अ‍ॅपशहर

शिक्षकांच्या मोबाइल वापरावर बंदी

शाळेच्या वेळेत शिक्षकांनी विद्यार्थ्यांना शिकवण्याचेच काम करावे, मोबाइलवर बोलू नये तसेच व्हॉट्स अॅपपासूनही दूर रहावे, अशा सूचना जिल्हा परिषदेच्या शिक्षण समितीने दिल्या आहेत. सभेत झालेल्या या निर्णयाची माहिती शिक्षकांना परिपत्रक काढून दिली जाणार आहे.

Maharashtra Times 3 Oct 2017, 3:00 am
म. टा. प्रतिनिधी, नगर
महाराष्ट्र टाइम्स.कॉम teachers ban mobile usage in school
शिक्षकांच्या मोबाइल वापरावर बंदी

शाळेच्या वेळेत शिक्षकांनी विद्यार्थ्यांना शिकवण्याचेच काम करावे, मोबाइलवर बोलू नये तसेच व्हॉट्स अॅपपासूनही दूर रहावे, अशा सूचना जिल्हा परिषदेच्या शिक्षण समितीने दिल्या आहेत. सभेत झालेल्या या निर्णयाची माहिती शिक्षकांना परिपत्रक काढून दिली जाणार आहे.
जिल्हा परिषदेच्या शाळांची गुणवत्ता ढासळत चालली आहे. प्राथमिक शाळांऐवजी खासगी शाळांकडे विद्यार्थ्यांचा कल वाढला आहे. शाळांतही विद्यार्थ्यांना शिकवण्याचे सोडून शिक्षकांकडून मोबाइलचा वापर वाढला आहे. त्यामुळे अध्यापनाच्या महत्त्वाच्या कामाकडे दुर्लक्ष झाले आहे. याचा विपरित परिणाम अभ्यासक्रमावर होत आहे. शिक्षण समितीच्या नुकत्याच झालेल्या सभेत या मुद्द्यावर जोरदार चर्चा झाली. शिक्षकांच्या मोबाइलच्या वापरावर बंदी घालण्याची मागणी करण्यात आली. त्यानंतर किमान शाळेच्या वेळेत शिक्षकांनी मोबाइलचा वापर करू नये, असे निश्चित करण्यात आले. या निर्णयाची माहिती शिक्षकांना देण्याच्या सूचना शिक्षण विभागातील अधिकाऱ्यांना देण्यात आल्या. दरम्यान, शाळेच्या वेळेत मोबाइल वापराच्या मुद्द्यावर या पूर्वी झालेल्या सभेतही चर्चा झाली आहे. त्या वेळीदेखील शिक्षकांना मोबाइल वापरू न देण्याचा निर्णय घेण्यात आला होता. परंतु, या निर्णयाची अंमलबजावणी मात्र झाली नाही. त्यामुळे आता हा निर्णय पुन्हा घेण्यात आल्याने याची अंमलबजावणी कशी होते हे पाहणे महत्त्वाचे ठरणार आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज