मजुरीचे काम करतात. यामधून महिन्याला मिळणाऱ्या उत्पन्नातून घरखर्च भागविण्याची कसरत बनकर कुटुंबीयांना करावी लागते. मात्र, घरची परिस्थिती बिकट असली तरी अभ्यासासह खेळामध्ये सोनालीने आपली चुणूक दाखविली.
अभ्यासासोबतच जिद्द आणि आत्मविश्वास यांच्या बळावर दहावीपर्यंत पोहोचलेल्या सोनालीला अनेक समस्यांचा सामना करावा लागला. कुटुंबाला हातभार लावण्यासाठी तिलाही कामे करावी लागत. सायंकाळी पाच वाजता शाळेतून आल्यानंतर आईला घरकामाला मदत करून सोनाली रात्री सात ते बारापर्यंत अभ्यास करीत होती. बऱ्याचवेळा गावामध्ये रात्रीच्या वेळी वीज नसल्यामुळे रॉकेलच्या चिमणीच्या प्रकाशात, तर कधी मेणबत्तीच्या प्रकाशात तिने अभ्यास केला. जिद्द व अभ्यासाच्या बळावर तिने दहावीच्या परीक्षेत ९१.४० टक्के गुण मिळवत पालकांची मेहनत सार्थ ठरवली. आता तिला उच्च शिक्षण घेण्यासाठी गरज आहे ती समाजाच्या पाठबळाची.
आई-वडिलांच्या स्वप्नासाठी सोनालीचा लढा
सोनाली बनकरच्या आई-वडिलांच्या मेहनतीतून दरमहा सहा ते सात हजार उत्पन्न मिळते. या मधून घरखर्च चालवताना सुद्धा कसरत करावी लागते. गाठिशी आर्थिक पाठबळ नसले तरी सोनाली व तिचा भाऊ ऋषिकेश यांच्या शिक्षणासाठी आतापर्यंत दोघांनी काही कमी पडू दिले नाही. पोटाला चिमटा घेऊन आतापर्यंत त्यांनी मुलांचे शिक्षण सुरू ठेवले. सोनालीने सुद्धा आई-वडिलांची कष्टाची जाणिव ठेवत दहावीच्या परीक्षेत ९१.४० टक्के गुण मिळवत दहावीच्या परीक्षेत राळेगण येथील श्रीराम विद्यालयामध्ये द्वितीय येण्याची किमया केली. कोणताही खासगी क्लास नसताना केवळ शाळेतील शिक्षकांनी केलेल्या मार्गदर्शनामुळे तिने दहावीचा पहिला टप्पा पूर्ण केला असून कष्ट व आत्मविश्वासाच्या बळावर उच्च शिक्षण घेण्याची तयारी तिने सुरू केली आहे.
सोनालीचे वडिल सोपान बनकर यांचे मुख्य रस्त्यावरून आडबाजूला असणाऱ्या ग्रामपंचायतीच्या जागेत चहाची टपरी असून त्याबद्दल्यात त्यांना ग्रामपंचायतीला भाडे द्यावे लागते. दररोज सकाळी सहा वाजताच सोपान बनकर हे कामासाठी घराबाहेर पडतात. सकाळी डेअरीवर जाऊन दूध आणणे व त्यानंतर सकाळी सात ते सायंकाळी सातपर्यंत हॉटेलवर चहा व भेळ विकण्याचे काम करतात. यामधून त्यांना १०० ते १५० रूपये दररोज मिळतात. चहाच्या टपरीसोबतच छोटीशी पिठाची गिरणी चालवण्याचा बनकर कुटुंबियांनी प्रयत्न केला. परंतु गावामध्ये गिरण्यांची संख्या जास्त असल्याने त्यामधूनही फारसे उत्पन्न मिळाले नाही. त्यामुळे संसाराला हातभार लागावा म्हणून सोनालीची आई वर्षा या देखील दुसऱ्याच्या शेतामध्ये मजुरी करण्यासाठी जातात. एवढे कबाडकष्ट करून देखील महिन्याला सहा ते सात हजार रूपये मिळण्याची श्वाश्वती नाही. परंतु त्यानंतरही खचून न जाता वर्षा व सोपान बनकर या दोघांनी सोनाली व मुलगा ऋषिकेश यांचे शिक्षण चालू ठेवले आहे.
‘माझे दहावीपर्यंत शिक्षण झाले. आर्थिक परिस्थिती बिकट असल्याने उच्च शिक्षण घेता न आल्याने चहाचे हॉटेल टाकण्याची वेळ आली. परंतु आमच्या पोरीच्या नशिबी हे काम येऊ नये, त्यासाठी तिला सातत्याने शिकण्यासाठी प्रोत्साहन देतो. दहावीच्या परीक्षेत तिला चांगले गुण मिळतील, असा विश्वास होता. परंतु चांगल्या गुणांबरोबरच उच्च शिक्षणासाठी पैसा लागत असल्यामुळे पोरीच्या शिक्षणाची चिंता आहे,’ असे वडिल सोपान बनकर यांनी सांगितले. तर, आम्हाला जेवढे शक्य आहे तेवढे सोनालीच्या शिक्षणासाठी करीत आहोत. तिला शिक्षणात काही कमी पडू नये म्हणून दुसऱ्याच्या शेतामध्ये मजुरी केली. बांधकामाच्या कामावर जाऊन खड्डे खोदले. पोरीने देखील कष्टाची जाण ठेवत दहावीला चांगले गुण मिळवले. आता तिने उच्च शिक्षण घ्यावे, एवढीच इच्छा असल्याचे आई वर्षा बनकर यांनी सांगितले.
दहावीपर्यंतचे शिक्षण सोनालीने आर्थिक अडचणींचा सामना करीत पूर्ण केले खरे, मात्र आता तिला उच्च शिक्षण घेऊन प्रशासकीय अधिकारी बनण्याचे स्वप्न पूर्ण करायचे आहे. त्यासाठी गरज आहे ती तिच्या पखांना आर्थिक बळ देण्याची.